تجمع رعاية المولود من شهر 4 إلى شهر 6

[اموووووول]

اليوم طعمت ولدي تطعيمة 4 شهووووور
وقاست الدكتوره وزنه قالت لي وزنه 5 ونص
قالت لي وزنه نازل المفروض في هالعمر وزنه يكون 6ونص
علما اني اول ماولدته قالوا لي وزنه كيلوين و6

[يارحيم]

هلا هلا بالاحباب.. كيفك زنوبا وحشتينا يختي.. اجل نور صار عنده صديق ماشالله :) الله يكتب لك الاجر على قومتك فيها..

طعمتي ولدك تطعيمة خمس شهور؟ زي مافهمت منك بالسويد تطعيمة شهر وثلاث وخمس مو زينا اعدادنا زوجيه واذكر كنتي ناوية بعد تطعمية خمس شهور تروحين لاهلك.. الله يسهل دربك عاد اهلك شكلهم مابعد شافو البيبي بينهبلون لو مارحتي.. انا نفس الشي مابعد احد من اهلي ولا اهل زوجي شاف ولدي وان شالله رحلتنا قريبه والكل بيموت ويشوفه حسيت ولدي مسوي ضجة ههههههه بس مرة مرة مرة شايله هم الرحله لانها طويييله والتوقيت بالضبط عكس توقيتنا وبينحاس نوم ولدي وبيحوسني ويبهذلني هذا غير ان الضغط بالطيارة بيتعبه ولازم اعطيه مسكن.. ياربي سهل امر هالرحله صايرة كابوس الا ربع..

وبعد يومين تطعيمة خلودي برضه شايله همها شوي لانه بكا كثير بتطعيمة شهرين وانا قلبي حنين ابكي معه ما اتحمل :(

بالنسبه للترويش كل احد له طريقته من ناحيتي ماحب اروش كل يوم وولدي ابد ما تطلع له ريحه.. لما كان مرة صغير وماقدر اشيله براحه لاني اخاف كنت احممه مرة بالاسبوع وكانت احيانا تطلع له ريحه بفروة راسه بس بعد ما كبر شوي وصرت اشيله واحممه بسهوله صرت احممه كل يومين او ثلاث ايام والحمدلله ماتطلع فيه ريحه ابد واساسا كل يوم لازم اغسله منطقة الحفاظ بالمويه مرتين او ثلاث مرات وبالمرة اغسله يدينه ورجوله فالحمدلله دايم نظيف :)

[يارحيم]

المشاركة الأصلية كتبت بواسطة اموووووول

اليوم طعمت ولدي تطعيمة 4 شهووووور
وقاست الدكتوره وزنه قالت لي وزنه 5 ونص
قالت لي وزنه نازل المفروض في هالعمر وزنه يكون 6ونص
علما اني اول ماولدته قالوا لي وزنه كيلوين و6

يمكن لان ولدك انولد صغير عشان كذا وزنه للحين اقل من العادي.. بما انه يرضع طبيعي ما شاء الله ماعليه خوف وياخذ اللي يكفيه اصبري شهرين واذا بدا ياكل تزين صحته ويزيد وزنه باذن الله.. ولو ما زاد عادي ترا كل طفل يختلف عن الثاني وفيه بعضهم تكون صحتهم مرة زينه وهم صغار واذا كبرو يصيرون نحاف والعكس بعد.. انا كنت مرة صغيرة لما كنت طفله وتعبت امي مرة وشوفيني الحين ريجيمات ومو ملحقه هههههه..

[يارحيم]

المشاركة الأصلية كتبت بواسطة mishael

اهللين بناتت
ريحانه انا اعطيها بطانيتها واقعد اراقبها لان تحب تلعب غميمه فيها وبالنسبه لترويش اسوي زيك وعادي عندها بس ماتبي اغسل شعرها تجنننننيي وتصير تبكي وتصارخ

زيينب اهلا وسهلا وحمدالله علئ سلامت قريبتك ومبروووك ماجابة والله يااجرك ويعافيك على قومتك فيها
بالنسبه للكرسي اللي شريتيه لنور الله يحفظه احنا نسميها مشايه وانا كنت بشتريها لبنتي بس كان عندي مراجعه وسألت الدكتور قالي فعمرها هذا ماتحطينها اكثر من نص ساعه باليوم او ممكن تقسمينها لخمس دقايق فاليوم يعني كل فتره باليوم تجلسينها همس دقايق لانها لسى صغيره ممكن تسبب خلع بالورك
،،
عييش الحياااة ابدئي دخلي لها الاكل اعطيها سيريلاك وبطاطس وغمسيلها صامولي بمرق يمكن بدة تمل من الحليب انا والله من عطيت بنتي الصناعي الحمدالله زانت صحتها شوي وبدية اغذيها لان احسها تمل من الحليب

مرة لفت نظري كلامك عن المشايه!! اساسا هنا بكندا ماتحصلينها الا بصعوبه ومايشجعون عليها ابد و توقعت انها مضرة عشان كذا ما تنباع بس ماكنت ادري ليه.. طلعت تضر الورك اذا طول الطفل فيها سبحان الله.. شكلي مارح اشتريها خير شر خليه يحبي على الارض وبس..

