دردشة بنات مصر , دردشة حوامل مصر , تجمع بنات مصر

[دودى مجدى]

المهم يا اوختى قالتلى اسبقينى على المستشفى وانا جاية وراكى انا بقى طبعا ضغطى على اكتر وبقى ركبى تخبط فى بعض ومكانش معايا حد غير محمد جوزى اتصلنا بقى بمامتى وبابايا وحماتى وحمايا وانا بقى قولت لمحمد يودينى عند مامتى مش هروح غير معاها استنى هسكت الواد الزنان دة واجى اكملك

[AyoyA]

ياااااااااااااااامامى
انا خافيه اوووووووووووى من الولادة
ياعينى خدتك على خوانه

[*رحمه*]

ازيكم يا بنااااااااااات عاملين ايه

ايويا و ديناااااااااااا اخباركم ايه

و شيكو آدم و هنا عاملين اييييييييييييييه ؟؟؟؟

[دودى مجدى]

اة يا اوختى اتاخدت على خوانة بس الحمد لله اهى عدت

[دودى مجدى]

دندونة ازييك يا حبيبتى عاملة اية وازى جورى

[دودى مجدى]

المهم يا ايوية روحت المستشفى ودخلت الاوضة وجت الممرضة لبسونى الجاون وكدة وكانت معايا مامتى وحماتى واختى فى الاوضة قعدت مستنية لحد ما الدكتورة جت وجم خدونى على سرير نزلونى تحت اوضة العمليات كنت خلاص بقى بجد فى منتهى الرعب بس قعدت اقرى قران المهم الدكتورة قعدت تتكلكم معايا وتضحكنى وجة دكتور البنج قالى تتبنجى بنج نصفى دة احسن ليكى عشان الضغط العالى وكدة قولتلو انا خايفة من الحقنة عشان سمعت انها المها بيستمر فلى الضهر قالى متخافيش ومع ذلك انتى مقدامكيش اختيار تانى عشان ضغطك المهم اخدتها وحطو ملاية عشان مشوفش اللى بيحصل بس اول ما الدكتورة طلعت شيكو من بطنى وريتهولى كان احساس حلو اوى اوى

[دودى مجدى]

بعد كدة خيطونى بقى وخلصو وتمام وانا فايقة وكلو بس طبعا مش حاسة بحاجة وطلعت الاوضة بس الدكتورة قالتلى ابات فى المستشفى المهم انا فضلت كويسة ومش حاسة بحاجة لحد الساعة 8 اما جم يغيرولى بقى اغمى عليا ونزل منى دم بالهبل وكلاكيع وحاجات كدة لانهم نسيونى اصلا عشان كان فى واحد مضروب بالرصاص فى المستشفى واشتبهو فى انى عندى نزيف فجم الممرضات بقو يضغطو على بطنى دى بقى كانت اصعب حتة مع الجرح كمان بقيت اصوت لحد ما اتاكدو ان مفيش نزيف ولا حاجة بس انا بقى اللى كان مزعلنى ان الواد شيكو برص وزنو2 كيلو و700جرام وكان جعان وانا لسة معنديش لبن فضل يعيط طول الليل يا حبيبى لحد ما صوتو اتنبح وانا قعدت اعيط جمبو والممرضات الاغبية قالولى متديلوش اعشاب عشان بتعمل مغص بقى الواد يا عينى لضيان من الجوع وعمال يعيط بجد دمى بيتحرق كل ما افتكر الموضوع دة

[دودى مجدى]

بصى يا اية هو القيصرى سهل فى الاول بس هى مشكلتو الجرح بس بس انتى كلى كويس علشان يلتام بسرعة ان شاء الله

[ام انس المصريه]

اومال شيكو اكل ايه يادينا ده اللبن يابنتى مبيجيش على طول دنا لبنى والله العظيم جه رابع يوم تخيلى
وكنت بدى لانس اعشاب بيبى كاليم دكتور الاطفال اللى كان معايا فى الولاده هو اللى كتبهولو
انس برضو كان برصصصص ههههههههههههه كان وزنه 2ك و600 زى شيكو تقريبا
انتى بس حافظى عليه ورضعيه كويس وهو يبقى زى الفل ان شاء الله
ربنا يخليه ويبارك فيه

[ام انس المصريه]

اكيد كنت هبقى كده لو سبت نفسى من غير ريجيم هههههههههههههههه