تطلقت/أفتوني لمن لديه معرفه

[أم هيوني]

السلام عليكم

خواتي حابه انكم تفتوني لو احد عنده معرفه

انامتزوجه واعاني كثير من زواجي

المهم مابي أطول عليكم وأدخل لكم التفاصيل
طلبت الطلاق من زوجي ورفض قال لا وبعدها قال خليني اجامعك وبعدها اطلقك شي مقابل شي المهم انا رفضت والحيت لاكن الحاحي ماستمر ولاربع ساعه

المهم قال بطلقك بطريقه اختياريه ان حبيتي تبقين الله يحيك وان مابغيتي ماتشوفين شر
قال ان طلعتي مع هالباب ورحتي مع أبوك فانتي طالق

قلت الله يستر عليك ويعافيك ويجزاك خير
وكلمت ابوي ورحت معه
سؤالي هنا
أنا كنت خامس يوم الدوره يعني كنت حائض
وهو مايدري (عشان الكل مايستغرب ويقول زوجك وكيف مايعرف هو في مكان عمل بعيد وبس اشوفه في الاجازه وكنت توني واصله من بيت اهلي رايحه له)

المهم هل يبت الطلاق او لا
وهل من الضروري يعرف اني كنت وقتها في الدوره
على العلم اناماودي يعرف اخاف يحاول يرجعني ويعند مايطلق
وهل تعتبر عدتي من وقت مانطق بالكلمه ولا لازم من وقت اللي يرسل لي الورقه
وبالنسبه للخروج ان على المعتده لاتخرج الاللضروره فأنا موظفه ولازم أداوم
وبالنسبه للزينه وش الحل ماأتزين أبدا؟ وقدامي بعد فتره زواجي اخوي

وللمعلوميه هذا طلاقي الثاني وعمري لم يتجاوز 25 وانامحطمه جدا وحزينه
لاكن الحمدلله على كل حال
هذا اللي كتبه ربي لي واناراضيه فيه

جزاكم الله خير ردو علي

[أم رزاان]

الله يستر عليك ويعوضك خير
ومثل هالأمور مانقدر نفتيك فيها يالغالية
اتصلي على احد المشايخ واساليهم
والله يكتب لك مافية الخير

[أم ريهام]

يا الغالية اذا عندك اطفال حاولي تراجعي نفسك مهم جدا

ترى الطلاق مو سهل وزوجك يبغااك يعني لا تفرطين فيه وكل مشكلة ولها حل

أنصحك نصيحة يعني يمكن عشان تطلقتي قبل وجاك نصيبك تقولين يجي نصيبي مرة ثالثة

ترى مو كل مرة تسلم الجرة

عموما الأفضل أنك تتصلي شيخ ثقة وتستفتيه

يسر الله لك أمرك وسهل دربك

[دروب الأمل]

يا حبيبتي الدورة لازم تعلمينهم بها

لان الطلاق وقتها له حكم

وبعدين ليه مصره ع الطلاق , الأمور تنحل بالهداوة مو كذا
زي ماقلتي انتي توك صغيره وصعبه كل شوي طلاق

..

بالنسبة للعدة , فيه اختلاف بين المتوفى عنها زوجها وبين المطلقه


ضرووووري تروحين انتي وزوجك لمفتي

[أم هيوني]

المشاركة الأصلية كتبت بواسطة أم ريهام

يا الغالية اذا عندك اطفال حاولي تراجعي نفسك مهم جدا

ترى الطلاق مو سهل وزوجك يبغااك يعني لا تفرطين فيه وكل مشكلة ولها حل

أنصحك نصيحة يعني يمكن عشان تطلقتي قبل وجاك نصيبك تقولين يجي نصيبي مرة ثالثة

ترى مو كل مرة تسلم الجرة

عموما الأفضل أنك تتصلي شيخ ثقة وتستفتيه

يسر الله لك أمرك وسهل دربك

هلا وغلا اختي

مشكوره لردك

اناعارفه ان الطلاق موسهل وانا قلت هذا طلاقي للمره الثانيه
وانااللي اعرف معنى الطلاق ومعااناته

ويكون في بالك انا تزوجت ام 13 وتطلقت بعد6شهور واناحامل ورزقني ربي بولد

وبعد مرور 7سنين تزوجت الثاني

عانت منه كثير لان انا موب الزوجه الوحيده انا الزوجه الرابعه
كل مافكرت بالطلاق اقول كيف وصعب والناس وش بتقول
مرت سنه وتحملت وظغطت على نفسي يحبني لاكن اتعبني جرحني يعاملني معامله سيئه
ماريحني ولاعزني ولاعطاني حقوقي فقط يحبني
كلمه ويقولها لاكن وش الفايده محبه من غير راحه محبه من غير مصروف محبه من غير عدل محبه من غير اعطائي ربع حقوقي محبه من غير استقرار محبه برمي في بيت اهلي وين المحبه

مرت سنه وقلت لارزقني بكره ربي عيال منه بتنحل امورنا
مرت السنه الثانيه والناس واهلي يتسالون بعدم حملي
ومرت السنه الثالثه وانا اعني من ظغوطه ومن زوجته ومن عياله ومن معاملته
ومرت السنه الرابعه وانا اتحمل وعمري ضاع وشبابي ضاع
والحين السنه الخامسه مرت
لاكن خلاص معاد اقدر اتحمل والله ماأنلام تعبت
احبه واغليه واخاف عليه لاكن وش الفايده اذا مايبادلني نفس الاحاسيس

ولما تقولين
أنصحك نصيحة يعني يمكن عشان تطلقتي قبل وجاك نصيبك تقولين يجي نصيبي مرة ثالثة

لايالغاليه انا تطلقت ورفضت الزواج وجلست 7سنين رافضه ويوم تزوجت مره ثانيه خذته وهو عمره 55سنه


ترى مو كل مرة تسلم الجرة
ادري ان مو كل مره تسلم الجره وهذا اللي اناخايفه منه تعبت ابي الراحه والزوج الطيب والاستقرار والعيال
والله يعوضني بكل خير لو ماجاني ابن الحلال بربي ولدي والحياة مو كلها رجال

لاتتوقعو الامر سهل علي بالعكس صعب وصعب كثير احبه واخاف عليه واموت فيه لاكن ماحشمني ولا قدرني
ادعولي ان ربي ييسر امري ويرسل لي ورقتي واحاول ارتاح

[أم هيوني]

انا سالت شيخ وقال لي ان اختلفو كثير بالطلاق اثناء الحيض والحمل
لاكن اغلب المحاكم اطلق سواء المءه حامل او حائض وفي فترة العده يقدر يرجعها

لاكن انتي تعتبري انك مطلقه لان هو لما قال لك ان طلعتي مع الباب فانتي طالق
كان عارف وش يقول ونيته الطلاق

ومن المفترض ان هو اللي كان يسالك هل انتي حائض او لا
وان شاءالله مايلحقك اي ذنب
ولاتخافي لما يروح للمحكمه يثبت الطلاق الشيخ بيخليه يردد ورا ه
وبيعيد كلمة الطلاق وتطلقي منه