السلام عليكم ورحمه الله وبركاته
بنات انا مشكلتي خاصه جداااااااااااااااا معلش بطول عليكم بس ابي احكيلكم حكايتي من البدايه محتاجه من يساعدني ويوجهني
انا عمري 23 سنه متزوجه من سنه ونص تقريبا بعد زواجي بشهر ونص حملت طبعا زوجي كان منتظر الحمل على احر من الجر بس انا في البدايه كنت متردده لاني تزوجت وانا لسه باقيلي سنتين في الجامعه كنت خايفه اني ماقدر اوفق بين البيت والدراسه والحمل في وقت واحد بس ربنا اراد وحملت علطول وتعايشت مع الموقف لكن بعد 4 شهور من الحمل كبرت بطني وصار زوجي يضايق من شكلي بس انا ايش اسوي ماهو بيدي لم كنت اقوله هذا الكلام كان يقوللي عادي فتره وبتعدي عشان مايحسسني انه في شي طبعا هذا الشيء اثر على علاقتي الزوجيه معاه وبعد اربع شهور كمان صرت في اخر الحمل وماقدر اتحرك غير بصعوبه صرنا مانطلع من البيت لانه زوجي مرح شويتين يحب يروح ويجي كتير وانا بتعب بسرعه طبعا هذا اثر على نفسيتي جداااااااااااااااا صرت ماقدر اتحرك في البيت ولا اخرج حتى علاقتي بزوجي تغيرت تماما بسبب كبر بطني المهم بعد الولاده انصدمت صدمه كبيره من ترهلات البطن بعد الولاده وخصوصا اني والده قيصري عملت ريجيم وزني نزل زي ماكان قبل الحمل لكن بطني مشكلتي ترهلت مررررررره وخطوط الحمل واضحه جدااااااا بلونها الفضي حاولت اسوي رياضه بس مافي فايده واضح ان مافي وسيله تمحي اثار الولاده حاولت اتاقلم على شكلي الجديد حتى زوجي ماعلق بس انا نفسيا كل ماقرب مني لازم اطفي الانوار والبس واسع حتى مايبين البطن وظليت على كذا فتره المشكله الكبرى اني رومانسيه جدا ومتزوجه عن قصه حب دامت 6 سنوات واحب زوجي مررررررهة كمان هوا يحبني اللي مضايقني احيانا اكون قاعده جمبه وبالصدفه وهو يقلب التلفزيون تيجي اغنيه وهو بصفاء نيه يعلق على المغنيه يقول مره حلوة شوفي كيف دلوعه جسمها مضبوط بالميللي يعني مثل هذا الكلام وطبعا انا جمبه ماسكه نفسي مقهووووووووووووره ودي ابكي بس احاول ارد عليه اقوله ترى هذه جمالها مو طبيعي كلها عمليات تجميل تعالى شوف صورتها قبل التجميل كيف شكلها عشان يعرف انه ربي عطاه نعمه فانا متوسطه الجمال وكتير مهتمه بنفسي مو من الحريم المهمله في نفسها ولا في بيتها لاني من قبل مااتزوج وانا لي نظام في حياتي وسويت لبيتي نظام مثل ماتربيت يعني مايجي زوجي من الشغل الا ويلاقي ملابسه جاهزة وحمامه جاهز والغدا كمان متحضر والبيت نضيف وانا متحممه ولابسه ومنتظراه بس يدخل البيت واول مايدخل اخده بالحضن واقوله حمد الله على سلامتك ياعمري واخد منه شنطته او اي شيء معاه ولم نجلس نتغدى اساله ايش سويت اليوم يعني هذه بعض الطقوس اللي عودته عليها احيانا احس انه مايقدر انا كيف اتعب عشان اخلي كل شيء مضبوط بس هوا احيانا يجرحني بكلمات غير مباشره مثلا يقوللي يعني الحريم ايش بيسووا