خرافه اسمها( الخراب )ادخلوا وتعرفوا الحقيقه

[تـولـين]

السلام عليكم ورحمة الله وبركاته

صراحة من زمان وانا ودي اتكلم بهالموضوع من جد حاجه رافعه ضغطي مع احترامي لكل الاراء بس هاذي الحقيقه اللي راح اتكلم عنها يعني مو بس رايي رأي الطب كمان
الخراب نقرأ عنه بكل مكان واسمع شغلات تشيب لا وتجيب الاشمئزاز بعد
يجون يقولون للوحده لاتتحممي بالدوره تخربين لاتشربين مويه كثير تخربين
والطامه الكبرى يقولون للضعيفه اسبوعين لا تتحممين او عالأقل لاتغسلين شعرك بصراحه هاذا كله هو الخراب بعينه والكلام الفاضي وحده قالتلي جارتها امريكيه مالها والده كم يوم قالت لها روحي معي الشاطي تقول وتطب بالبحر قدامي لابسه شورت بعد مو احنا خلف الله علينا تقول البحر كويس للجرح والخياط !!!!
ياحريم ارجوكم انتبهو من الاعشاب واللهومات والبلاوي اللي تحطونها باجسامكم لهوم وسفوف وتحاميل وشراب مصيبه
كل اللي تحتاجه المرأه عشان تبقى المنطقه عندها نضيفه ومشدوده وبدون التهابات 3شغلات بس
ملح خشن

طشت ومويه
كل اسبوع ياطويلات العمر عبو هالطشت او اللي عندها بانيو او مغطس مو يه دافيه وحطي فيه ملح خشن واجلسي نص ساعه
بعد الدوره اخر يومين سوي هالطريقه تنضفين وتتعقمين بدون تحاميل وبلاوي
امي الله يطول بعمرها علمتنا على هالطريقه من واحنا بنات والحمد لله تمام والله امي ما ستخدمت خرابيط ولهوم قولو ماشاء الله وانها ماعمرها شكت من هالبلاوي
اساسا الحرمه تتغير بعد الولاده الطبيعيه لازم خياط مظبوط واللي تقول وسع وخراب هاذا من الخياط الشين روحي اكشفي وسوي خياط جديد الله يعينك وبقول لو تلهمين من هنا لبكره ماشديتي و ماراح الوسع
شي ثاني الله يطول بعمر الوالده قولو امين تمارين كيجل وللي ماتعرفها هي انك تحاولين كأنك تحبسين البول الله يكرمكم (مو تحبسين البول ) بالبدايه 10 ثواني لين ماتوصلين مع الوقت لدقيقه هاذي تقوي عضلات المهبل والحوظ وترفع اربطة الرحم واتحدى اي وحده ماتلاحظ فرق باسبوعين بس كل مارحتو للحمام وانتو بكرامه طبقوها وادعو لي
علموها حتى لبناتكم مافيها شي ثقفوهم وعلموهم عالنظافه والملح بعد الدوره مو تقولون لاتسبحون كل شي ولا ان الزوج يشم بالحرمه ريحه والله انه يمر علي بعض الحريم اعرف ان عندها الدوره من الريحه اعوذ بالله كيف زوجها المسكين يتحمل اصلا قل النظافه بهالفتره تجذب الشياطين بسم الله علينا فانتبهو الله يرضى عليكم وكمان تزيد النفسيه تعب.
نجي للنفاس وارجع اقول الطامه الكبرى لأن سالفة اسبوعين ماتتحمم دمار ووصخ والتهابات
وحتى المره تحس نفسها تعبانه الترويش والنظافه تجدد الطاقه سبحان الله وتزين النفسيه واهم شي مايطولك تيارات هوا مو عشان الخراب لا عشان ماتمرضين وتتعبين يعني بعد الدش نشفي شعرك بسشوار والبسي شراب وارجع اقول عشان ماتمرضين بس
ذكرتوني بدكتوره نساء تحلف بالله صاحبتي انها تدور عالحريم مسويتلهم قيصريه تحلف انها حاطه كمام تقول بعضهم عالسرير 3 ايام بقسطرة البول وانتو بكرامه رافضه ان الممرضات يودونها الحمام والا يحممونها او يمسحونها عالسرير من هالخرافات والاعتقادات تقول ودخلت على صاحبتي والله انها بغت تحب على راسي من الريحه الزينه كلونيا وبودرة اطفال

