ماني عارفة شلون أجهز .. حددي محتاسة .. ساعدوني

[Um Dana]

بسم الله الرحمن الرحيم
السلام عليكم ورحمة الله وبركاته

كيف حالكم يا حوامل .. كيف الحمال وياكم .. عسى ربي يهل علينا ..

بنات سمعوا انا اغلب طلعاتي مع زوجي .. وماني عارفه شنو اشتري


مثلا الحين .. الطفل اول ما يجي وشو يشترون له .. ؟

مقاس New baby أو من 0 - 3 ... ؟

وشالفرق بينهم ... ؟

طيب اخذت كم قطعه من 0-3
وكم قطعه من 3-6

وشريت غطا الرضاعه من صاحبة امي ..
وملاعق خخخخخخ

وأبي شنط حلوة إلي فيها جيوب واجد ..


الله يخليكم حددددي محتاسه وانا تعبانة واكيد حملي ثقيل ..

ابي اخلص الحين ..



وأبي مفرش وطقم للنفاس من وين الاقي بالدمام بالوان حلوة ..




اسفه ثقلت عليكم .. بس لكم دعوة من قلبي ..

[سلافتي]

شوفي هذا الرابط أن شاء الله يفيدك ..

http://forum.hwaml.com/t65737.html

[Um Dana]

مشكورة حبيبتي

بس ابي المقاسات

up

[Natsomi_chan]

أول ما تبدي تجهزي إشتري شنطة للبيبي
و شنطة حلوة لك وتكون شوي كبيرة
شنطة البيبي، في شنط حلوة وفيها جيوب كثييييرة من ماركة جونيورز، تلاقيها في محل سنتر بوينت، وسعرها 70 ريال ولونها رمادي....بس حلوة و كثرة الجيوب بتجننك....مفيدة حيييل

نجي لثياب النونو:
تحتاجي 7 بروبتوزات، اللي مثل البجامه، مقاس new born
تقدري تخليهم 6، لأن في أطقم تجي 3 حبات مع بعض

و 7 بروبتوزات داخلية مقاس new born
ملاحظة: الطفل كثير يتبرز (وإنتي بكرامة)، ويستفرغ، ويصير على ثيابه حليب أمه، يعني الـــ7 ممكن تخلصيهم في يومين بس، وطبعاً راح تغسليهم وتستخدميهم.....لا تكثري....بس 7

ممكن تلاقيهم في سنتر بوينت أو مذركير
وأنصحك في سنتر بوينت لأن مقاساتهم أصغر وخصوصاً هو نيوبورن

و 7 بربتوزات داخلية، و7 خارجية......مقاس 0-3
ملاحظة: الفرق بين المقاسين....أن new born بتستخدميهم 40 يوم بعد الولادة، بعدين خلاص تصير صغيرة، وتحتاجي تقضي مرة ثانية، إلا يكون عنده ملابس يلبس بدون ماتروحي للسوق وإنتي تعبانه و محتاسه.
من 0-3 ممكن تزيدي العدد أكثر من 7
يعني ممكن تخليهم12 أو 14 كحد أقصى
بالذات الداخلية
لأنها بيلبس فيها لين يصير عمره شهرين ونص....أو 3 أشهر كحد أقصى
بعدين بتحتاجي تشتري غيرهم

ممكن تلاقيهم في سنتر بوينت، أو مذركير (ملابسهم كشخه)، أو ممكن من OBaiBi (موديلاتهم حركاااات)، وفي محلات أقل مستوى ما أذكر أسمائهم الآن

ما أنصحك تشتري من الآن مقاس 3-6
لأنك محتاجة الفلوس الآن لأشياء أهم
وبعدين بعد 3 أشهر من الولادة بيكون أبو الشباب ارتاح شوي من الصرف
وصار له نفس يروح السوق
بيكون شاف ابنه وتعلق فيه ومايقدر يخليه بملابس صغيرة عليه

