(مميز)#عي الجوريه ون# تعالي خبرينا بأطرف موقف مر عليك بيوم زواجك

[رنين الصمت]

السلام عليكم جميعا ياامهات

كيف حالكم انا رنين الصمت

انقل لكم اطرف موقف مريت فيه يوم كنت مخطوبه

الله يسلمكم هذا كنت انا وياالسبع بعلي رايحين بالليل ندور كنبات للصاله لبيت لعشة الزوجيه

وكان زوجي العزيز يكره النقاب يعني يحب الحرمه مغطيه وجها فلكلور قديم وانا مو متعوده

وغطيته علشانه وياريت ماغطيته كنت الله يسلمكم ماشيه بالليل ومافي انوار في محل هالكنبات


والله لايوريكم هبطت ذيك الهبطه والسبب طابوقه حاطينها واجيكم على وجهي ويا فشيلتاه

الصراحه تألمت كثير حتى الدم طلع من صبعي الكبير بالتحديد

بس ماهمني الالم يابنات الفشيله يا خواتي ازود من الالم وحرمت اسمع كلامه وغطي عيوني

ومن ذاك اليوم وانا كل ماقال لي نزلي الغطى على عيونش قلت تبيني اطيح ؟

هذا موقفي


اختكم رنين الصمت

[om kareem]

الموقف المحرج هو ان مصور الفيديو مجاش غير بعد ما الفرح خلص وروح معانا عشان يصور فى الشقه بعد مااتبهدلت وتعبت والمكياج ثاح من الحر وشكلى زباله

[مأحلى الطفوله]

هلا بك الحب لك وحدك انا الموقف اللي مريت فيه بيوم زواجي كنت حاطه عدسات بعيوني ولمن وصلنا الفندق وقمت بشيلهم وحدة وخرت اما الثانيه كانت ملزقة وحاولت ولمن عجزت خفت وشوي واصيح بس حبيبي ساعدني وقام اهديني حتى وخرت وللحين نذكر هالموقف

[الزهرة الحمراء]

انا يوم زفافي طفت الكهرباء والمولد خرب قامت امي مسكينة وقفت تمسك اللمبه الشحن واختي المروحة اكثر من ساعة وكمان وصل الفستان ناقص التاج والمشكلة اكتشفناه وقت ماخلصت التسريحة( لانه تاخرنا بسبب الكهرباء) المهم الكوافيرة اتصرفت وعملت الاسوارة تاج وغيرت شوية من التسريحة والحمدلله ماحد خد باله منها وكمان الحذاء جابوه مش مقاسي ولبست حذاء اختي وهي اتصرفت بواحد ثاني ونحنا في القاعة نازلين الدرج من الكوشة كان الثوب ثقيل مش عارفة اتوازن وكان زوجي يحاول يساعدني وماانتبه لنفسه وكان بيسقط والحريم كلهم صاحوا بس الله ستر عليه وعليا لاني خفت لاسقط ووينكشف الملابس الداخلية هههه بس الحمدلله

[magic moon للهدايا]

ياعمري بس هذا اللي تبينه ابشري
اول شي من اول اليوم الين اخره وهو كل مواقف مضحكه وشوي محزنه وشوي دراما
والله عقولنا في ذاك اليوم مقفله
اول موقف اول شي لما طلعت من الكوفيره بالعافية دخلوني السياره من القنفوش اللي فوق راسي
اتجمعوا على امي وخالاتي واخواني ماقدرت ادخل واحد من اخواني ربي يسعده جلس يتريق يقول مافي الا واحد من الاثنين اما نقشع السقف او نجلسها في الشنطة او نستاجر وانيت وانا انفك علي ضحك مع صياح اخرتها بعد تفكير طويل وحسابات واجتماعات قرارو انو ادخل وانبطح على رجول خالاتي واتخيلوا كان زواجي يبعد عن القصر 70 كيلو وااه على هذيك الايام
والموقف الثاني اللي ضحكني انو لما وصلنا البيت طبعا كانوا اخواني ورانا يمشون طول الطريق نزل واحد من اخواني وجاء فك لي الباب ومسك بيدي وفستاني عشان يساعدني وانظر الازوجي زي اللي قاهران وشقتي بالدوارالثاني وطول الطريق اخوي و زوجي متهاوشين علي كل واحد يقول لثاني ارتاح انت انا امسكهااخر شي زوجي قال لا اخويه انو مخطط من زمان لها اللحظه يبي يشيلني الين فوق لاكن اخوي قاله لا انا امسكها عشان اخاف تتطيح وانا ميته ضحك اناظر في وجه زوجي قاهران لانو مجهز البيت شمووع وورود وهو يبي نطلع انا وياه وكل بعد مدة نفتكر انا وزوجي واخويه على هالموقف واخويه الله يسعده كان متاثر جدا وقتها
والموقف الثالث لما زوجي خرج عشان ابدل ملابسي نشبت في السسته حالفة انها ماتنفك
واجلس احوس واحوس والفستان ضيق ما اقدر امد يدي لورا واسوى انوع الشقلبه كلها ماقدرت افكها اخر شي جلست واناظر في المرايه واقول اكلمه ولا ما اكلمه ..وزوجي يستناني بـ القاتو
اخر شي جاء يشوفني وين رحت دخل وجلس يناظر فيه وقال اكيد تبين مساعده هزيت راسي
وبس هاذي مواقف ليله دخلتي
والله يعطيك العافية ع الموضوع الروعه

[اشتقت يبه]

