دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[دلوعه موت]

المشاركة الأصلية كتبت بواسطة caramela

ألف مبروك امرأة حرة ويتربى في عزكم يارب .. وبجد كلام قريبتك في د. سوسن
انا مره حبيت اروح اطمن ع نفسي وروحت للصاعدي وقالولي انو دكتورة ايمان سافرت ومافي احد موجود غير د. سوسن وانا مااعرفها فقلت اوك اجرب اول مادخلت عندها واتكلمت معاها وقبل ماتكشف سالتها ع الخياطه وكيف احس سالتني فين ولدت لما عرفت اني ولدت في حراء قالتلي انتي مخيطه من برا بس وسيعه من جوا اول ماقلتلي دي الجمله عرفت انها دكتوره فاشله لانو انا حاسه بنفسي وكلامها غلط
د. ايمان الوزير .. في بدايه حملي طلبت اتابع عندها لانها استشارية صراحه هيا هاديه جدا وماتحب تتناقش معاكي وانا اول مادخل ع الدكتوره تلاقيني مااسكت احب استفسر على كل شيء وقتها ماحبيت اكمل معاها ورحت لمستوصف جنب بيتنا وارتحت لدكتورتو وتابعت معاها للاخر وشهري التاسع ماشافت وجهي ههههه لانها برضو قالتلي انها تولد بالاهلي وانا خايفه من الاستقلال
قلتلكم قصة حياتي هههه بس ياليت يكون في حياتنا امانه اكتر وبزات في المستشفيات لاننا ارواح
=(

حسبي الله عليهم يخوفو الواحد انا مررررررره رحت لدكتوره نبيله ببخش وتووووووبه كرهت المستشفى من تعاملها ماقالت لي ولاحرف عن البنت الله يسعد دكتوره تهاني غيييييير عنها

[فليك]

السلام عليكم
مساااء الفل عليكم اخواتي ...
الله يسعدكم ( دلوعه و جوانا ) عساكم ما تفقدوا غالي يااااااارب , انا الحمدلله بخير بس هاليومين ما اقدر ادخل الا من الجوال و مدري اشبو اجلس اكتب رد و فجأه يعلق يقوم ينحرق دمي منو و اقوم اشتغل ههههههههههههه ....

[فليك]

( كراميلا ) منوووووره يا غاليه , الحمدلله انا طيبه بشوووفتكم , معذوره والله , الله يقويكي و ما يحرم بنوتتك منك يااااارب ....

[فليك]

من ناحية " المستشفيات " انا بالمرا ماني قلقانه فين اولد , اول كنت نااااويه في بخش بس زوجي قال خلينا نشوف ب ساعتها وقت ما يكون عندي طلق نتصل على " بخش و باشراحيل " و نشوف مين الي في , حسيتو حابب " باشراحيل " اكتر لان في بخش وقت الولاده دخل معي ف من كلامو عرفت انو ما رح يقدر يعيد الموقف و لا يتمنى يدخل , ب صراحه عذرتو لان وقت الولاده ما احد يحب يشوفو , و حتى لماما ب اذن الله ما رح اقولها الا لمن اولد لانها كل مرا تروح معي ....
انا من دحين كل يوم استخير لولادتي و جد حاسه اني مرتاحه و ماني قلقانه حتى لو ولدت في البيت ممكن يكون خير ليا , لاني بولادتي السابقه اخدت درس اني ما احط شي في بالي معيّن سبحان الله كنت ناويه اولد في باشراحيل و ب نفس الوقت الي خلاص لازم اولد فيه رحت بخش لانهم ما قدروا يولدوني , جد الواحد ما يعرف المكتوب .....

[Mamy Mirza]

هلا جوانا حبيبتي كيفك؟؟ الله يسعدك و بناتك يارب
دلوعة مبروووك عليكي الفراش و تتهني بيه ان شاالله مع البيبي الحلوة
فليك هلا يا عسل كيفك؟؟ ان شاالله كله تمام
كراميلا فين الناس يا هووو ان شالله كل امورك بخير :)))

[Mamy Mirza]

بنات انا دحين باخد فيتامينات و كالسيوم و حديد,,, بس الفيتامين خلص و موعدي بعد اسبوع تقريبا, عادي اوقف الين اروحلها و توصفلي تاني صح؟ ما فيا حيل اشتري هههههه كسل يا لطيف
لاني اسمع انه في ناس ما تاخد الفيتامينات عادي بس تاخدها من الاكل الطبيعي اش رايكم

[فليك]

اهلا بيكي ( مامي ميرزا ) ، الحمدلله كلو تمام و ماشي ، انتي كيفك و كيف حملك ؟؟؟ عاد دحين شوي شوي يزيد التقل عليكي ، الله يقويكي يارب
ايوه عادي توقفي الحبوب الين مراجعتك ، اصلا المفروض من الرابع الى السادس ، بس انتي شوفي وقت موعدك ان شالله جسمك ايش يحتاج ....

[أريج العطر]

المشاركة الأصلية كتبت بواسطة joana

هاااااي صبايا...مكه...اخباركم....

كوين نورتي ياقمر...كيفك وكيف صفوان واخته...؟؟؟

اريج الحمدلله انك قمتي بالسلامه...بس مادام انهم قررو يولدوكي قيصري...

ليه ما رحتي حراء او النور...على الاقل احسن من مستشفى الولاده...ولا تعسرت

عندك الولاده الطبيعيه... واضطروا يولدك قيصري!!

الله يسلمك ...ما مداني أروح النور ... لأنهم على طول قالوا ألتف الحبل السري على النونو والنبض قليل وأخذوا يدي وخلوني أبصم على ورقة العملية ومادريت عن نفسي إلا بعد العملية

[ام احلى البنات]

السلام عليكـــــم ورحمة الله وبركاتــــــــــه

مرحبـــــــا خواتـــــي انا عضــوه جديـــده معكـــــــم *_*

ياليت اللي عندهــا خبر عن الولاده في مستشفــى التونســي كيف تخبرنــي وعند الدكتــوره مين ..

وربــــــي يوفقكـــــم ويهــون علي وعليكـــــــــم ..

[فليك]

اهلا ( ام احلى البنات ) و عليكم السلام
بخصوص مستشفى التونسي كل الي يولدوا فيه يمدحوه و ما قد سمعت احد ذمه ....
ان شالله أخواتي الي هنا ولدوا في التونسي رح يقولولك التفاصيل ، الله ييسر لك يارب .