إذا ولادتك في الشتاء، لا تنسي القبعات عددهم 4، والجوارب عددهم 4، والقفازات عددهم 3

نجي للقماطات:
تحتاجي 7 أو 9 قماطات بيضاء قطنية بدون غطاء للرأس
و 5 من اللي فيهم غطاء للرأس وفيهم أشكال حلوة وألوان وممكن سادة
ملاحظة: تلفي البيبي بالأبيض الخفيف و فوقه الثاني اللي شكله حلو عشان الناس تشوفه حلو، لو طلعتي أو جاك أحد
في البيتك ممكن تلفيه بس بالأبيض و تغطيه بالبطانية
القماطات لا تقولي "كثييير" لأنك بتستخدميهم نفسهم لين يصير عمره 5 شهور
تحتاجي بطانية واحدة مخمل أو تكون شيء المهم ثقيل، للنوم في البيت.
و بطانية ثانية (إذا ولادتك في الشتاء) صوف تكون أصغر، بكيفك صوف ثقيل أو صوف خفيف، بتحتاجي تغطي فيها البيبي وإنتي طالعة مشوار إذا كان برد.
كلهم تلاقيهم في مذركير و سنتر بوينت

المحمل أو المهد اللي ينام فيه البيبي و تحمليه:
تحتاجي 3 أو 4 ، و واحد كشخة لإستقبال الضيوف عند ولادتك أو خروجك لأعراس بعدين
الصراحة ما أقدر أدلك وين تلاقيهم، لأن كل اللي شفتهم ما عجبوني
وحتى اللي اشتريتهم مش مقتنعة فيهم

الفوط:
تحتاجي 4 فوط بس
ممكن تخلي 3 بغطاء للرأس عشان الإستحمام، و واحدة بدون غطاء عشان لو بتغسلي له مكان الحفاظ بس
تلاقيهم في مذركير

أدوات الاستحمام:
اسفنجة لدعك الجسم و اسفنجة لوضع الرضيع الصغير عليها لئلا ينزلق في الاستحمام و حوض استحمام و حافظة كبيرة لحفظ أدوات الإستحمام
بنصحك نصيحة.....اشتري طاولة لتغيير الحفاظ والملابس من مذركير
مفييييدة، من فوق طاولة للتغيير و فيها حوض استحمام صغير قابل للفصل، تقدري تاخذيه الحمام إذا كانت الطاولة في الغرفة، أو تحمميه فيها إذا كانت في الحمام، وفي البانيو خرطوم لتصريف الماء، وفيه سدادة إذا ماودك تصرفي الماء.
فيها سلة للملابس المتسخة جانبية
وفيها مثل الجيوب بلاستيكية من الأمام لوضع المشط و مقص الأظافر والزيت والبودرة والكريمات
تحت البانيو في رف موضوع عليه 3 (مثل العلب) لوضع الفوط...الشامبوات والصابون، الحفاظات
من تحت في الأخير فيه رف واااااسع لوضع ملابس كثيييرة لو كانت الطاولة بالغرفة (مثل الدولاب بس هو رف)

سرير للطفل:
لازم تراعي المساحة عندك عشان مقاس السرير، وهناك أماكن كثيرة تبيع، بس ما أنصحك بمذركير لأن أسرتهم غااااااااااااااااااااااااااااااااااااااااااااااالي ة

في مذركير يبيعوا بطانيات و فراشات و مفرش وشراشف لأسرة الأطفال


أنصحك تشتري مخدة الرضاعة من مذركير،مفيدة جداً جداً، لأن بعد الولادة الأم ينكسر ظهرها وهي ترضع خصوصاً وهي تعبااااانه، تبغا ترتااااح

بقى لك أغراض الصيدلية....و ملاحظات بكتبها لك بس يصير عندي وقت

ادعي لي الله يرزقني بحمل جديد عن قريب و عاجل وإذا توأم أحسن وأحسن

[Natsomi_chan]

