انا في امس الحاجه لكم قبل طلاقي

[ام يارا القادمه]

المشاركة الأصلية كتبت بواسطة مشاعل الدوسري

و عليكم السلام هلا و غلا فيك اختي ..

أنصحك بلانفصال .. و لا تخسرين نفسك و كرامتك عشان واحد تحبينه الحب موجود بكل مكان و القلب يبحب كل شخص يحبه و يحترمه و يعزه و يصونه يعني مو مهم الحب على ماهو مهم الاحترام و الالتزام بلكلام و القرارت ..
الطلاق امر مو هين صحيح
و انتي تزوجتي رجل كان متزوج و عنده عيال منها لازم لازم لازم بيحن و بيشتاق ..
و سوى كانت بذمته و لا لا ..
الرجال اللي يقول ما احبها و و و و و و ما ابيها كذاب أم عيال اول زواج يعني ذكريات ياقلبي ..
دامه متقلب في قراراته ..
و يشرب و مدري ايش بس تاب الحمدالله التوبه له و الله غفور رحيم
مو أكبر مصيبه أذا تطلقتي..
لا يهمك الناس المهم حياتك الناس بتتكلم و بتتكلم اليوم و بكره صحيح
ان مو هين تتطلقي مرتين الناس لازم بيقولون شنو فيها
و مافيها ليكون معيوبه ومن هلكلام ..

لكن لا احد اسالك قولي ما تم اتفاق بينا ما نقدر نعيش مع بعض و انتهينا ..


انا شخصيا تزوجت رجل كان متزوج و عنده ولد ..
لما تقدم لي قعدت ادرس الموضوع من نواحي عده ..

قلت لنفسي مشاعل .. تخيلي فجأه يقولك بعد مايتزوجك برجع زوجتي .. كيف بتتصرفين
مشاعل تخيلي يعاملك معامله سيئه
شنو بتتصرفين وقتها .. ماهو مطلق زوجته ..

قعدت معاه و فهمت و ليش يبي يتزوج و شنو هدفه من الزواج..
شنو طلباته و شنو شروطه ..
درسة الموضوع شفت اني اقدر على التقلبات ..
في حال انه بيرجعه اوكي ما عندي اي مانع .. بس في شروط تتقيد بلعقد .. ضمان لي وله ..
في حال انه غير معاملته اصبر و اجس النبض بعدها اذا شفت الموضوع ما اقدر عليه بكل بساطه اتطلق

و لما تقدم لي و قاله الولد بنتي ماتدخل على بنتي و بذمتك مره اذا انت ناوي ترجع زوجتك ارجع لها لكن بنتي
ما تتزوجها و انت عندك وحده



نهاية هذا الكلام اللي اقولك عليه ياعزيزتي ..

أن كل شي وله نتائج سلبيه و نتائج أيجابيه ..

أحمدي ربك انك ما خلفتي منه كرم من ربك ..

و ربي بيرزقك بزواج احسن منه بأذن الله ..

لكن الزواج الثالث أنصحك نصيحه .. مو اي واحدطق بابكم توافقين على شروطه زي ماهو له شروط انتي بعد لك شروط لا تحسين انك ضعيفه بسبب طلاقك المتكرر لا بلعكس هو المعيوب لانك ذكرتي انه يشرب و يضربك و و و الخ
في عقد الزواج تكتبين شروطك ..
مصروف شهري - سكن خاص - دراسه و عمل - يعني من هذي الشروط اللي تناسبك ..
انه ما يمد يده عليك و يحسن المعامله و الخ .. من هذي الامور ..
عشان اذا تصرف عكس اللي مكتوب بعقد الزواج .. يكون اللوم عليه وو لاتنسين المؤخر لا تتهاونين المهر مو مهم المهم المؤخر ..


اي شي تبينه و يخطر على بالك تكتبينه بعقد الزواج يفظلك حقوقك و حقه بعد .

