اجهاض للمرة التانية والحمد لله

[ام يحيي الله يحميه]

السلام عليكم ورحمة الله
انا صارلى عشر شهور عبحاول احمل و
حملت من اربعة اشهر وسبحان الله شاء ربى انه مايكمل الحمل ومع بدايه الشهر الثانى سقط الحمل وهادا الشهر اتأخرت علي الدورة يوم وحللت التحليل المنزلى وطلعلى خطين واخد غامق والثانى لا يكاد يرى ...قلت يمكن عشان لسه الحمل فى اوله ورحت احلل دم وقالتلى دكتورة التحليل انه بين عندها خط خفيف كتيبببر وقالتلى تعالى بعد يومين يمكن يبان اكتر وبعد يومين قلت ارجع احلل تحليل منزلى تانى وفعلا حللت وطلعلى هالمرة الخط الثانى اغمق من المرة الماضية وفرحت كتير واستبشرت خييير وقلت لازم اروح اكشف عند الدكتورة وفعلا رحت وكانت المفاجأة ان الدكتورة قالتلى لا باين كيس ولا باين شى من اصله والرحم فاضى طبعا انا فوجئت وانصدمت لانى كنت متخيله اول مارح تكشف على حتقولى اهو مبين كيس...المهم طلبت منى تحليل رقمى وقالتلى هو هادا اللى حيبين اذا فى حمل ولا ﻷ ورحت ساويت التحليل الرقمى وكانت المفاجأة انه طلع الرقم 21.1 يعنى فى حمل بس ضعيف كتييييير وحيسقط كمان يومين ولما قلت الرقم للدكتورة قالتلى لا الحمل ضعيف كتيييير وانا مالى مبسوطة من الرقم بس انا كان عندى امل انه ممكن مايسقط ويكمل على خير المهم الدكتورة قالتلى تعالى بعد يومين نكشف ونشوف وين وصلنا وسبحان الله شاء ربى انه مايكملو اليومين وفوجئت يوم الجمعة الماضية بدأ ينزل منى دم وكإنها الدورة وبرضو كان عندى امل ان يكون اللى نزل شوية دم وحيقف ويكمل الحمل بس سبحان الله الله ماارد ونزل الحمل الثانى وانتهى الحلم ....انا ساويت تحليلات والدكتورة قالتلى انى سلمية الحمدلله بس للأسف زوجى عنده الحيوانات المنوية فيها ضعف وتشوه كتيير و 10 % بس منن عبيتحرك والباقى كله مشوه ورحنا طبيب وعطاه دواء وهو عبيتعالج هﻷ....والدكتورة قالتلى سبب الاجهاض فى المرتين هو الحيوانات المنوية الضعيفة ياترى هادا حكى مظبوط ولا ﻷ