وكيف بنتك مع الصناعي؟ متقبلته؟ وان شالله وحمتها ما كبرت ولا تعبتها زود؟؟ انا بديت اعطي ولدي الصناعي ومو متقبلللله ابدددد.. مع اني قد عطيته لما كان عمره شهر فتره ووقفت وكان عادي.. اما الحين هبل فيني وما يشربه الا اذا كان نايم.. الله يستر لا يوهقني ناويه افطمه بعد شهر او شهرين عشان كذا بديت ادخله الصناعي بالتدريج..

[Mishael]

هلا والله ام خالد بالنسبه لتطعيمه الثانيه اخاف من اللي قبلها بكثيييررر سبحان الله انا بنتي اللي قبل ماتت وموتتني صياح معها بس هذي صاحت بلحظته وسكتت بنفس المستشفى واول مارجعت البيت عطيتها مسكن وسويت لها كمدات دافيه لمدة ثلاث ايام مع ذالك ورمة شوي
،،
المشايه انا ناويه اشتريها لريوم بس لما تدخل الشهر الثامن ولو ساعه باليوم توسع صدرها وابي لها وحده خفييفه
،،
ترا الصناعي بنتي بالبدايه جننتني بعدين قالت لي ام زوجي لفيها فبطانيه خفيفه وحطي مع الحليب شوي سكر ويكون دااافي وهزيها فعلن بالبدايه تعبتني وصرت اعطيها شوي شوي بالبدايه واللحين عادي مو لازم الفها فبطانيه لانها تعودة ،، بالبدايه ورمة شفتها ويوم غيرة الرضعه لافنت تقبلت وقدرة ترضع الحمدالله ،،
انتي حاولي لانه لازم يكون غذائك متكاااامل ،،
،،
عيووووش كذا صعبه ياعمري بتنهري بنوتك طيب انتي تعطينها فيتامين يعوض النقص

[Mishael]

اليوم بروح اخرم اذان بنتي مرررره خااايفه واللي مخوفني اكثر ابوها مايدري لانه رااافض مايبيها تتألم بروح مع اخوي طاقتني الروعه من الصبح

[اموووووول]

الف شكر لك حبيبتي يارحيم ع الرد
وحتى انا توقعت انه كذا لانه انولد صغير
ولاني ماكملت التاسع اخذت بس 5ايام منه
وعلى طاري الريجيمات ههههههه مثل حالتي ابغي انحف مع انه اكلي قليل مدري ليش بسرعه يزيد وزني

[Mishael]

اهلين امول يااهلا وسهلا فيك بينا ،، تقريبا انا ولدة بنتي مثلك بس اخذة عشر ايام من التاسع
بنتي كانت هلكااانه ونحييفه بس بعد مابديت اعطيها الصناعي واعطيها اكل خضار وفواكه احسن شوي صحتها ،،
التطعيمه استمري بالكمدات الساخنه لاتورم والمسكن كل ست ساعات ملي

[اموووووول]

المشاركة الأصلية كتبت بواسطة mishael

اهلين امول يااهلا وسهلا فيك بينا ،، تقريبا انا ولدة بنتي مثلك بس اخذة عشر ايام من التاسع
بنتي كانت هلكااانه ونحييفه بس بعد مابديت اعطيها الصناعي واعطيها اكل خضار وفواكه احسن شوي صحتها ،،
التطعيمه استمري بالكمدات الساخنه لاتورم والمسكن كل ست ساعات ملي

هلا ياقلبي
مشكوووره يالغلا ع الرد
وربي يسلم لك الاموره الحلوه ويحفضها من كل شر

[عيش الحياة]

بنات لا تقلقو من الوزن ما دام نمو الطفل طبيعي

مشاعل

تأخرتي ماخرمتي اذن بنتك انا خرمت لبنتي وعمرها عشر ايام تقريبا ولا تألم ولاشي شي بسيط بس