انا مع نفس راي الأخت مشاعل نصيحه اختي منحوسه وان شاء الله مجرد ما تطلقي منه بيروح النحس عنك


انفصلي ولاترجعي واضح من تصرفاته مو اهل ثقه ولاتخافي ماراح ينتحر ولاشي والحب بتحبي اي واحد يحترمك بتحبيه

[سيدة الغرام]

اختي الله يكون بعونك انتي شوفي واستخيري واستغفري
ولازم تستشيرين نفسك قبل كل شي والله لو انا بدالك بصرااحه
واحد يضربني ويهيني قدام اي احد ماينطق الجلسه معه بكل صرااحه
طيب لو راجعتي واثقه فيه انه ماعاد يضربك ولايهينك انتي شوري على نفسك
وفكري بالمستقبل وش يصير لك فكري بعيال اذا جوو واذا زوجك ماتعدل حالته وش بيكون وضعك يااختي اي حب واي خرابيط الرجال اذا فيه خير ماكان يسوي سوات مثل زوجك يااختي الكريم لاتفاهميني غلط اني ابيك تطلقي لالالا شوري على نفسك قبل كل شي واستخيري واصلي والله يكتب لكي الخيره طيبه والله يهدي زوجك ويسخر لكي يارب العالمين

[sahab]

رجعي له وعطيه فررصة ثانية

لاتندمين بعدين الا اكيييد بتدمين لو انفصلتي في هالفترررة

وكلا بتفكرين وبتقولي لنفسك لو عطيته فرصة ثانية لو ماتطلقت الخ

وخصوصا انه هذا زواجك الثااني والناس ماتصدق تتكلم بس حتى لو الوحدة مظلومة

بعض الرجااال كذه يمصخونهاا بس لراحت الحرمة بيت اهلها

وعرف انها اطفحت جبدتهاا منه وبتركه ومو طاقة له هم يتسنع معاهااا

زي ماتقولي محتاااج قرصة اذن

رايي ترجعين له عشان ماتندمين بعدين

بس انتبهي اذا رجعتي له هالفتررة تحملين

بالاول شوفي وضعه

اذا عادت ريمة لعادتها القديمة

الله يعينك مالك الا الطلاااق

ربي يسعدك ويوفقك

ااااااامين ياارب

[نبعة الحب]

والله يا اختي بعد الكلام الي قلتي عنة احسة انسان ما يستاهل تعيشين معاة بس انتي تعرفين نفسج تنطينة فرصة ثانية ويتعدل واذا ما جاب نتيجة اتركي والله يكون بعونج حبيبتي

[][عروسه2008][]

الــــــــــــــــــطلاق

ربي ماشرعه الا مع هالأشكال


غير مستقر نفسي ولاديني ,, أتركه بدون تفكير


عجايز يتطلقون ويتزوجون ,, وأحنا مشكلتنا كلام الناس على حساب صحتك ونفسيتك !!


الصحه يابنت الناس أهم شي ,, أعرف وحده خلاها تمشي تكلم نفسها أخر شي رماها رميه الـــ ( ك ) عند أهلها !! ماخذت منه الا المرض والعجز وصارت عاله على أهلها


ياناس فكروا كلام الناس لايودي ولايجيب ؟ من متى الناس تحس أو تتمنى الخير لحد !! حنا بزمن الواحد بس يبغى يتكلم ويبحث في شؤن غيره !! ايش الجديد


الطلاق يابنت الناس حلك والله معك وبعونك

[PinkCherry]

اسمحي لي اختي لكن اذا اكتشفتي كل هالشغلات بعد الزواج زواجكم شرعا باطل لانه بني على اساس خطأ يعتبر انه غشج ..ياريت يطونين حذره في هالموضوع غير عن انه يشرب معناتها مايصلي وبعيد عن ربه وهالاشخاص املهم ضعيف في التوبه ..انتي فكري وكيفج الله يصلحه ويوفقج ويكتب لج اللي فيه الخير

[إحساس قلب]

اذا متأكده انه ما بيتغير للأفضل ...الحل الطلاق
وش تبين بواحد يشرب ...
ربي يصلح حال الجميع