قعدت تشكيلها من الحريم تقول اصلا كذا الجرح يخم خذو بالكم هاذا بمستشفى خاص بعد يعني مو حكومي عشان تقولون الممرضات مهملات ومايساعدون
واللي تقول الجرح يشم والا يجيه شمم ماقلنالك تبخري بس بعد الولاده حطي كلونيا اطفال خفيفه او عطر ناعم عشان اللي يزوروكي مستقبلا ماتتعبين لومتعطرين وانتي نفسيتك تتحسن
نجي للأعشاب اقول ارحمو انفسكم الله يخليكم الكلى من اكثر الامراض بالسعوديه عند الحريم من هالبلاوي تجي الوحده تخلط كم نوع عشبه شي للصبح وشي للعصر وشي لليل
انتبهو للكبد والكلى ياحريم والله يجي وقت وتخرب الله يكفينا الشر
حاجتين بس تفيدك بالنفاس
الحلبه

حلوه لصحتك ودمك وبشرتك وحليبك اللي طفلك يتغذى عليه ومقوي عام
وحب الرشاد

والرشاد على فكره للظهر والعظام نص ملعقه صغيره بالعشرين يوم الأخيره كافيه باذن الله ولو استمريتي شهر مو مشكله وبس لاقشر قهوه ولا مردود وخرابيط راح تفيدك
اشربي كاسين حليب كل يوم وكلي عسل عشان عظامك كمان

منــــــــــــــــــقووووووول
ادعو لصاحبة الموضوع انها تقوم بالسلامه ويصلح لها ربي حياتها وعيالها

[rose]

والله يا قلبي اتفق معاك مية بالميييييييييية
اصلا انا صادفتني هالحالة والله العظيم دخلت السستر بالصباح تنظف الغرفة وانا بنت خالتي متحممين ومتعطرين
تقولي الللللللللللله اول غرفة ادخلها تفتح النفس من الريحة الحلوة استغربنا قلتلها ليه قالت تعالي اوريك غرف فيها حريم مو قادرة ريحة الدم للان فيهم وشكلهم ما استحموا وازواجهم موجودين كيف تجي؟؟؟؟؟؟؟؟؟؟؟؟؟؟

[سوسو520]

الله يوفقها صاحبة الموضوع كلام صحيح واتفق معاها

[حسنا]

اكيييييد وانا كمان اتفق معاااكم حبيباتي
مشكوووورة وجزاك الله الجنة

[أخفي غلآه]

كلآمك عين العقققل .. أهم شي النظآفه
أنآ وآلله ولدت والحممدآلله مآأسستخدمت شي ابد حتى الحلبه يمكن أكلتهآ ثلآث مرآت بسس والرششآد مآأكلته مع اني ششريت اعششاب وخرابيط بسس مااسستخدمت منهآ شي ابد..
ومع النظآفه تحسسين انك برآحه نفسسيه وتنبسسطين ..

[ام عفارى]

كــــــــــــــــلام عين العقل
والله انى اذكر بعد ولادتى بخمس ساعات ع طول الحمام واسبح زين مازين
الوحده تستحى من نفسها اذا مب نظيفة وخاصة انه في ضيوف وناس ودكتورة تكشف كل ساعه عليج .. والعطر الخفيف ع الملابس ..تحسين انج شخص خفيف وجديد بعد الولادة ^ . ^
والحلبة دورها كبير في تنظيف البطن والدم للام والبيبي

[شوقي لك نار]

يعطيييك الف عافيه ياغاليه

[~قموووره~]

وانا معاكم مااعترف بالحاجات هذي والحمدلله رجعت لزوجي كله تمام
وامي واختي نفس الشي وماعمرهم اشتكوا من اللي اسمعه عند الحريم
ايوه كمان تمارين كيجل مررره حلو مدام الوحده ولدت فحلو تسويها عالطول مو بس بعد الولاه

[ام اسكندر]

يسلم راسك ياشيخة ع النقل
خرافات ما انزل الله بها من سلطان

[منسقه]

صدقتي اختي والله العظيم عمليه قيصرية ومن طلعت من المستشفى تسبحت لان وانتي بكرامه حمام المستشفى مقرف ,,جدا وخفت من الامراض وكل يومين اتسبح ويوميا اغير كل ملابسي واغير الفوطه اذا دخلت الحمام لو مافيها شي واشرب اعشاب (نعناع ـحلب ، يانسون ـ كمون )
بدون اي خرابيط وفعلا النظافة نصف العافيه.........والمحافظة على على العلاج
وعلى فكرة بيتي كله فواحات عطرية قوية وماثر ولله الحمد على عمليتي .......
لدرجة بنت خالت امي تقول امي ذبحتني تقول نبغا نروح للبنت وانتي حاطه عطر وهي جايبه عمليه ..تقول اول مادخلنا من عند الدرج اقول لامي هذا الي مانعتني عن العطر بيتها كله عطر ............والله العظيم النظافه اهم والتوسع من الخياطه الخرابيط .........