السلام عليكم ورحمة الله وبركاته
كيفكم ياكروشات شخباركم؟
الله يسهل للحوامل اللى باقي ما ولدوا وألف مبروووووووك للي ولدوا وأرتاحوا من حمل 9 شهوووور
حبيت أقص عليكم قصة ولدتي ببنوتي القمورة "بيـــان"
أنا ولدت يوم الاثنين الموافق 28/5/1432هجري بعد معاناة الطلق
بدأ معي الطلق من يوم الاربعاء 23/5 رحت الطوارئ يووم الاربعاء لاني شكيت أنه نزلت مني موية البيبي بس مانزلت جامدة نزلت خفيفة يوم رحت وكشفت علي قالت ماهيي موية البيبي عندك التهاب وعطتني تحميلة قالت رح تشيل الالتهاب المهم دخلتها وحسيت بألم وكاني مسدودة من تحت لين اليوم الثاني ندمت أني دخلت التحميلة يوم جا اليوم الثاني ذابت التحميلة وطلعت بس طلع معها مادة مخاطية ودم بس أحس بألم كان الدورة تنزل معي هذا الكلام يوم الخميس وقريت في النت انه طلق وقرب ولادة وقلت الله يصبرني ويوم الجمعة كان الالم اقوى شوي ومارحت للطوارئ قلت عندي مراجعة السبت بروح عليها رحت يوم السبت سويت أشعة قالت الدكتورة موية البيبي قلت لازم يتحدد لك موعد طلق صناعي عشان مو كويس عشان البيبي ورحت للدكتور ونفس الكلام حدد لي موعد للطلق الصناعي يوم الثلاثاء اللى هو يوم 29/5 ويوم قلت لهم عن الافرازات اللى تنزل قالوا كويس يمكن تجيك الولادة الطبيعية قبل موعد الطلق الصناعي المهم رحت خلصت الاوراق حق التنويم ورجعت البيت في الليل ذبحني الطلق ورجعت للطورائ وكشفت الدكتورة وقالت مفتوح 2 سم رغم أنه كان مقفل يوم كشفت الدكتورة وقالت لي التهاب وقالت لسى مو ولادة يمكن يزيد معاك الالم أذا زاد ارجعي وأذا مازاد خليك لموعدك حق الثلاثاء المهم رجعت البيت ونمت يوم الاحد كان الطلق معي مستمر مايهدأ كل 5 دقائق بس قلت كل شوي وانا بالطوارئ بتصبر يمكن مو ولادة بدأ الطلق معي من الساعة 6 المغرب وهو يروح ويجي قلت يمكن يوقف بس ما وقف وقت بتصبر وكنت أمس بطني بزيت زيتوت وكنت كاتبه لي أدعية تسهيل الولادة وكنت أقراء فيها وأقرا سورة الزلازلة كل مل جاني الطلق وعطتني أمي كف مريم كانت منقعته وشربت منه وعلى هالمعاناة للساعة 3 الفجر ماقدرت أتحمل صحيت أمي وأبوي قلت لأمي ماعاد أقدر أتحمل خليناا نروح المستشفى ورحنا ودخلت غرفة الولادة على الساعة 4 الفجر جات الدكتورة كشفت لقته مفتوح 4 سم قالت ولادة وفيه طلق قالت الدكتورة بنزل موية البيبي عشان تولدي بسرعة ورح نعطيك طلق صناعي خفيف وخلوني مع معاناة الطلق كنت أصحى وأنام وأمي بعد قلبي كانت معي في غرفة الولادة حضرت كل المعاناة وكانوا كل شوي يكشفون عشاني بكرية كان كل ساعتين يفتح بس 1 سم لين الساعة 12:45 الظهر كان مفتوح 10سم كاملة ودقت السستر الجرس وجاوني الدكتورات والسسترات ورفعوا رجولي وبدت الولادة والحمد لله على الساعة 1:21 ولدت وجبت أحلى بيونه والله يكتب لنا الاجر على هالتعب كله تو حسيت بمعاناة أمهاتنا الله يحفظهم لنا
05-16-2011, 02:43 PM
قصة ولدتي باحلى بيونه روح قلبي
أم بيان 
جديد منتدى إستفسارات مرحلة الولادة
العرض العادي
