دردشة بنات مصر , دردشة حوامل مصر , تجمع بنات مصر

[بنوته عسل]

الله يبارك فيكى يا ايوتا العسوله عقبال ما تخاوى القمرات اللى عندك ان شاء الله
طبعا فاكراكى يابت ده كلام معقول انساكى يعنى اخص عليكى
اتجوزت زى اى واحده بتتجوز وبلاش كسوف يابت عيب بقى استغفر الله العظيم هههههههههههههههههههههه

[لارين يكن]

اموله وحشتييييييييييييييييني موووووووووووووووووت
انا قريت ان ايه بتقول هتجيبي بامبينو الكلام ده صح ولا ايه لان دورت مش لقيتك كاتبه حاجه هههههههههههه
ولا هيا بتقول ع ماسوف يكون فالمستقبل فرحييييييييني
وبعدين يا وحشه انت اللي مش بتدخلي نهائي شوفي اخر مره كنت دخلت امتي انا بفتحه يوميا بس مش في حد بيبقي موجود

[لارين يكن]

ياختي عالقمر ماشاء الله مخدتش بالي من توقيعك ماشاء الله ربنا يحفظه ليكي ويجيلك بالف سلامه ويقر عينك بيه يارب
وخلي عندك دم وادخلي طمنينا عليكي باستمرار
وعرفينا بقي حاسه بايه وايه اخبار الاوع معاكي واتوحمتي ع ايه وكده ههههههههههههههههه

[بنوته عسل]

انتى كمان وحشانى والله يا سامو ازيك يا حبيبتى انتى والنونو او النونه ؟
شد حيلك يا جميل اهو قرب اليوم المنتظر ربنا يسهلك الولاده وتشوفى النونو او النونه بصحه وعافيه يارب يا قمر
ايون كلام ايويا صحيح الحمدلله افرحى بقى هههههههههههههههههههه
والله يا بنتى انا متلقحه هنا كل يوم بس مفيش حد كلهم متلقحين ع الفيس زى ما انتى عارفه بس خلاص انا معاكى هنا كل يوم بقى
وبالنسبه للوحم نفسى مسدوده خالص ومش بحس بالجوع واتوحمت ع الجمبرى المقلى طالبه معايا مقلى مش اى جمبرى يعنى ههههههههههههه وكمان محشى كرنب انا كنت قبل الحمل بموت فيه ودلوقتى بعشقه وبتغاظ لما بشوف حد بياكله غيرى هههههههههههههه وفاصوليا بيضا مع انى مش بحبه قبل الحمل خالص تخيلى مش باكل فاصوليا خضرا ولا بيضا بس دلوقتى طالبه معايا فاصوليا بيضا ومفيش اوع الحمدلله وبحس بارهاق وخمول وعصعوصى مموتنى وجع جامد وبيقولولى احلويت وخسيت احم احم هههههههههههه واحلامى اتفسرت انى هجيب بنوته ووحمى ع الحوادق يعنى ولد بس كلهم حلوين وخير من ربنا بس الفضول هيموتنى واعرف فيا ايه وربنا يسهلنا ويكرم كل مشتاقه يارب قوليلى بقى هتولدى فى ايطاليا ولا مصر وقررتى تسمى ايه ان شاء الله ؟؟

[AyoyA]

ااااااااااااااااااااااااايه يا جدعان
الهجرة اللى حصلت فى المنتدى ده



بجد بجد حاجة تحزززززززززززززززززززززن

[بنوته عسل]

معاكى حق والله يا ايوتا بس هنعمل ايه بقى

[لارين يكن]

انا معاكي يا اموله ياحبيبتي والف الف مليون مبروك فرحتيني والله بس انا بنام طول النهار وبسهر بالليل
انا هجيب بنوته ان شاء الله وهسميها لارين
انا كنت كده فالحمل كله قالي احلويتي وكنت نفسي فكذا حاجه ومكنتش بجوع خالص ومش عاوزه اكل وقرفانه من الاكل والاوع بدا من اخر التاني او اول التالت لحد نص الرابع وكنت قرفانه من كل حاجه وكان بهدله بس كله الحمد لله عدي ع خير
واي حاجه فعلا بنت ولد خير من عند ربنا
ياسمين برضه حامل هيا كمان بس هيا برضه مش بتدخل كتير حتي الفيس لانها تعبانه
وهولد فايطاليا ان شاء الله ادعيلي معادي اخر 10 ان شاء الله
انت لسه فالسعوديه صح

[بنوته عسل]

الله يبارك فيكى يا قمر وربنا يسهلك الولاده وتشوفى النونه بصحه وعافيه يارب وحلو اسم لارين اوى
المهم هتولدى لوحدك ولا هتجيلك مامتك او حماتك ولا ايه ؟
اسكتى انا الاوع بدا معايا النهارده الفجر وايه كمان كنت لوحدى فى الشقه اصل جوزى مسافر عنده شغل ومن حظى اللطيف ان ماما كانت قاعده عندى يومين وراحت امبارح بالليل والاوع اشتغل الفجر الاوع حاجه صعبه ورخمه اوى ربنا يكملنا ع خير يارب
انا عارفه ان ياسو حامل ربنا يكملها ع خير يارب بس مش عارفه انها تعبانه ربنا يطمنى عليها
ايوه يا حبيبتى انا فى السعوديه

[bassant]

السلام عليكم يا قمرات , انا عندى مشكلة محيرانى اوى انا متزوجة من 28-6-2012 و جاتلى الدورة فى نفس اليوم و جاتلى تانى يوم 2-8-2012 و حتى الان لن تأتى لى يعنى متأخرة 10 ايام تقريبا و شكيت طبعا انى حامل عملت تحليل منزلى 3 مرات و النتيجة سلبية حتى اليوم و عالطول حاسة بدوخة و ألم فى الظهر و اسفل البطن و صداع بيجى و يروح و كسل شديد , ياريييت يا بنات كل الى عندها خبرة تفيدنى هل انا حامل و الكشف المنزلى اخطأ 3 مرات ممكن ولا ده مستحيل ؟؟؟؟

[asmaa abdullah]

حبيبتي هيا فعلا ساعات بتتأخر ممكن مكيونش حمل انا حملت مرة واجهضت وديه التانية في المرتين كان بيظهرلي خط خفيف ف اول يوم من غياب الدورة بس انا سمعت ان فيه ناس بيبان في الدم روحي حللي دم وان شاء الله خير ربنا يرزقك بالحمل الكامل المعافي