دردشة حوامل مملكة المغرب - تجمع بنات المغرب

ام اية · 12-30-2012, 07:00 PM

اقتباس:

المشاركة الأصلية كتبت بواسطة أم هبة

أم آية كيدايرة أحبيبة ؟ و كيدايرين الأميرات الحلوات؟

سلام احبيبة كيف دايرة مع بنيتات وكيف دايرة مع لحمل

اقتباس:

المشاركة الأصلية كتبت بواسطة أم هبة

البنات بغيت نسولكم بما أنني بعيدة على المغرب , شكون الي كتعرف شي حاجة كتخرج الوسخ مزيااااااان فالحمام .

سمعت على عشبة الداد , واش كينة شي وحدة مجرباها , ولا كتعرفو شي حاجة اخرى قولوها ليا عافاكم.

هههههه قوليلي باغيا تتحممي ولكن واش كاين لحمام مغربي عندكم ولا لا بنسبة لوسخ انا كندير غير صابون البلدي كندهنو فالاول ونبقى شي عشر دقائق ونبدى نحك بكيسة وبعد منشلل نبقا ندير غير شوي ديال صابون لبلدي فلكيس ونحك منقولش ليك خيرات لكتنزل ههههههه

اقتباس:

المشاركة الأصلية كتبت بواسطة siham-it

سلام بنات بلادي كيف صبحتو اليوما ، لالا سناء بالصحة تسافيره ، أم آية آش خبارك غبتي علينا يا لالا ، صافي سمحتي فينا، أم هبيه آش خبارك نقولو على سلامتك، غبتي سمانه كامله ماشاء الله واخا عليك يا لالا

حبيبة ديالي سهام كيف دايرة مع الحمل راكي قرابة الله يسهل عليك ويجعل ولادتك ساهلة يارب ومتنسايش قرائة القرءان وبلخصوص سورة مريم

اقتباس:

المشاركة الأصلية كتبت بواسطة ♥ice princess♥

مرحباااا بالحلوااات
شخباركم انشاء الله بخيير !!!

وعليكم سلام كيف دايرة

siham-it · 12-30-2012, 07:39 PM

سلام لالا أم آيه آش خبارك ا حبيبه بنوتات لباس ، هنا يختي كنعدي الحمد لله، وخا لوجع من دبا شادني معرفتش علاش نهار على نهار.
مشيت طبيبه قالت ليا كلشي مزيان ، شنو سبب لوجع الي كيجيني لوجع ديال الدوره + كنحس بحالىشي حاجه ضاغطه ليا عل أسفل بحالى بغا تنزل ؟؟؟؟؟؟ شنو بان ليك ؟؟؟؟؟؟؟ طبيبه قلبتني قالت ليا عادي

siham-it · 12-30-2012, 08:23 PM

???????????????????????????

ام اية · 12-30-2012, 10:33 PM

سمعلي احبيبة كنت كندير لبغرير لبيتاتي باش دارو الكوطي هههه بديت كتخافي معندكش علاش تخافي راه لحريق طبيعي يجيك مرة مرة وضغط ديال راس لانو مقبل دابة كيستعد باش يخرج فكرتيني فلوستي عاد هدي شهراين باش ولدت وكان كيوقع ليها هكاك وكان كيسحابليها هداك هو حريق لولدة وكنت كنقليها مزال مشفتي حريق لولدة ديال بصاح هههه ولكن نتيا الحمدوالله فبلاد كيهتمو بالمرضى مزيان وان شاء الله يدوز كلشي مزيان غير بغيت نعرف واش طبيبة قالتلك غدي تولدي طبيعي ولا لا واش غدي ديري يبرة ديال الطهر