جيبي لك ورقة وقلم
اكتبي الشيء اللي بتشريه، العدد، المكان
وخذها معك في السوق عشان لا تحتاسي وتتأخري هناك

[Natsomi_chan]

الرضاعات....أنصحك بماركة مذركير أو avent
والحلمات المضادة للمغص رقم 1 لحديث الولادة
في أغطية محكمة للرضاعات عشان إذا ودك تثلجي حليب من صدرك

جهاز شفط الحليب ضروووري
وأنا أفضل ماركة avent الشفط الآلي
بس إنتي وإمكانيتك....ممكن تشتري اليدوي

لهايات العدد 2
بعض الأطفال ودهم يمصوا طول الليل....أو ودهم شيء في فمهم عشان يناموا، بس تشيليه من صدرك يبكي.
بس لازم ماتعوديه عليها خلال النهار، ولا تعطيه اياها كثير لأن ممكن تسبب مغص، ومن يوصل عمره 5 شهور شيليها خلاص لأنها تسوس الأسنان.

جهاز التعقيم للرضاعات،إذا ودك ترضعيه صناعي كثير، بس حسب إمكانيتك، إذا ماتسمح لك، اغليهم على النار من 7-10، لا تخليهم أكثر، مع ملح و شوية خل.

جهاز تسخين الحليب من ماركة avent
عشان لا كل شوية قايمة من عز نومك تسخني على النار و تبردي
جهاز التسخين تخليه على الكومدينه بجنبك
إذا بترضعي صناعي كثير....أو إذا امكانياتك تسمح

جهاز للتنصت على الطفل وقت نومه بعيد عنك، إذا كان عند حماواتك وإنتي تشتغلي، أو إذا بتختلي بأبو الشباب في غرفة ثانية، أو كنتي بجمعة أهلك و نومتي طفلك في مكان هادئ.
بتحتاجيه كثير من عمر 4 أشهر...ممكن تشتريه بعدين لو ودك

فرشاة لغسل الرضاعات والحلمات، و حافظة كبيرة لوضع الرضاعات كلهم فيها في المطبخ، ملقط كبير لتناول الرضاعات الساخنة المعقمة.

شنطة لحمل الطفل الرضيع على ظهرك أو صدرك وقت الإنشغال بأعمال المنزل....إذا ماعندك أحد يمسكه، لأن بعض الأطفال وده على طول محمول

هذي الأشياء من مذركير

[Natsomi_chan]

من الصيدلية:

للطفل:
مناديل بايجون للحفاضات
مناديل جونسون مخصصه للوجه واليدين
مقص أظافر
مشط
قطن
شفاطه لتنظيف الأنف
قطرات مضادة للمغص
طقم الأطفال كامل أو مفرد للإستحمام (زيت + بودرة+ صابون سائل+ شامبو+ لوشن)، من جونسون، أو بايجون، أو شيكو، أو سيباميد.....الريحه اللي تعجبك تكون في طفلك
كريم لمنطقة الحفاض
أعواد أذن
حفاظات للبيبي....ممكن تجربي بامبرز العناية المميزة بس غالية
أو بيبي جوي الإمتصاص المضاعف....رهيييب قليلة في حقه

كيس (شراشف) من الصيدلية، قولي للصيدلي شرشف
في مقاسات
وش هذا الشرشف؟
هي عبارة عن قطع قنية شديييدة الإمتصاص ومن تحت مثل الكيس يمكن
المهم أن البلل مستحيل ينزل على السرير أو الكنب
متى تستخدميها وكيف؟
الوقت اللي بتغيري حفاضة البيبي، تحطيها تحته عشان لايبول، خصوصاً وهو لابس الفوطه بعد الإستحمام،عشان لا يبول في المكان
أو إذا كان متبرز (وإنتي بكرامه) و طالع البراز في ظهره وملابسه
و ما ودك تحطيه في مكان يصير فيه براز
وهذي ماتحتاج تغسليها، يعني تستخدميها و ترميها زباله (وإنتي بكرامه)

