مكتئبة وحزينة

[غادة9]

مساالخير

يا بنات انا عندي مشكلة وبدي نصيحتكم ومشورتكم

انا وامي ما ابنتفق
انا بحبها كتييير وهي روحي بالدنيا وهي كمان حنونه ومنيحه وكل يلي بعرفوها بحبوها وبتحب ولادي وعندها ياهم بالدنيا .. وهي سندي بالحياة لما اولد بروح عندها ولما امرض بروح عندها ولما افطم ولادي بروح عندها ووين ما اطلع بتكون عندي .. بس مشكلتي اني لما يسير خلاف بيني وبينها بزيد بالحكي معها ولساني بكون طويل كاني بحكي مع بنت من جيلي مش مع امي ..
من كم فتره صار بيني وبينها مشكله بسيطه وحلفت يمين ما ارجع لعندها عالبيت وقعدت 3 اسابيع ما انزل _ انا متزوجه بنفس المدينه وبيني وبينها شارع واحنا عادتنا كل اسبوع ابنلتقي ببيت اهلي _ بعدين حكيت الله يخزيك يا بليس هااي امي وما غلطت معي وبدي اروح لعندها . .روحت من اول ربع ساعه رجعنا لنفس الحاله زعل وصراخ وسحبت حالي ورجعت لبيتي وحكيت اكيييد ما رح ارجع لهناك
اليوم اختي ابتحكيلي انه اتصلت امي علييها وابتبكي وزعلانه لاني هيك هاجرتهم وما بروح ولا بتصل .. حكيت ل اختي شو الفايده كل ما نروح بسير زعل خليني انا ببيتي وهي ببيتها وبعيدين عن المشاكل .. خواتي عاتبوني ولاموني ومعهم حق ب انا مش عارفه شو اعمل .. انا بحبها ولو تطلب نور عيني وبقدر اعطيها ياه ما رح قصر بس شو الفايده ما ابنتفق ودايما نقاشاتنا ابتنتهي بزعل ..
هااي المره يلي صار فيها زعل ..انه انا كنت بدي اروح مشوار وميلت على اختي الزغيره هي مش زغيره عمرها 23 سنه بس هي مش متزوجه .. ميلت اخدها بس امي رفضت انه كيف تركب مع زوجي بنفس السياره وانه غلط .. انا زوجي محترم وديين وبخاف الله بس امي ماخده الدين عقد .. قال حرام طيب كيف حرام م أنا موجوده معهم بالسياره ومشوار الطريق يادوب 4 دقايق بالسياره بس امي رفضت وصارت مشكله على هالموضوع ...

[فاغره]

حتى لو غلطت اعتذري هذي امك مهما كان وترا الكبار مو نفس تفكيرنا يعني هي تشوف اشياء ما تصلح تشوفيها تافه والعكس يصير انصحك روحي بوسيها واعتذري مافي زي الام الله لا يحرمنا وجودهم

[اميرة الجوري]

الان حبيبتي روحي لأمك واعتذري لها وبوسي راسها ودائم حطي في بالك لو تضربك ماراح تزعلي ولا تأخذي في خاطرك وتذكري حبها لك ومواقفها معك وزي ماقالت فاغره دائم تفكير الكبار غير عنا عشان كذا دائم سايريها وحاولي تقنعيها بااسلوب حلو
ولمى تحسي النقاش بدا يتطور لزعل قفلي على الموضوع وتعوذي من الشيطان

[سوزان الرياض]

الله يعينك ويهدي النفوس

[غادة9]

المشاركة الأصلية كتبت بواسطة فاغره

حتى لو غلطت اعتذري هذي امك مهما كان وترا الكبار مو نفس تفكيرنا يعني هي تشوف اشياء ما تصلح تشوفيها تافه والعكس يصير انصحك روحي بوسيها واعتذري مافي زي الام الله لا يحرمنا وجودهم

كلامك على عيني وراسي واللهم اميييين الله لا يحرمنا منهم ..المشكله كل مره بحكي اخر مره وكل مره بسير زعل

[غادة9]