في ايش بيتعبوا تركتله البيت بدون زعل وقولتله انا رايحه اقعد عند اهلي اسبوع والله جلس يومين وماقدر يكمل الثالث اتصل فيا قاللي يلا ارجعي طبعا ماهو عارف يسوي اشياءه بنفسه مشكله تانيه بعد الاربعين روحت لدكتوره النساء عشان استخدم وسيله لمنع الحمل كنت ابي اركب لولب قالتلي لا مايصلحلك لولب الحين بعد ثلاث شهور لانك والده قيصري اللولب راح ياثر عليك قلت طيب ايش الحل قالتلي خدي ابره الثلاث شهور قلت ماشي وبعد ما اخدتها قالتلي راح تتعبك شوي في الاول وراح ينزل عليك دم في اوقات كتير في الشهر بس ماتحسب دوره قلت ماشي اتحمل وفعلا جلست 3 شهور فتره الابره نزل عليا دم 18 يوم وانا ساكته ومتحمله واقول لزوجي معليش فتره بس وبعد ثلاث شهور ناس خوفتني من اللولب قمت اخذت الابره مره تانيه لمده ثلاث شهور يعني باقي شهر وتخلص مدتها وانا ماودي اخذها مره تانيه هذه الابره دمرتني نفسيا وعصبيا وجنسيا نفسيتي مررررررررررره تعبت منها طول الوقت وانا ابكي بدون سبب احس نفسي جسمي ثقيييييييل وماودي اسوي شيء وصرت اتوتر لاتفه الاسباب واتعصب على اي شيء كمان جنسيا احس بالام وجفاف في المهبل كرهني في العمليه كلها وهذا الشهر جتني دوره 5 ايام وبعدها راحت وبعد 3 ايام نزل عليا دم من الابره قعدت 20 يوم يعني صرت طول الشهر انزف وماني عارفه ايش اسوي ناس خوفتني من الابره انه ممكن مع احساسي بالجفاف هذا ما احمل مره تانيه وزوجي حملني المسؤليه لاني ما اخدت رايه لم اخدتها .....
عارفه اني طولت عليكم مرررررررررررررره بس انا قعده ابكي قولت افضفض يمكن الاقي حد يساعدني او يعطيني امل الحين خلاصه الموضوع عندي كام سؤال
1/الحين بنوتي عمرها 6 شهور متى ممكن احمل مره تانيه مع العلم اني من تعبي مع بنتي وشكلي بعد الحمل ماودي احمل مره تانيه بس زوجي يبي طفل كمان وقاللي لم تكوني مستعده ؟
2/اللي عندها وصفه لترهلات البطن والسواد اللي تحت العيون بس ماودي كريمات ومواد كيماويه ؟
3/كيف اقنع زوجي ان اللي صار بجسمي اثار الحمل وانا ماقدر اسوي شي غير اني انزل وزني ؟
4/كيف اعرف زوجي ان الحريم كمان مره يتعبوا مو بس الرجال اللي عندهم شغل؟
5/انا ماودي اركب لولب لاني اتحسس من اي شيء وحاسه انه راح يتعبني ويسببلي مشاكل كتير كمان ماودي اخذ الابره مره تانيه وحبوب منع الحمل يقولون تزيد الوزن وطبعا انا مو ناقصه اخفف وزني من جهه ويزيد من جهه ثانيه اللي عندها طريقه تقوللي ؟
6/ صحيح الابره اللي اخدتها هذه ممكن ماتخليني احمل مره ثاااااااانيه والله خااااااااااايفه مررررررررره من زوجي ياريت اللي عندها تجربه تقولي ايش سوت ؟
يارب يسلمها اللي بترد علي ويخليلها زوجها وعيالها ويباركلها فيهم
11-19-2011, 07:59 PM
معاناه زوجيه بعد قصه حب
بيسان2010 
جديد منتدى منتدى الحياة الأسرية والزوجية
العرض العادي
