ديوانية البحرين - دردشة حوامل البحرين - البحرينيات

طفلي حياتي · 11-19-2011, 10:18 PM

شيئان لو بكتِ الدماء عليهم*** عينيَّ حـتى تـأذنـا بذهَـــابِ
لم تبلغ المعشار مِن حقيهمُ ***(فقدُ الشبابِ)وفرقةُ الأحبابِ

السلام عليكم ورحمة الله
عظم الله لي ولكم الاجر بمصابنا في فقيدتنا الغاليه الشابه (ام بشرى)
مادري وشقول مصابها فجعنا وذهلنا
اني كنت وياها على تواصل عن طريق الفيس بوك ماتركتها واشجعها وكانت متفائله جدا لكن القدر لزم برحيلها الى جنان الخلد وترك بنتها يتيمه عند جدينها ربي يتلطف بحالها ان شاء الله
كانت دايما تسأل عن البنات وعن التجمع وترسل سلام ليكم دايما ووعدتني بس تقوم بالسلامه تسوي عزومه للبنات لان خاطرها تلتقي بهم لكن ماكتب الله لاتنسونها من التراحيم وقراءة القرآن
احنا انشغلنا بفاتحة عمتي الله يرحمها ام زوجي وكلما ادخل بكتب نعي عن الغاليه ام بشرى يقطع النت
اه ياقلبي عليها ماتفارقني ليل ونهار وحتى وسواس صادني
الى رحمة الله يافراشه وياروح طيبه وشابه فقدتين حياتش ورحلتين للرفيق الاعلى
(وللآخرة خير لك من الاولى ولسوف يعطيك ربك فترضى)
الله يحشرها مع النبي وآله والشهداء والصديقين في جنان النعيم

نبع الكوثر · 11-20-2011, 02:44 AM

عضم الله اجركم بالغاليه روز سول الله يرحمها ويحشرها مع محمد وال محمد

حبيت اسير عليكم وحشتوني واااااااااااجد وحده وحده والله بناتي شغلوني كثييييييير عن المنتدى وصرت مادخل وحتى لو صار وقت عندي اقعده على الفيس بوووك ياااريت لو تعطوني فيساتكم ابي اضيفكم كلكم واصير على تواااصل دااايم معاكم
وشكرا الى كل الى بيرسلو لي فيسهم عشان اضيفهم شكرا ليكم مو تطنشوني لان عن جد ودي فيكم

ام علـي · 11-21-2011, 08:43 AM

صبااااح الخير ..
شلونكم شخباركم عساكم طيبين
حبيت اسلم عليكم بس :)

Um Ayah · 11-22-2011, 08:11 AM

بنات في احد يتابع في مستشفى عوالي؟

أم نبأ · 11-23-2011, 09:35 PM

سلام عليكم
انه مع مستشفى ابن النفيس دكتورة مانغلا " كانه جدي ..
اليووم قالت لي فيني بنت .. قيرل ..
بس كنت خايفة من قبل كانت قايلة لي ان البيبي صغير
اللا الليوم تقول لي لا اهو حجمة صغير لان بطني صغير !
ماينفهم ليهم ذلين خوفوني قبل اسبوعين والحين تقول لان بطنج صغير !

اممم الحين في الشهر السابع الاسبوع 28 بس ماادري ولاشريت ولاشي
وش تقولون ؟
اشتري ولا بعد انتظر للمرة الجاية اتاكد ؟

صفاء الروح · 11-24-2011, 08:49 AM

اقتباس:

المشاركة الأصلية كتبت بواسطة أم نبأ

سلام عليكم
انه مع مستشفى ابن النفيس دكتورة مانغلا " كانه جدي ..
اليووم قالت لي فيني بنت .. قيرل ..
بس كنت خايفة من قبل كانت قايلة لي ان البيبي صغير
اللا الليوم تقول لي لا اهو حجمة صغير لان بطني صغير !
ماينفهم ليهم ذلين خوفوني قبل اسبوعين والحين تقول لان بطنج صغير !

اممم الحين في الشهر السابع الاسبوع 28 بس ماادري ولاشريت ولاشي
وش تقولون ؟
اشتري ولا بعد انتظر للمرة الجاية اتاكد ؟

سوي اشعه 3d عشان تتاكدين اكثر و بدأي اتجهزين من اللحين

و عشان تفتكين و ما تنسين شي حزت الحزه

اعرف وحده جهزت اغراضها من الشهرالخامس و الى يوم الولاده اتقول ما كملتهم

الله يسر ليش انشاء الله .. و لا اتحطيت بالش واجد مع كلام الدكاتره لانه ما اخلص و كل يوم ليهم كلام

Um Ayah · 11-24-2011, 09:46 AM

اني اخر مره رحت البيبي كان في وضع السجود وسالت الدكتوره شنو جنسه

حاولت اتشوف بس على قولتهاا وهو ساجد مايبين لكن لو ولد بين في شي طالع حتى لو هو ساجد

وقالت لي انها احتماال بنووته لان مافي شي طالع

والنسبه 60%

اني الحين في الخامس وحابه ابتدي اشتري اغراض بس مادري احس امبي اتاكد اكثر خصوصا ان البيبي كان ساجد وصاك روحه

مامبي اصير ثقيله وابتدي ادور

أم نبأ · 11-24-2011, 12:03 PM

ايه ..
وين أروح اخذها ذي الاشعه ؟ الثري دي ؟

امم ايه اني الحين من امشي شوي اهلك ..
الله يستر ولا جهزت شي ><

أم عائشة · 11-24-2011, 06:43 PM

ام نبا في دكتورة حدها شاطرة اسمها فهيمة المطوع عيادتها بالزنج خلف لاميزون دي كافيه بس ماشاءالله حدها شاطرة عندها 3 دي و4 بعد

وانصحج من تدخلين الخامس ابتدي جهزي لانه عقب بيتثقلين ومابتقدرين تكملين اغراضج
ربي يتمملنا على خير يارب

حنين للماضي · 11-25-2011, 11:39 PM

السلام عليكم

عظم الله اجوركم واجورنا بحلول شهر محرم الحرام

اشتقت الى ايام الماضية
اشتقت الى سوالفنا وضحكنا وسهرنا
اشتقت لكل وحدة فيكم
بس الظروف تحتم على الواحد ساعات يبتعد عن خلانه
اتمنى تكونون بخير وعافية كلكم
اتمنى ادشون واطمنونا عنكم

علوي صاير شيطان مااقدر افتح اللابتوب بسبته واذا ينام اروح اسوي لي جم شغله في البيت
المستقبل يخيفيني جداً بدرجة ساعات اجيني الصيحة
دعواتكم حبيباتي بتيسير ولادتي واستطاعتي على تربية طفلين صغيرين بمفردي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
توزيعات وهدايا وستاندات _ في البحرين	بنت البحرين	منتدى السوق التجاري	4	10-07-2010 11:45 PM
ديوانية حوامل البحرين	أم _ أحمد	إستفسارات حوامل من الشهر السابع إلى الشهر التاسع	3129	09-19-2010 11:26 PM
نداء الى حوامل البحرين	اشراع الهوى	إستفسارات حوامل من الشهر السابع إلى الشهر التاسع	0	06-18-2010 12:47 AM
ام البدرين الله يعطيك العافيه	عاشقة طيور الجنه	منتدى علاج العقم و تأخر الحمل	9	06-13-2010 04:37 PM
عين عذاري ( اهل البحرين )	الشوق عطري	المـنـتـدى الـعـام	2	08-18-2009 12:16 AM