للأم:
مناديل للوجه
غيارات الصدر للحليب.....4 علب كبيرة، ماركة بايجون هي الأفضل
كيلوتات الدورة الشهرية
كوتكس
كريم لتشقق الحلمات وقت الرضاعة

[Natsomi_chan]

لا تستعجلي و تشتري:
جلاسه للجلوس أو الإستلقاء فيها
دراجة للمشي
عربة دفع للتسوق
أرجوحه
لأن كل هذي الأشياء ممكن تجيك هدية بعد الولادة

مقعد السيارة ممكن تشتريه لما يوصل عمره 3 أشهر، لأنه بالبداية صغييييير ومايتحمل إهتزاز السيارة والبريك

أتمنى أكون أفدتك بخبرتي المتواضعة، بس لا تنسيني بدعائك مش في وجهي، في ظهر الغيب.....

[Um Dana]

Natsomi_chan

واي واي واي فديتك فديتك ... ربي يوفقك ويطمن قلبك ويرزقك بالذرية الصالحة قولي آمين ..
مشكورة حبيبتي ماني قادرة ارد لك هالجميل ...

[مفاهيم الخجل 2]

المشاركة الأصلية كتبت بواسطة natsomi_chan

أول ما تبدي تجهزي إشتري شنطة للبيبي
و شنطة حلوة لك وتكون شوي كبيرة
شنطة البيبي، في شنط حلوة وفيها جيوب كثييييرة من ماركة جونيورز، تلاقيها في محل سنتر بوينت، وسعرها 70 ريال ولونها رمادي....بس حلوة و كثرة الجيوب بتجننك....مفيدة حيييل

نجي لثياب النونو:
تحتاجي 7 بروبتوزات، اللي مثل البجامه، مقاس new born
تقدري تخليهم 6، لأن في أطقم تجي 3 حبات مع بعض

و 7 بروبتوزات داخلية مقاس new born
ملاحظة: الطفل كثير يتبرز (وإنتي بكرامة)، ويستفرغ، ويصير على ثيابه حليب أمه، يعني الـــ7 ممكن تخلصيهم في يومين بس، وطبعاً راح تغسليهم وتستخدميهم.....لا تكثري....بس 7

ممكن تلاقيهم في سنتر بوينت أو مذركير
وأنصحك في سنتر بوينت لأن مقاساتهم أصغر وخصوصاً هو نيوبورن

و 7 بربتوزات داخلية، و7 خارجية......مقاس 0-3
ملاحظة: الفرق بين المقاسين....أن new born بتستخدميهم 40 يوم بعد الولادة، بعدين خلاص تصير صغيرة، وتحتاجي تقضي مرة ثانية، إلا يكون عنده ملابس يلبس بدون ماتروحي للسوق وإنتي تعبانه و محتاسه.
من 0-3 ممكن تزيدي العدد أكثر من 7
يعني ممكن تخليهم12 أو 14 كحد أقصى
بالذات الداخلية
لأنها بيلبس فيها لين يصير عمره شهرين ونص....أو 3 أشهر كحد أقصى
بعدين بتحتاجي تشتري غيرهم

ممكن تلاقيهم في سنتر بوينت، أو مذركير (ملابسهم كشخه)، أو ممكن من obaibi (موديلاتهم حركاااات)، وفي محلات أقل مستوى ما أذكر أسمائهم الآن

ما أنصحك تشتري من الآن مقاس 3-6
لأنك محتاجة الفلوس الآن لأشياء أهم
وبعدين بعد 3 أشهر من الولادة بيكون أبو الشباب ارتاح شوي من الصرف
وصار له نفس يروح السوق
بيكون شاف ابنه وتعلق فيه ومايقدر يخليه بملابس صغيرة عليه

إذا ولادتك في الشتاء، لا تنسي القبعات عددهم 4، والجوارب عددهم 4، والقفازات عددهم 3

