دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة ‏

[روح دحومي]

الاهلي حلو أنا ولدت فيه عند غولناز أرسلني عليها د/محمد خان لانه كنت ابيه يولدني بس كان بيسافر فقالي روحي لها ممتازة و رحت اعطوني طلق صناعي لانه المويا قليل ولازم أولد والحمد لله كانت حلوة الولادة بس الطلق تعبني والولادة فيها قالوا لي ب3000 شامله الحضانة بس لمن جاه زوجي بعد ما ولدت طلبوا منه 500ثاني للحضانة وطبعا بدون الأدوية أنا اشتريت الأدوية بس من ناحية النظافة يعني مؤ مرة و القابلات ممتازان وحدة مصرية و جاوية و حبشيه اعتقد كانوا معايا الين دخلت الكشك وغولناز ما كانت فيه وجات وانا خلاص بولد و ولدتني وخيطتني خياطتها كويسه بس مشكله ألكمام يحطونة لك بس ما كأنهم حاطين شي تحسي بكل شي وكمان ألكمام انتي تطلبيه مؤ هما يحطوه و حسابه غير بس ما عجبني انهم بعد ما تولدي ما يهتمون فيك و يجيبون لك نعناع وحليب زي الرفيع بس كاكل كويس المستشفي .. وفي الاول والأخير كلها تساهيل من رب العالمين .. دعواتكم ربي يرزقني بما اتمنى ...

[دلوعه موت]

الله يفرج همك وكربتك والله ماتدري قد ايش كنت محتاجه كلامك لاني بجد خااااايفه كم سعر الكمامه

[دلوعه موت]

المشاركة الأصلية كتبت بواسطة ٲناهيد

صبآإح الخير
بآركولي قبل يومين حللت و طلعت حآمل
بس ٲبغى ٲعرف إيش الٲكلات اللي ضروري ٲكلها فهدا الشهر وإيش الحاجات اللي ٲتجنب

رغم إني مو بكريه عندي بنوته عمرها 3 سنوات
بسس مرره نسيت حملي الاول هههههههه

مبروووووووك اهم شي ركزي على الاكلات الي فيها حديد مثل الكبده مفيده مرررررررررررررررررررررررره والبرتقال

[إكليل الجبل]

المشاركة الأصلية كتبت بواسطة عيون عبودي

بنات مين جربت تولد في مستشفى مركز مكة الطبي بالعمرة كيف الاهتمام والاسعار
ومستشفى الاهلي السعودي لاتبخلوني عليه بهالمعلومتين ارجوكم

مدري زيك استني الرد
والولادة من ولدت فيه قريب

[روح دحومي]

حلوة الاهلي القابلات ممتازات انا ولدت العام فيه ..
يعني مو بعيد ..
واذا كان علىى شكل المستشفى انتي بتولدي اليوم و بتطلعي بكرة خخخخ يعني مو مخلله فيها ,,
ان شاء الله ربي يقومكم بالسلامة يا رب ,,

[نفسي في بنوته]

مركز مكه الطبي
انا ولدت فيها 3 مرات
مرتين طبيعي ومره بعمليه

صراحه روووووووووووووووووعه
اهتمام ونظافه والدكاتره حلوييين وكلامهم مره طيب
وانا جربت مركز مكه بعد ماصارت لبخش ماولدت فيها ولدت بحراء
وحراء برضو مره طيبين وممتازين

ودحين مركز مكه رجعت
احيانا يعملو تخفيضات وغرزهم مره حلوه
والصراحه التكاليف برضو طيبه
بس العمليه كلفتني 10الاف

ونفسي اولد فيها المره هادي
لان ماشاء الله يصبرو عليكي وروعه يعطوك كمامه ويساعدووك كتير
اهم شئ تكوني لوحدك تولدي يعني ديك الليه تكون الدكتوره لك انتي وبس

واحلى شئ الكشك لوحدك يعني سرير واحد
مو زي بقية المستشفيات مع بعض وتسمعي صراخ النسوان ييدك هم فوق همك

الله يفرجلي بالسلامه ويفرج عليكم يارب

اما الاهلي ماجربت بس اختي زمان ولدت فيها وتقول كويسه

[روح دحومي]

وكم كلفتك الولادة فيه و مين ولدك الولادة الطبيعيه اقصد بكم و ألكمام كويس يعني يخليك ما تحسي وكيف تعاملهم معاك

[ياحسايف]

ارجوكم اخواتي ادخلو موضوعي وانصحوني انا تعبانه

http://forum.hwaml.com/t224420.html

[نفسي في بنوته]

المشاركة الأصلية كتبت بواسطة روح دحومي

وكم كلفتك الولادة فيه و مين ولدك الولادة الطبيعيه اقصد بكم و ألكمام كويس يعني يخليك ما تحسي وكيف تعاملهم معاك

تقريبا كلفتني ع 3000وفووووق
يعني مايزيد ع 5000

والله نسيت الي ولدوني ماافتكر الا دكتوره عصمت مصريه تعرفي ليش

لاني اولد وهيا تصفق تشجعني وتقولي شطره شطره

هههههههه

ايوا الكمام ممتاز يريحك كتير موزي المستشفيات الحكوميه
يعني فيه نسبه من البنج

اهم شئ انتي لاتروحي بدري اصبري في البيت


وتعاملهم زي ماقلتلك ممتازه

ورووووووعه احسن من باشراحيل مليون مره
انتي روحي كشفيه وشوفي نفستك

ترتاحي ماترتاحي

الله يفرجلك يارب ويفرجلي بالسلامه يارب

[لحن الفرح2]

يسعدكم ويجزاكم الجنة....انا بكرية وماعرف شي وخااااااايفة من كثر مااسمع العجايب ...يسعدكم دلوني احسن دكتورة ولادة والسعر ومهم السعر..ربي يحقق كل امنياتها اللي ترد علي