طريقة الرز البخاري

[الحب ليكي متعبني]

عندي طريقة الرز البخاري على اصولو الي تباه تقولي ارسلو كتابين بدون صور لاني ما اعرف انزل الصور

[ام عبدالله 86]

طيب اختي اكتبيها هنا مو لازم صور

[العاااالي مستواها]

خلاص اكتبي لنا الطريقه والمقادير بدون صور عادي

[أم عبوود]

بانتظار الطريقه......

[الحب ليكي متعبني]

السلام عليكم ورحمة الله وبركاته تسلمو اخواتي حعطيكم الطريقه بس ادعولي وقولولي جربتوها ولا لا وايش رايكم بسم الله الرحمن الرحيم نبدا لحم او دجاج الي تبيه رز اي نوع تبيه غسلي ونقعيه في مويه عاديه حبه بصله مفرومه ناعم ملعقه سكر نص غطه ماء كادي هيل وكمون مطحون وكمون حبوب وملح وحبه فلفل اخضر وجزر مبشور وزبيب لتزين حمري البصله زين الين تحمر دهبي غامق وانتي تحمري البصل حطي الهيل والسكر وموية الكادي وبعد ماتحمريها تمام حطي الجزر ربع الكميه الي تبيها وحمريها معاها وبعدها حطي الكمون المطحون والدجاج او اللحم وحمريها الين يشقر لون الدجاج ضيفي شوية مويه وخلي الدجاج يستوي على نارهادئه بعد ما يستويخرجي الدجاج و ضيفي الرز والفلفل والجزر الباقي والملح وخليه ينقص مويت الرز الين يبان فتحات على وجه الرز ضيفي الزبيب على الجمب وضيفي الكمون الحبوب على الوجه ورجعي ادجاج على الوجع او حمري على الفرن ادهني وحه الدجاجه بليمون وفلفل اسود وملح وكمون وزيت وحمريها في الفرن اذا تبي او ضيفيها مباشرتن على وجه الرزوغطي القدر بمنشفة الطبيخ وغطي بلغطاء وارخي النار ال اهدء درجه نار بارده وسيبي نص ساعه هدي النار ولا تفتحي الغطاء نهائي الين تطفي النار عشان يستوي على البخار وبلهناء والعافيه سوهااااا وادعولي والله انا دايمن اسويها حتا في عزايمي وكلهم يفتكروني مشترياه من بره لا تستهونو في الطبخه سوها وادعولي

[الحب ليكي متعبني]

كتبتها بس سامحوني مني مرتبه الكلام

[العاااالي مستواها]

يعطيك العافيه ياعسل

[الحب ليكي متعبني]

الله يعافيكي بس عنجد اتمنا تجربوها وتدعولي ربي يرزقني ولد يارب