محتاجة خبرتكوا ضروري يا ريت تجاوبوني ⁦❤️⁩

[مها المصري]

السلام عليكم ورحمه الله وبركاته
انا متزوجه من ١٠ شهور
ومن حوالي شهر ونص عملت استئصال للغده الدرقيه ومحصلش حمل ولا مره في فتره العشر شهور دول ، المهم انا جوزي بيسافر لشغله وبينزل اسبوع كل ٣ اسابيع وبتصادف معظم إجازاته يكون عندي الدوره الشهريه وطبعا مبيحصلش اي علاقه في الفتره دي وبعدها بيوم او اتنين بيسافر ..
الشهر اللي فات كان موجود أيام التبويض وحاولت جاهده التزم بالعلاقة لمدة يومين قبل ايام التبويض ويومين بعد بالإضافة إلى أيام التبويض .
من ١٠ ايام حسيت بمغص شبيه لمغص الدورة الشهرية لمدة يومين وافرازات كتير بيضاء شفافة أو مائله للصفار .
ومن حوالي ٥ ايام كده عندي وجع بدأ يزيد تدريجيا في الثدي وحاسه أنه كبير عن العادي .
وأخيراً وده جديد عليا غازات شديده في البطن .
هل دي اعراض حمل المفروض الدورة بكره أو بعده وانا حاسه بإكتئاب شديد ونفسيتي كتير سيئة خايفة يكون في حمل وخايفة يكون مفيش في نفس الوقت 😔
أنا بتناول فيتامينات كثيره جدا وحقن فيتامين دال ودواء الغدة الدرقية والهرمونات عندي لسه مش مظبوطه خايفه يكون في حمل ويتأثر بسبب كل اللخبطة دي .

لو حد عنده فكره يا ريت ميبخلش عليا 💗

آسفة للاطاله ويارب يحقق للجميع ما يتمنوا ⁦❤️⁩