قضية طلاق

[أمنيه]

شلونكم يا صبايا
ابي رايكم بموضوعي
انا وزوجي ٢٤ ساعه مشاكل رغم ان خذينا بعض عن حب
وزوجي من النوع لسانه زفر ويمد ايده
المهم من يومين صارت مشكله وضربني بس ماقدرت اسوي شي الا ثاني يوم
اللي هو امس وزعلت ورحت عند اهلي
وكلموه اهلي على اساس يطلقني بدون محاكم ما رضى
المهم انا اليوم رحت رفعت عليه قضيه طلاق بدون ما يعرف وموعد الجلسه بعد اسبوعين

وهو قبل شوي كلمني بدون ما يعرف اي شي يقولي ممنوع تطلعين الا بإذني ومن هالسوالف

مشكلتي يا بنات انا احبه وايد ما اتحمل فراقه بس بنفس الوقت ما اقدر اعيش معاه لان ٢٤ ساعه يهيني ويضربني لانه وايد عصبي بس لما يكون رايق وطبعا هذا نادر يكون وايد زين معاي
واهلي عطوني اخر انذار ان اذا رجعتله بعد خلاص هم ابدا ما حيساعدوني ولا حيوقفون معاي
طبعا لان كذا مره اكبر الموضوع ويتدخلون اهلي وبالاخر ارجعله

وانا الحين محتاره شنو اسوي لما سمعت صوته حنيتله واااااايد :(((((((

[الأمورة سوس]

أستخيري ياعزيزتي
و قرارك في رفع قضية خليها مجرد تخذير قوي له
و إذا يحبك راح يحاول المستحيل ليرجعك
و إذا رجعتي خليها بشروط
الله يهدي لنفوس

[نجوم]

استخيري والله يفرج همك

[Ayat121]

أنا بتقبل كل انواع الخلافات الزوجيه ألا الضرب
بصراحه رجال يمد أيده على مرأه اقوى أهانه عندي
لو مكانك مارجع لو شو ماصار وانتي حره
فكري مع نفسك من الحين مو بعدين لما يجون العيال تطلقين
اذا مفكره بالطلاق الحين احسن من بعدين لما يجون اطفال ويصيرو هم الضحيه

[!اميرة الورد!]

شوفي اختي الا الضرب كل شي تحمليه الا الضرب

انتي زوجته لك حقوق وواجبات مثل ماله بالظبط

واذا مامعك اطفال لاترججعين هي ماهي حياه ليش يضربك

وش السبب لاتحنيين ولا شي هو عارف انك بتحنيين عشان كذا اخذ راحته

واذا معك اطفال خلي هي القضيه قرصة اذن

[لمياء ماهر]

اختي الزمي الاستغفاااااااااااااااااااااااار والدعاء ان ربي يسخره لك بتتفاجئين من تغير حاله للافضضل

عندك حل الزميييه وبتشوووفي نتائج الدعاء والاستغفارر بس اصدقي مع الله يصدق معاك

[مسك أبيض]

الله يسهل امورك ويهدي زوجك ويسخره لك

[مرهفة الإحساس]

انصحك انك تتحملي لان خراب البيوت مش حلو وفي الاخر بتتطلقين وتعدي مع اهلك بتكوني سعيده ؟؟؟؟ ولا تتحملي شوية تنصحيه شوية خدي وادي معاه في الكلام شوية احسن من انك تكوني مطلقه وتيجي ترجعيله بعد الطلاق حرام عليكي نفسك وحياتك وهو اتوقع مدام كلك وانتي في بيت اهلك يعني مهتم فيكي ومش عايز يخسرك وكمان سامحيني بس لا تتطاوعي اهلك ابدا في ها الكلام وانتي اصلا مش كل شي مشكله تحكيهالهم
الله ييسرلك امورك

[كيور بالذهب والعسل]

بقولك شي صار معي..كنت اعشق طليقي حد الجنون ..لدرجة انه لي بعد انفصالنا 7 سنوات وانا اتعالج نفسيا بسببه...كان للاسف يتعاطى المخدرات وتعرضت لتجربه خيانة مرة جدا...وصلت لمرحلة قلت لقلبي استريح وجيت لمخي وقلت له اشتغل...قلبي كان يقولي ماقدر اكره بس عقلي صفعني برد فوقني......قالي هل هذا هو الانسان الصحيح اللي تقدري تكملي معاه...؟اجابة السؤال كانت رفع قضية فسخ نكاح ومع اني جبت منه اطفال واخذهم مني من باب يكسر ظهري بسسسسس كنت قوية وكملت واتزوجت وجبت ولدين...اكره خراب البيوت بس بعض الرجال خراب البيوت مستحب لهم ,,,,,بل هم من يسعوون اليه.......نصيحتي ابحثي عن من يحبك,,,,ولا تركضي الى من تحبيه