ما يتقبل الخضار!!

[يارحيم]

ازيكو يا حلوين؟؟

صراحه جدا جدا متضايقه انهم قفلوا تجمعات عناية الاطفال وفقدتها بالمرة لاني متعوده هناك اكتب للبنات كل يوم وش صار ووش تطورات ولدي وجدا صعب كل ما صار شي ولا سوا حركه كتبت موضوع! خسارتها والله بالذات ان البنات كانو معي من ايام تجمع الحمل وكثير متعودين على بعض :(

المهم موضوع الاكل انا عارفه انه تكرر الاف المرات وكثير بحثت بالمنتدى وقريت بس برضه محتاره.. فوسعو الصدر معاي شوي وفيدوني بتجاربكم..

انا ولدي باقي له اسبوعين ويكمل ست شهور وعشان كذا بديت اليوم اذوقه الاكل عشان يتعود وعلى الست شهور يكون ياكل باذن الله.. اكثر من ام ومنهم امي نصحوني نصيحه اثارت اهتمامي وهي اني ما ابدا بالسريلاك و الفواكه لانها حاليه وبيحبها الطفل وبعد كذا رح يكون صعب يتقبل الخضار.. امي تقول عانيت معاناة خياليه عشان اعودكم على الخضار بعد ما تعلقتو بالسريلاك.. لذلك قررت ابدا بالخضار طبعا مسلوقه ومهروسة من غير اي اضافات زي ماقريت في الكتب ومواقع الاطفال.. سويت اليوم جزر.. سلقتها وهرستها مع شوي موية عشان تصير خفيفه والله لا يوريكم وش سوا ولدي تقلها كلها وشوي ويستفرغ من طعمها!!

انا كنت متوقعه انه مارح يتقبل على طول وانه يبيله جهد بس فجأة بدت تجيني نصايح من نوع ثاني!! قالو لي انه مستحيل الطفل بعد الحليب يتقل خضار ساده!! وبتحاولين وتحاولين بالاخير بتملين!! الافضل اخلطيها مع سريلاك وبعدين ابدي خففي السريلاك شوي شوي وزودي الخضار الين تصير لحالها وغير كذا مارح ياكلها ابد!!

انتم وش رايكم وكيف بديتو بالخضار؟؟ وهل تقبلوها عيالكم ولا تعبتو؟ وهل اصبر واحاول اسبوع او اسبوعين او على طول ابدا اخلط مع سريلاك؟

انتظر تجاربكم بفارغ الصبر :)

[أم البداري]

انا بنتي كملت سنه وشهر وماعطيتها سيريلاك ابدا
بديت اول شي بالبطاطس المسلوقه بالماء وشوية ملح
وكنت اعطيها تفاح مهروس وشوي شوي لين صارت تاكل عادي
وكل اسبوع تجربين نوع خضار عشان لا سمح الله يكون عنده حساسيه

[يارحيم]

مشكورة ام البداري يعني تتوقعين لو استمر بالخضار لحالها شوي شوي يبدا يتقبلها؟ اليوم عطيته مرة ثانيه شوي جزر وهالمرة احسن بلع شوي لكن يوم خلص استفرغ!!

افكر بكرا اجرب بطاطس..

[فوحة الطيب]

انا ولدي له سنه رافض الخضار بالمره ومحتاره مثلك مادري كيف يحبها وياكلها

ان شاءالله نلاقي الحل هنا

[ياهم ربي كبير]

اهلين ام خلودي ، شخبارك وخلودي ؟
فعلا انا لاحظت اقفال مواضيع الدردشات اللي تعودنا عليها من بداية الحمل والولادة .. وماعرف ليش حصل كذا !!!

بالنسبة لسؤالك .. انا ولدي بديت اأكله من عمر اربع شهور ، اشتريت اكل الاربع الشهور خضار وفواكه وصرت اعطيه الخضار في العذا والفواكه في العشا والسريلاك في الصبح ، لكن ما تقبل الحضار فـ وقفتهم واستمريت على السريلاك والفواكه بس مو كل يوم عشان اكون صريحة
لكن بس صار عمره 6 شهور صرت ااكله بشكل يومي .. والخضار برضو مو متقبله ، فسويت عليه حركه عجبته وهي اني امزج عليهم ملعقة صغيرة سكر خلاه يتقبل الطعم ، وللآن اسوي نفس الحركه والحمدلله مستمر على الأكل
فـ انتي حاولي تضيفي قليل من السكر وشوفي لو رح يقبل ولا لا ..
:)
و ربي يخليه لك

[جنون بيبي]

انا بالنسبه لي ولدي ماتقبل ابببببد الخضار كذا فاحط رشه بسيطططه جدا ملح وسار ياكل شوي .. بس خليت يومين بطاطس ويومين جزر وخلطتهم بعدين سوا ..
احس لما خلطت اكثر من نوع خضار مع بعض مع رشه ملح تقبلها اكثر من انو كل نوع لوحده ..
وعالشهر السابع سرت احط شوي رز مصري معاهم
والثامن شوي دجاج

لما كمل السنه سار ياكل من اكلنا عادي :)

السيرلاك خليه عشا
والفواكه بنص اليوم

[يارحيم]

يوه اغلبكم حط اظافات على الاكل :( ما كان ودي استخدم لا ملح ولا سكر لين يكبر شوي!! اليوم رابع يوم من المحاولة (يومين جزر ويومين بطاطس) ومافيه فاااايده يعصب ويتفل ويستفرغ احيانا.. شكلي لو كملت اسبوع وهو على نفس الحال بجرب السريلاك واذا تقبله ابدا اخلطه مع الخضار والشكوى لله.. ولا تتوقعون اخلط رز مصري افضل من السريلاك؟؟

[جنون بيبي]

رز مصري افضل طبعا ..
بس حبيت افيدك ترا دكتورة وادي قالتلي قليل من الملح مايضر ابد ..

بس ماانصحك تحطي سكر ابد

[جنون بيبي]

اقصد ماتحطي سكر والا خلاص بيتعود ع المذاق الحالي فقط
وبيبهذلك اذا كبر

[دلوعة تايسون]

انا رح افيدك بتجربتي مع بنتي من عمرها 4 شهور بديت اذوقها المهم اول شي تبدين اسلقي كوسة وجزر وخلي شوي ملح واهرسيها .. حاولي اول 3 ايام تطعميهياه وبعدين ضيفي مع الجزر والكوسى بطاطا وهرسيهم سوى وكمان خليكي 3 ايام اتطعميهم اياه .. وبعد 3 ايام الثانيه نفس الخلطة واتضيفيلها رز وكلهلم اهرسيهم سوى وضيفيلهم ملح عشاان الطعم وخليكي على هل خلطة لمدة شهر اول ايام عطيه بس الضهر ومن يتعود على الخلطة عطيه الضهر وبالليل يعني غدى وعشى وبعد شهر ابدي اسلقي فخذ دجاج على جنب ومن تعملي الشوربه لما تهرسيها بالخلاط فلسي الدجاج حيصير طعمها يجنن ويحبها اكثر ولما يتعود عليها ابدي غيري بمكان الجزر حطي طماط بدون قشور يصير طعمها اطيب جربي ورجعيلي خبر