المشاركة الأصلية كتبت بواسطة اميرة الجوري

الان حبيبتي روحي لأمك واعتذري لها وبوسي راسها ودائم حطي في بالك لو تضربك ماراح تزعلي ولا تأخذي في خاطرك وتذكري حبها لك ومواقفها معك وزي ماقالت فاغره دائم تفكير الكبار غير عنا عشان كذا دائم سايريها وحاولي تقنعيها بااسلوب حلو
ولمى تحسي النقاش بدا يتطور لزعل قفلي على الموضوع وتعوذي من الشيطان

تسلمي يا اميره وصح كلامك وامي بتمون والله لو شو ما عملت .. بس المشكله انه لساني طويل وبزعلها بالحكي .. :(

[غادة9]

المشاركة الأصلية كتبت بواسطة سوزان الرياض

الله يعينك ويهدي النفوس

يااااااااااااارب ..

[إنبثاقة أمل]

يا قلبي إحمدي ربك إنك حولها وقريبه منها

تخيلي لو انت بغربه

والله لقلبك يتقطع باليوم مية مره ع بعدها

ياقلبي مابنفع هدا بيندرج تحت العقوق الله يرضى عليك انتبهي

هي باب من ابواب الجنه

ضلك زكري حالك بهالشغله

بعدين انت ام تخيلي ابنك والا بنتك يرفعو صوتهم عليك

والله كسرة قلب

تزكري انه هدا كله من الشيطان ومهما قالت امك بدك تحكيلها حاضر حتى لو غلط

هلا هنه محتاجين منا الرحمه

عمرها كبير ومو من السهوله تغيريها وازا ماتغيرت مو مشكلتها لازم تتقبليها بشو ما عملت

امك خايفه ع اختك وهدا من حقها وحرص منها

زوجك هي بتعرف كويس بس اكيد مابتحب ينحكى ع بنتها

خلص رفضت انتهى الموضوع


الله يرضى عليك لاتهجري امك هدي توافه دنيا وعمل الشيطان

ياريتني جنب امي واخدم تحت رجليها وان زعلت ابوس رجليها

[نور حياة زوجي]

ربنا يصلحك ويصلح حالك تبغى نصيحة مني وتوعديني انك ماتتركيها ابدا اول ماتحسي انك حتزعلي امك او حتطولي لسانك عليها قول اعوذ بالله من الشيطان الرجيم وبعدها قولي استغفر الله الذي لا اله الا هو الحي القيوم واتوب اليه وكرريها لحد ماتهدي والله العظيم لها تأثير عجييب وتذكري قوله تعلى( واما ينزغنك من الشيطان نزغ فاستعذ بالله انه هو السميع العليم)هاد الشيطان بدو يسكر عليكي باب من ابواب الجنة برضاها ودعائها لكي وببرك فيها روحي اعتذري من امك وضميها وبوسيها والله العظيم مافي احن من قلبها عليكي

[غادة9]

المشاركة الأصلية كتبت بواسطة إنبثاقة أمل

يا قلبي إحمدي ربك إنك حولها وقريبه منها

تخيلي لو انت بغربه

والله لقلبك يتقطع باليوم مية مره ع بعدها

ياقلبي مابنفع هدا بيندرج تحت العقوق الله يرضى عليك انتبهي

هي باب من ابواب الجنه

ضلك زكري حالك بهالشغله

بعدين انت ام تخيلي ابنك والا بنتك يرفعو صوتهم عليك

والله كسرة قلب

تزكري انه هدا كله من الشيطان ومهما قالت امك بدك تحكيلها حاضر حتى لو غلط

هلا هنه محتاجين منا الرحمه

عمرها كبير ومو من السهوله تغيريها وازا ماتغيرت مو مشكلتها لازم تتقبليها بشو ما عملت

امك خايفه ع اختك وهدا من حقها وحرص منها

زوجك هي بتعرف كويس بس اكيد مابتحب ينحكى ع بنتها

خلص رفضت انتهى الموضوع


الله يرضى عليك لاتهجري امك هدي توافه دنيا وعمل الشيطان

ياريتني جنب امي واخدم تحت رجليها وان زعلت ابوس رجليها

الله يعطيكي ليرضيكي مال وصبيان يارب

كلامك على عيني وراسي والله يخليلك امك وكل احبابك

حاضر انا اروح بكره لعندها والله يبعد عنا وعنكم الهموم والمشاكل