دردشة بنات مصر , دردشة حوامل مصر , تجمع بنات مصر

[Om Rodina]

السلام عليكم ورحمة الله وبركاته
ام اروى حبيبتى ازيك واخبارك ايه والف حمد لله على سلامتك وسلامة اروى وحشتينى كتير والله

[Om Rodina]

ام سلمى ازيك ياحبيبتى واخبارك ايه واخبار سلومة ايه
كبرت كده ولا لسه صغنونة

[أم إياد]

ام روووووووووودي
الله يسلمك ياحبيبتي
اخبارك ايه يارفيدة وازي رودينا؟

ام سلمى انتي خرجتي ؟

[Om Rodina]

انا بخير ياحبيبية قلبى الحمد لله ورودى بخير بس باين كده هاتسنن بدرى علشان كده مبهدلانى على الاخر معاها والله بالاضافة للزن المتواصل بتاعها وعاوزانى شيلاها علطول يستحيل احطها على السرير وتسكت تفضل تعيط لغاية ما اشيلها تانى
اخبارك ايه انتى واراور عاملة ايه ربنا يحفظها ويحميها يارب

[أم إياد]

ربنا يخليكي يا ام رودي
احنا بخير الحمد لله
اروى نفس موضوع الزن وماتقعدش ع السرير دقيقة كان فيه شوك
بس هي لسه عندها الصفرا
وعلى طول بتصرخ من المغص اللي عندها والانتفاخ ومخلها رافضة الرضاعة
بتغلبني عشان ترضع وفي الآخر بقين كده وبس وتبدأ صريخ وهكذا
طول اليوم على دراعي
وعدد ساعات نومها في اليوم بقى قليل اوي عن الاول

[أم إياد]

الصورة دي لرودينا باسمها



ايه رأيك يا ام رودي؟
ههههههههههههههه الوش اللي تحت ده مضحك اوي

[Om Rodina]

تسلميلى يارب يا ايويا وربنا يحفظلك اروى ويحميها معلش رودى كانت كده والله تقريبا فضلت اول تلت شهور بالمغص والانتفاخات دى بس كانت بترتاح شوية لما كنت باعطيها بيبى ريست وكمان كنت بانيمها على بطنها علطول علشان لو فيه انتفاخات ف بطنها تطلع

[malak ahmed]

ياااااااااارب ملك تناااااااااااااااااااام

واخيرا عدناااا بعد غياب كام يوم لان النت كان مقطوع من الشركه

ازيك يا روفيدا عامله ايه انتي ورودي

بت يا ايه ازيك ماشاءالله دي اروي اللي ف صورتك ؟ بسم الله ما شاءالله ربنا يخليها يارب

انا بعاني من نفس مشكلتك مع اروي البت اتعودت عالشيل

انا كنت عاوزة احكيلك عن موضوع اللبن استني هكتبه اهو

[malak ahmed]

انا ساعات بلاقي فيه لبن وسعات بلاقي صدري فاضي ومفيهوش لبن وبتقعد جعانه وبتعيط طلبت من دكتورها الاولاني لبن صناعي رفض خوفا من انها ترفض الطبيعي وبعد كده روحت لدكتور تاني لانها كانت مش بتشبع خالص ومره ملقيتش ف صدري لبن ابدا

فكتبلي علي لبن اللي هو ابتاميل اديها منو عند اللزوم اوى يادوب 30 سم بس ولو مشبعتش اديها 60 سم

وجبتو ف الاول الحمد لله كانت بتاخدو ومكنتش بكتر منه بس اليومين دول قرفانه منه ومش راضيه تاخدو مش عارفه ليه

بس الدكتور قالي ان الاعشاب اللي اسمها بيبي درينك دي اكبر غلط للبيبي لانها بتعملو مغص وانتفاخات لان فيها نسبه سكر وقالي مديهاش منها

بصي هو وصفلي حاجه للمغص اسمها ماء نونو حلو اوى بديها 2 ونص سم لما تعيط ووصفلي بتاع حلو كده للانتفاخ استني اجيبلك اسمه
اسمه Dentinox ده رهيب يا ايه لما بيكون عندها غازات وقالي مديهاش تاني الميه المقطره لان مفيش حاجه تدخل معده البيبي غير الرضاعه اول 4 شهور

[Om Rodina]

بخير ياام ملوكة الحمد لله
انتى اخبارك ايه واخبار ملوكة ايه