أحلى تجمع لحوامل التوأم الجزء الرابع

[Miss Huda]

الحمدلله ع سلامتك الشموع المضيئه


حبيبتي لاااااا تخافين شي طبيعي جدا اختي حملت بتؤام وكان بينهم 15 يوم لان عندها مشكله في احد المبايض
والحمدلله والشكر ولدتهم ولاده طبيعيه مو قيصريه وطبيعين جدا والحين هم بسادس ابتدائي


توكلي على الله سبحانه وتعالي (انا عند ظن عبدي بي) وتفائلي

وان شاء الله بتولدينهم طبيعين كاملين تامين الخلقه وتنبسطين فيهم ويكون كل هالكلام من الذكريات هههههههه

[الشموع المضيئة]

الله يسلمكم يارب والحمدلله طمنتوني ويارب تسهل الشهور علي خير وربي يتمم لنا شوفة عيالنا قدام عيوننا

انا في الاسبوع 16 يعني نهاية الرابع وشايله هم الخامس والسادس لانه حساس جدا

[الشموع المضيئة]

مس هدي انا الحمدلله املي في الله كبير بس نظرتهم للموضوع خلاني ابحث في الموضوع واسال زيادة معلومات عن الوضع
انا بعد في بنتي قالوا احتمال فيه نسبه مرتفعه في الداون لازم نسوي نفس التست ورفضت والحمدلله عمرها الحين 3 سنين مافيها الا العافيه بس انا باقول لان هم عندهم مشاكل كثيره في الحمل فصار انه ضروري الوحده تسوي التست هذا

[jood]

الله يكون بعوننا اجمعين
انا من حملت يحاولون يسوون لي سونار مهبلي ورافضه
والحين يبون يشوفون عنق الرحم مفتوح ولالا وبرضو رافضه
لاني مااحس باي آلام ولا شي
بس زيادة الحرص عندهم في أشياء مالها أهمية
اذكر لما جاني نزيف مااعطوني اي مثبت ولا شي
اضطريت ارسل لي من السعودية مثبتات

الله الحافظ
استودعناهم رب العالمين

[ρυяỉтч •]

شمموع فيه وحده من المشرفات .. قريت لها موضوع حملها نفس قصتك
الحملين كانو بنفس الشهر وانها بويضتين وكل وحده تخصبت بوقت لوحدها ، وكانت كاتبه ان حالتها نادره
ف اتواصلي معها وشوفي اخبار حملها لاني اظن انها ولدت
وتطمني عاد
هذا ملفهاا

http://forum.hwaml.com/u31439.html

[الشموع المضيئة]

بريتي مشكوره ياقمر علي الرابط قريت موضوعها فعلا نفس الحاله

[فدؤ 2]

السلام عليكم ورحمة الله وبركاته

كيفكم جميعا انا اخت فدؤ 2 الله يحفظها هي وتوامها انا بادخل بدالها لانها مشغوله وانا بامس الحاجه لله اولا ثم خبرتكم ادعولي يجيلي توم بنات يمو علي حياتي ويبعدو الهم عني

[الشموع المضيئة]

جود انا لاحظت الاجانب دقيقين في شي وشي لا
الله يعيننا على جديتهم في الطب

[أسوم]

صباااااح الخير
وحشتوني طبعا مثل ماقلت لكم امي جات عندي عشان كذا ماقدرت ادخل طول امس
وياحبيبتي ياشموع لايضيقون صدرك وانشاء الله انهم توائم سليمين معافيلن وكلي امرك للي ماتنام عينه وفعلا ماخاب من توكل عليه

جوووود ياويلك تولدين قبلي
فوائد حمدلله على سلامتك وحاولي ترتاحي هالاسبوع وتنامي على ظهرك بعد هذا السهر طويل والشغل يستنى


اخت فدو الله يكتب لك الخيره يارب


اتمنى مانسيت احد

[أسوم]

اليوم كلناااا نبارك ونهني اختي وحبيبة قلبي اوراق الخريف


بقدوم ريان &حور
مشاء الله تبارك الرحمن والله يحفظهم من كل شر
وبنقلكم قصة الاكشن لولادة الحلوين ومعانات امهم الله يقومها بسلامه وترد لنا بسلامه ويطمنها ربي على ريان

قول اااااااااامين
وهذي القصه بختصار تراها تابعكم بس ماتقدر ترد



كانو مواعديني بعد اسبوع من اخر موعد لي وكنت في الاسبوع 34 ويوم المهم قالت اذا ماحسيتي بحركتهم تعالي قلتلها لا الحمدلله يتحركون ماشاء الله ثاني يوم من 6 الصباح لحد 6 المساء ماحسيت بحركتهم ورحت للطوارئ وحصلت طبيبتي مناوبه من حسن حظي الحمدلله وقررت تسويها لي على طول وماكنت احس بشي وركبولي قسطرة البول وانتم بكرامة وبعد ساعة والله اشتغلت الطلوق وسوتلي فحص ولقت واحد مرة ضاغط على الربط وقالت بس نستناهم يجهزو غرفة العمليات وكنت على اعصابي من الطلق المهم طلبت بنج نصفي وعطونياه تخدر جزئي السفلي وحطو شرشف بيني وبينهم وماشفتهم بس كانت دكتورتي طول الوقت تكلمني وتتطمن علي وحسيتبهم بسم الله عليهم يوم حطوهم على رجولي وقصو حبلهم السري وسمعت صياحهم طلبت اشوفهم قالولي بنقحصهم ونجيبهم لك ماكانو يبون يخوفوني بعدين عرفت انهم بالحضانه والحين الحمدلله البنوته طلعت معي والولد عندهم بس تتحسن رضاعته بيطلعونه ان شاء الله تعالى وفي البدايه كان الم يدوب اقدر اقوم واجلس حتى الحمام كان صعب علي بس الحين تحسنت الحمدلله والله الطبيعي اسهل بكثير العملية مؤلمة يالله الحمدلله على السلامة وهذي حور معي عقبال مافرح بطلعة ريان يارب دعواتك وانقلي للبنات الاكشن حقي وهاليومين اعذروني بناتي بالمدارس وحور والسهر معها وزيارات ريان بالمستشفى يعني بتكون دخلاتي للتجمع قليل انا اتفرج من الجوال