اجهضت في نهاية الشهر السادس يارب عوضني في بنتي

[فروووحه a]

السلام عليكم

اولاً الحمدلله على كل حال قدر الله وماشاءالله فعل
لعلها تكون شفيعة لي ولوالدها في يوم لايكون لنا به حول ولا قوه

في البدايه حابه احكيلكم قصتي
انا بكريه وهذا اول حمل بي
اجهضت في نهاية الشهر السادس الاسبوع 25
اول شي جاني الم فضيع من تحت وعلى طول رحت الدكتور وحكيت له قال احتمال طلق وكتب لي حبوب يوتوبار لتمنع التقلصات والولاده المكبره والحمدلله جلست اسبوع مافيه الم واهملت الحبوب وتركتها
وبعدين صارت تجيني افرازات غريبه مااهتميت لها بس في النهايه لاحظت لونها تغير وصارت تنزل زي الخيط العريض ولونها اصفر مايل للاخضر بس ماكنت اعاني من التهابات الحمدلله ولا احس بحكه ولا ريحه ولا شي
وماقلت للدكتور عن الافرازات لاني قلت يمكن طبيعيه
ومره تفاجات مع الافرازات زي الدم وعلى طول ااصلت على الدكتور ورحت له وكشف لي ع الجنين والنبض والحمدلله كل شي تمام بس قال اشتباه انفصال في المشيمه يعني مو اكيد
وكشف عالرحم وكان مقفل بس قال لازم الراحه التامه واستخدم حبوب اليوتوبار واعطاني حبوب توقف الدم

ورحت للبيت ولازمت الراحه وكنت احس بخركة الجنين
وفي اليوم الثاني ماكنت مرتاحه في النوم كل شوي اتقلب واروح الحمام وللاسف الدم كان مستمر مع الافرازات كان لونه فاتح مخلوط مع شي اصفر
المهم وانا نايمه جاني الام طلق وكان كل بعد 5 دقايق وشكيت انه طلق بالرغم اني بكريه
واستمر الالم صار متواصل
صحيت زوجي من النوم وقتها كان الساعه 6 صبح ودوامات ماكنت اقدر امشي من الالم اتصلنا ع الدكتور مليون مره مايرد كان نايم والعياده مقفله
ورحت للمستشفى وعلى الطواري بس للاسف ماسوولي شي كنت اتالم محد حاس فيني اخذوا مني عينه من تحت وماكشفوا عالرحم قالوا ننتظر الدكتوره حقت نساء وولاده تجي عشان تسويلك سونار والدكتوره تجي الساعه 9 ياالله مو قادره انتظر لان هذا طلق واقولهم طيب اتصلوا ع الدكتوه تجي بس للاسف لاحياة لمن تنادي المشكله انها مستشفى خاص !
ودقوا لي ابرة تسكين الم بس ماسوت شي
ووصارت الساعه 9 وانا اتطلق وفجاه حسيت بشي ينزل وجلست اصرخ محد عندي الا سستر وزوجي كان برا وسمع صراخي ودخل علي وشاف الشي ينزل بالصدف اول ماطلع من الغرفه شاف دكتور نساء وولاده وسحبه للغرفه عندي والدكاتره كلهم تجمعوا عندي وحاول الدكتور يساعدني وطلع الجنين بالكيس بس للاسف كانت ميته ماني مصدقه جلست ابكي وكني فاقده عقلي وكشف علي الدكتور وقال عنق الرحم ضعيف لازم عملية ربط

للحين مو قادره انسى الولاده بس ابكي ونفسيتي زفت ماكنت متوقعه اني بفقدهاا يااارب عوضني باللي فيه خير
للي مروا مثل تجربتي اكيد حاسين فيني من جد وقتها تمنيت اني الحقها هذا اول حمل لي وحسيت بالامومه
بالرغم اني ماشفتها بس لمحتها اول ماشالوها يااارب عوضني


متخوفه المشكله تتكرر مين مرت باللي صار لي وعملت عملية ربط ؟
وهل استمر حملها طبيعي مع الربط؟

وانا حابه احمل على طول بعد الاربعين او بعد شهر عادي مايأثر ؟!
اذا ربي اكرمني ان شاءالله

اسفه طولت عليكم
دعواتكم ربي يعوضني بالحمل السليم القريب

[فروووحه a]

نسيت اقولكم وقتهاا كنت متوحمه عالحلويات والسكريات واكلت التمر وكثرت منه ومن بعدهاا صار يجيني الم الطلق لان ممكن هو يكون السبب اللي ساعد على فتح الرحم

انتبههههوا لاتاكلون تمر في الحمل لاني كنت اسمع انه يساعد عالولاده ويفتح الرحم بس ماصدقت

[غربة أعياد]

الله يعوضك خير حبيبتي ويجعلها شفيعه لك ولوالدها يارب
وان شاءالله تشوفونها من عصافير الجنه
والله يعوضك بالحمل السليم وتفرحين بشوفة أولادك وينسونك حزنك يارب

[~قموووره~]

ياقلبي الحمدلله على كل حال بإذن الله شفيعه لك ولابوها بيوم القيامه
كويس نبهتيني عالتمر لانه صارلي كم يوم آكل فيه .....و في ناس تقول عادي مايسوي شي وناس تقول يسبب طلق فالأفضل ابعد عنه
عسى الله يعوضك بالحمل السليم عاحلا غير آجل ياااااااااااااارب

[أم تسنيم2013]

لاحول ولا قوة الا بالله
الله يعوضك خير حبيبتي
لله ما اعطى ولله ما اخذ
ان شأء الله بتشفعلك بيوم القيامة يارب
وانت عسى الله يعوضك الشهر الجأي انه على ذلك قدير وبالاجأبة جدير ونعم المولى ونعم النصير

[nanarose]

الله يعوضك اختي المهم سلامتك وربي يرزقك بالدرية الصالحة

[آتعب انا..]

الحمدلله ع السلامه ي قلبي
والله يعوضك عاجلا غيير آجلا..

[احاسيس مبدعه]

الله يعوضك يارررب والحمد الله على سلامتك وان شاء الله تحملي قريب ويثبته لك يارب

[abreel]

الله يعوضك اختي المهم سلامتك وربي يرزقك بالدرية الصالحة

[فلوناا]

يا الله لاحول ولاقوة الا بالله

عورتي قلبي

الله يعوضك يارب ويتمم حملك الجاي على خير ياااارب

و الله يتمم حمل كل بنات المسلمين يارب