نفسيتي تعبانه جدا
 

مساء النور
جتني الدوره الثانيه بعد الزواج وكانت متأخره اسبوع
جتني قبل سته ايام والحين بدت تخف ، لكن تغير لونها للأسود
ومن امس واليوم ونفسيتي جدا جدا جدا تعبانه
طول الوقت احس اني ابغا ابكي ، واتضايق من كل شي ، من كلمه من تصرف
صايره اكره الدراسه والجامعة ، واحس بوحده رغم انه اهل زوجي مو مقصرين يجوني
احس اني ما ابغا اشوف احد ابدا حتى بيتي مرات احس اني كرهته ، حتى لمن اقوم من النوم ما ابي اقوم من فوق السرير
بس منسدحه وأفكر كثير .. حتى زوجي لاحظ فيني هالشي وبدا يتضايق منه
صايره كسلانه ومكتئبة وأكره اطلع اي مكان ، ماكنت كذا والله ياجماعه ايش اللي خلاني اتغير نفسيا كذا
اخاف اني اوصل لمرحلة الاكتئاب ،،
ساعدوني وارشدوني ودلوني ؟؟
هل هذا من الدوره ؟؟ يعني نهاية الدوره ممكن تتغير النفسيه للدرجه هذي
وهل تغير اللون امر طبيعي نهاية الدوره ؟؟

رد: نفسيتي تعبانه جدا
 

حبيبتي كل شي يتغير فيك بعد الزواج
انا من شدة سوء نفسيتي كانت تنزل علي الدوره مرتين بالشهر ست ايام كاااملات
ورحت الدكتوره قالت عادي هذي من النفسيه وجلست تنصحني
وفاة ابوي وزواجي صدمتين بسنه وحده
انا من النوع اللي من كثر مادلعوني تمنيت ماتزوج ابد
وهذا انا اخذت ثمن الدلع كنت احسب الناس كلها زي دلع امي وابوي
لين انعدمت نفسيتي
انتي بتاخذين فتره وترجعين نفس اول واحسن

لاتتركين القران وشغليه بالبيت والرقيه بعد واصلي عليها وبترتاحين

رد: نفسيتي تعبانه جدا
 

المشكله اني كنت مبسوطه اول ما تزوجت
يعني لاني مغصوبه ولا مصدومه من اي شي
بالعكس .. وهو حب صفات موجوده فيني ( مرحه واجتماعيه ومثقفه )
كلها انعدمت من يوم ما بدت دورتي الثانيه الى الحين في نهايتها

رد: نفسيتي تعبانه جدا
 

ايوا ياحبيبتي انا مو مغصوبه ومبسوطه الحمدلله بس طبيعي حياه جديده

انا تغيرت حتى الامها وشكلها ولونها صرت احسب لها من يوم ماتخلص
اقري مواضيعي وبتعرفين

الله يطمن بالك

رد: نفسيتي تعبانه جدا
 

ما بعرف اختي شغلي سورة البقرة واقرئي قران الله يعينك

رد: نفسيتي تعبانه جدا
 

أختي السلام عليكم بتجي أوقات بيكون الواحد مو على طبيعتو علبك بالرقية وسورة البقرة

رد: نفسيتي تعبانه جدا
 

صلي عالنبي يابنت الحلال مافيكي إلا العاااافيه ان شاء الله

شوفي ياقلبي بعد الطهور صليلك ركعتين واقرأي سورة البقرة وان شاء الله بإذن الله بترتاااحي

الله يسعدك

رد: نفسيتي تعبانه جدا
 

طبيعي .. انا ببداية زواجي نزلت علي دوره غريبه وضلت ثلاث ايام بدون ماينزل شي وحتى لونها كان غريب و وقفت وبعد عشر أيام نزلت دوره عادية وواستمرت 6 ايام وقتها خفت ورحت للدكتوره قالت هذيك ماتعتبر دوره يعني تعتبر مثل الافرازات و الاشياء اللي تغيرت بعد ليلة الدخله تسببب بنزول هذا الشي وقالت الثانيه هذي دوره ولاتخافين من هذيك .. المهم ثالث دوره تأخرت و اساسا انا دورتي ملخبطه تتأخر كثير قبل اتزوج بس كنت كل شهر تجس الامها وتتغير نفسيتي شوي .. ومع الايام صرت ابكي لحالي وكرهت البيت وكرهت الشغل ومن ينام زوجي اجلس ابكي ومن اسكر الجوال من امي اجلس ابكي و زوجي حاول يطلعني من هالحاله ماخلى مكان الا اخذني له ومع هذا اطلع متضايقه وبعدها قال يمكن ماتبين معي خلاص اطلعي مع خواتك > كان مانعني اطلع مع اهلي لأي مكان < ولما سمح لي فرحت وطلعت مع خواتي و نفس الشي مافي وناسه ولما رجعت سئلني انبسطتي قلت لا ليتني ماطلعت بس تعبت عالفاضي لو ضليت نايمه احسن ورجعت نمت ولما صحينا الصبح قال امشي هالمره للمستشفى قلت هيه ماني نفسيه قال مو على نفسيه صايره عصبيه وكسوله وماخليتي دموع بعيونك وبس نايمه او تهاوشين او تبكين ماكنتي كذا انا اشتقت للي تزوجتها ولازم القى لك حل هالشي مو طبيعي .. ولما شفته عصب لبست عباتي ورحت وهناك سوو لي تحاليل وبعد يومين عادوها طلعت لخبطة هرمونات وحتى هرمون الحليب كان مرتفع مررره وهرمون الغده نفس الشي مرتفع مع ان كان نازل مرره كانت نشيطه قبل اتزوج وصارت كسلانه ولقوا فيتامين د .. ناقص بقوه .. وعطوني فيتامينات ومامضى اسبوع واسبوعين الا رجعت مثل اول واحسن مع العلم ان علاج الغده ماخذته لان الهرمون مو ثابت و علاج هرمون الحليب قالوا لاتلبسين ضيق لفتره لان العلاج له مضاعفات الافضل ينزل طبيعي والحمدلله نزل طبيعي و الفيتامينات ساعدتني بعد الله .. قلت لك تجربتي بالتفصيل لأن مريت بهالحاله وكل عروس تمر فيها لأن حياة جديده وبعد ماكنتي مع عيله صار فيه وقت تجلسين لوحدك صرتي تحسين بالفراغ ويكثر التفكير و و الخ وترى النفسية تلخبط الدوره وتمنع الحمل .. انتبهي على نفسك من الحين وحاولي تتجاوزين هالفتره عاندي تفكيرك وتحدي نفسك ..

رد: نفسيتي تعبانه جدا
 

تووووكلي على الله

رد: نفسيتي تعبانه جدا
 

مافيك إلا العافيه وهذي من هرمونات الجسم

بس أنصحك تسوي تحليل للغده لان اعراضها كسل