انا في الملكه سويناها في بيت جدتي وكان كل اهلي موجوديين
وعنديزوجة عمي خبيره في المكياج والشعر واي سوت لي هديه فديتها والفستان شرت لي جدتي هديه المهم وقت بيدخل علشان يلبسني عقب ماكتبنا الكتاب دخل وانا حدي خفت ههههههههههه ولتفت على يساري ماطالع في استحي وخايفه لبسني وبعدين دخلانه مجلس بس جلس دقيقه معي لان مايبون يتعود جلس يسالني وانا ساكته هههههههههههه وقام قال يالله بروح وقرب مني قال ماراح تعطيني بوسه مدري عطيته في خده ههههههههههه وكان راح يبوسني ودخلت اخته هههههههههههههه قالت صدتكم هههههههههههه وراح وحسيت بفرحه وطلعت قالو بنات عمي ذايب فيج وستحيت حيل
وقت الزواج بيوم اتصل قال متى تجي الشقه قلت له خلاص باكر
وقت الزواج وانا في المشغل اتصل قال مالازم نروح الستراحه مولازم نزفك تعالي بس نهرب متأثر زوجي من الأفلام الهنديه قلت له ياليت بس مارح تستوي اصبر هههههههههههههههههههههههههه مستعجل فديته ههههههههههههههههههههههههههه

[قلب ام]

هلا وغلا بادخل بالموضوع على طول خخخ اطرف موقف يوم زواجي وانا في الفندق جاب لنا زوجي مشاوي وكبه وانا جنوني الكبه المهم وسلطات ووووووو لخ المهم زوجي يقول كلي وانا اكل بشويش مسويه الاخت رقيقه وهو بسم الله عليه يلب لب ههههههههههههه وانا اكل بالشوكه خخخخخخ كان علي شكل المهم قال بنزل اطلب حلا لان السنترال مايردون المهم نزل وانا قمت اكلللت الكبه كلها وورق العنب وشفطت الببسي ولميت السفره وفي الزباله
المهم يوم رجع قال ليش شلتي السفره انا اشيلها ومن هالكلام قلت حبيبي افا عليك انا الحرمه وبس اتذكر الموقف اجلس اضحك خخخخخخخخخخ

[الصمت عشقي]

والله مواقفكم تضحك
انا صار لي موقف بغيت اموت لولا الله ثم خواتي ولا كان مت بكي
المهم ياخواتي العزيزات انو وصلني الفستان قبل الزواج بيومين
قبل الزواج بيوم قالت لي امي وخواتي البسي الفستان عشان نشوف شكلك فيه مع الحناء
وانا كنت مو راضيه
وبالغصب لبستة وكان ضيق يمكن 5 اصابع
انا وقتها توهقت بغيت انفجر من البكي
بس خواتي صبروني
دقيت على اللي ماخذه منها الثوب قالت انها ماغيرت المقاس
وتخانقت معها
لكن الحمدلله حلينا المشكلة ودينا الفستان عند محل ترجيناه وذللنا نقسنا له والحمدلله رضى ياخذه.... جبناه البيت وقسته كويس
لكن المصيبة لما رحنا صالة الزواج اخترب الجرار (السحاب) وانا دمي يغلي
والحمدلله عندنا زوجت خالي ماتمشي الا بالابرة والخيط وعدلنا الفستان ونزفيت وصار كل شيء بفضل من ربي........
وبس طولت عليكم يالغالين

الله يسعدكم ويسعد ايامكم يارب

[ام الغاليه2]

موضوع جداً مميز
انا ياطويله العمر
مااعرف العريس مع انه ولد عمي
يعني احنا في منطقه وهو في منطقه
والزواج كان حفل صغيره عندنا بعدين اروح معاه
وعند اهله الزواج الكبير
المهم ندخل بالموضوع
قبل يدخل العرس كانت الامور تمام
امي الله يخليها لي
مجهزه الطاوله حقة القهوه والشاي والحلى
والكيكه طبعا
اول ما دخل العريس سلمت وجلست وامي طلعت
صبيت له قهوه واعطيه الفنجال وانا اتراجف
المهم جاء وقت الكيكه
وهو يطوع يقطعها ويحطلي في صحن
المهم
ان امي الغاليه ما حطت ملاعق
والرجال ما عليه قام يتقهوى
ويحط له كيكه في صحن وهو يأكلها
بيده
وانا ماسكه الصحن حقي واناظر فيه

قال يالله نمشي وانا
رحت فيها
من الخوووووووووووف

المهم ركبنا السياره
انا اودع ابوي(الله يرحمه)
وامي الغاليه(الله يحفظها لي)
ونحرك للفندق

المهم
بدلت ملابسي
وادخل دورات المياه (الله يكرمكم)
واغسل وتطيح الدبله حقتي
في المغسله
وانااقول في نفسي
اقوله ولا لا
المهم طلعت
قلت له الدبله حقتي طاحت في المغسله
وهو يروح ويفك المغسله ويطلعها

المهم تعشينا
وجاء وقت النووووووووووم
وهو ينام
وانا اصحيه من النووووووووووووم

هو/هاه وش فيه
وانا/ اقوله نسسسسسسسسسسيت
هو/وش نسيتي
انا/نسيت شنطة الذهب في السياره
هو/خلالالالالالالالالاص اروح اجيبها
ويروح ويجيبها

وانا اقول في نفسي شكله يقول هذي اولها الله
يستر من تاليها

يالله ابغى انام نسيتي شئ
هههههههههه
لا يالله رح نام

والله يوم الزواج مواقف لاتنسى

[مرياج]

ممكن سؤال:
ليش كاتبه بدايه الموضوع مرياج ممكن اعرف
ويسلمو عالموضوع