om-maram · 12-31-2012, 01:07 AM

salam alikom labnat kidayrin natmana tkono kamlin bikom bikhir o3la khir , hbiba siham dik alam tabi3i hta ana w9a3li man akhir osbo3 f taman b9a m3aya 3 semaine kont kola nhar kan9ol lyoma nawlad sa3a chofti hta dozt la date dyali b 3jours 3ad wladt inchaalah ikon ri lkhir rir stamri f lmachi ocharbi lma mazyan ,,,,,,, om aya hbiba brit nsawlak ahbiba ana daba banti 3omra 1mois et 7 jours ana flawal kont kanrada3 onhar kamlat 1 mois bdit kana3tila hta biberon odaba hadi 5 jours ma3titlachi le sein wach daba hlib dyali ba9i sala7 na3tih liha wela nwa9fo safi hit sma3t bli ila b9iti ktar mn 24h kaykon hlib khayab 3afak ahbiba fidini ila kan 3andek chi khibra

ام اية · 12-31-2012, 04:07 AM

سلام عليك ام مرة كيف دايرة وشنو هد الغيبة وكيف دايرة لكتكوت علاش احبيبة عطيتيها البيبرون واش حليبك ناقص ولاش بقيتي خمس ايام كان عليك تحاولي معاها لان حليب الام مكيتعودش وبنتك باقى صغيرة انا عمرني موقع ليا هكا ولكن خاصك تحلبي الحليب من صدرك بالجبادة ديال لحليب وترميه عاد عطيها البزولة

أم هبة · 12-31-2012, 11:00 AM

السلام عليكم يا بنات

كيف دايرين ؟

أم مرام فين غبرتي طولتي الغيبة, كيدايرة البنوتة؟

متعطيهاش نهائيا صدرك ترضع منو راه خطر عليها, كنعرف وحدة وقفات الرضاعة لولدها يومين و كانت ناعسة حداه و فالليل رضع من صدرها و صبح ميت , الله يبعد عليك و علينا الباس.

سولي شي طبيب , أنا الي كنعرف انك متقدريش ترجعي ترضعيها و سولي الطبيب احسن.

أم هبة · 12-31-2012, 11:07 AM

شكرا حبيباتي أم آية و سهام على الرد

سهام راني معمري مجربت الداد غير كنسمع بيه .

أنا عندي صالون و عندي حمام مغربي و معلمة واحد البنت كتديرو للزباين ولكن شي وحدين مكيخرجش ليهم الوسخ و كيتقلقو , داكشي علاش سولتكم و صراحة ما قصرتو , غادي نجرب الشبة و الحنة , أما الصابون البلدي و الحنة دايما كنديروهم ليهم.

أم هبة · 12-31-2012, 11:09 AM

سهام داكشي عادي الي كتحسي بيه , متخافيش غير صبري , و خصوصا ملي طمناتك الطبيبة,
الله يسهل عليك

سمراء2012 · 12-31-2012, 12:22 PM

اقتباس:

المشاركة الأصلية كتبت بواسطة siham-it

سمراء ختي فكريني بيك عفاك ،نتي فين في المغرب إسمك الحقيقي و شحال ونتي مزوجه ؟؟؟؟؟ شحال في عمرك ؟؟؟؟؟ أنا سهام الفضوليه ههههههههههههه و زيداها بمرض النسيان الله ينجيك ههههههههههههههه

صباح الخير البنات سنة سعيدة الله يدخلها عليكم بالصحة و العافية ياربي امين
انا اختي سهام و اعوذ بالله من قولة انا سميتي سمراء من العيون و دابا ساكنة و خدامة فمراكش فعمري 26 عام و نزيدك حاجة اخرى اكبر حمقة على وجه الارض بشهادة زوجي و صحاباتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
دردشة حوامل أهل قطر - دردشة بنات قطر - تجمع حوامل قطر	سماسم	إستفسارات حوامل من الشهر السابع إلى الشهر التاسع	332	05-31-2013 04:20 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل مملكة المغرب - تجمع بنات المغرب	ام صيصة	إستفسارات حوامل من الشهر السابع إلى الشهر التاسع	1534	12-25-2011 09:35 PM
من المغرب للسعودية منتجات سحر المغرب روووووووووووووووووووووووووووووووووووووووووووووعة	kaminynya	منتدى السوق التجاري	2	08-18-2011 01:23 AM