نجي للقماطات:
تحتاجي 7 أو 9 قماطات بيضاء قطنية بدون غطاء للرأس
و 5 من اللي فيهم غطاء للرأس وفيهم أشكال حلوة وألوان وممكن سادة
ملاحظة: تلفي البيبي بالأبيض الخفيف و فوقه الثاني اللي شكله حلو عشان الناس تشوفه حلو، لو طلعتي أو جاك أحد
في البيتك ممكن تلفيه بس بالأبيض و تغطيه بالبطانية
القماطات لا تقولي "كثييير" لأنك بتستخدميهم نفسهم لين يصير عمره 5 شهور
تحتاجي بطانية واحدة مخمل أو تكون شيء المهم ثقيل، للنوم في البيت.
و بطانية ثانية (إذا ولادتك في الشتاء) صوف تكون أصغر، بكيفك صوف ثقيل أو صوف خفيف، بتحتاجي تغطي فيها البيبي وإنتي طالعة مشوار إذا كان برد.
كلهم تلاقيهم في مذركير و سنتر بوينت

المحمل أو المهد اللي ينام فيه البيبي و تحمليه:
تحتاجي 3 أو 4 ، و واحد كشخة لإستقبال الضيوف عند ولادتك أو خروجك لأعراس بعدين
الصراحة ما أقدر أدلك وين تلاقيهم، لأن كل اللي شفتهم ما عجبوني
وحتى اللي اشتريتهم مش مقتنعة فيهم

الفوط:
تحتاجي 4 فوط بس
ممكن تخلي 3 بغطاء للرأس عشان الإستحمام، و واحدة بدون غطاء عشان لو بتغسلي له مكان الحفاظ بس
تلاقيهم في مذركير

أدوات الاستحمام:
اسفنجة لدعك الجسم و اسفنجة لوضع الرضيع الصغير عليها لئلا ينزلق في الاستحمام و حوض استحمام و حافظة كبيرة لحفظ أدوات الإستحمام
بنصحك نصيحة.....اشتري طاولة لتغيير الحفاظ والملابس من مذركير
مفييييدة، من فوق طاولة للتغيير و فيها حوض استحمام صغير قابل للفصل، تقدري تاخذيه الحمام إذا كانت الطاولة في الغرفة، أو تحمميه فيها إذا كانت في الحمام، وفي البانيو خرطوم لتصريف الماء، وفيه سدادة إذا ماودك تصرفي الماء.
فيها سلة للملابس المتسخة جانبية
وفيها مثل الجيوب بلاستيكية من الأمام لوضع المشط و مقص الأظافر والزيت والبودرة والكريمات
تحت البانيو في رف موضوع عليه 3 (مثل العلب) لوضع الفوط...الشامبوات والصابون، الحفاظات
من تحت في الأخير فيه رف واااااسع لوضع ملابس كثيييرة لو كانت الطاولة بالغرفة (مثل الدولاب بس هو رف)

سرير للطفل:
لازم تراعي المساحة عندك عشان مقاس السرير، وهناك أماكن كثيرة تبيع، بس ما أنصحك بمذركير لأن أسرتهم غااااااااااااااااااااااااااااااااااااااااااااااالي ة

في مذركير يبيعوا بطانيات و فراشات و مفرش وشراشف لأسرة الأطفال


أنصحك تشتري مخدة الرضاعة من مذركير،مفيدة جداً جداً، لأن بعد الولادة الأم ينكسر ظهرها وهي ترضع خصوصاً وهي تعبااااانه، تبغا ترتااااح

بقى لك أغراض الصيدلية....و ملاحظات بكتبها لك بس يصير عندي وقت

ادعي لي الله يرزقني بحمل جديد عن قريب و عاجل وإذا توأم أحسن وأحسن

مشكووووووووووووووووووووورة افتينا الله يرزقك بذريه الصاالحه عاجل غير آجل ياارب