دخلت العاشر ومافيه اي الالام ولاده

[ألُف‘]

السلام عليكم ورحمة الله

ابقولكم قصتي وافيدوني

انا نهاية التاسع عندي 16 رمضان
وللحين ماحددت المستشفى اللي ابولد فيه ف كل يوم بمستشفى وكل يوم دكتور ،


اول شئ رحت لمستشفى خاص وكشفت علي من تحت بتاريخ 11 رمضان وقالت ان الرحم مغلق تماما وان الحوض ضيق وانها بتولدني قيصري ، خوفتني ف رحت من عندها ، اليوم اللي بعده نزل علي افراز لونة وردي وسميك توقعت انه سداده الرحم ،
بعدها بتاريخ 14 رحت مستشفى ثاني عام، كشف علي الدكتور وقال لي ان الرحم مفتوح 2 سم وان راس البيبي بدأ ينزل بالحوض واني راح اولد بالكثييييير 16 اخر يوم لي بالتاسع فرحت وتحمست وشديت حيلي ،واليوم الثاني نزل علي افراز احمممر دم صريح ولا عاد نزل مره ثانية وهو قال لي لاني ما احس بالالام لو ما ولدتي تعاليلي بكره ، ورحت من بكره عنده قال لي للحين الرحم 2 سم ، قلتله انو خلاص انا خلصت التاسع عطني طلق صناعي ورفض ،وقال روحي للطوارئ يوم السبت اللي هو اليوم ، ورحت قالت لي مفتوح 2 سم وانتي بكرية يعني ععادي تطولين ، الزبده اني لي معوشره اربع ايام وابغى اووولد بأي طريقة مابي البيبي يكبر ثم يولدوني قيصري او يتبرز او او او من مشاكل الشهر العاشر
المشي تعبت وانا امشي وقررت ماعاد امشي ، الاناناس ذبحنيي حموضة ويحرق فمي ولا فيه اي فايده
مايجيني طلق طوووال الشهر التاسع مجرد نغزات خفيفه باسفل بطني
وش الحل دبروني تعبت والثقل ذابححني ، والدكتور مو راضي يعطيني طلق يولدني ،
تعرفون احد زيي كذا بدون الالام وتولد طبيعي ؟
تعرفون لي حل يجيب لي الطلق ؟
الشئ الوحيد اللي باقي ما جربته الخروع ، لكن مانيب مستسيغه فكرة اني اشربة
افيدوني الله يجزاكم خيير

[♣.Lyaal]

انا سمععت كثييييييييير عن زيت الخروع انو يولد بسررعه ححتى امي تقول من ادخل التاسع كم يوم اشربه ومايعدي اسبوع اﻻ وانا والده
سمي بالله واششربي وانتي مغغمضه وجهزي بعده اي عصير تحبينه لبن عسل اي شي والله يسسهلك
ونشووفك كاتبه لنا قصة وﻻدتك

[يارا محمد1]

...الله يسهل عليك ويقومك بالسلامه انتي والبيبي

[حلوه بعينه]

الله يسهل عليك يارب وتولدين عاجل غير اجل ولاده سهل ميسره ياكريم

[سوسو المزيونه]

انا اعرف ان الحلتيته تجيب طلق بس شميها
حتى يقولون ماتشمينها الا اذا انفتح الرحم لانها تجيب طلق
وزيت الخروع ممتاز هو مخصص للشرب تحصلينه بالعطار
جربي العسل
انا مثلك خلاص بخلص التاسع وماحي بشي ابد
الله ييسر علينا عاجل غير اجل

[سحابة خير~]

الله ييسر لكم الولادة السهلة
مدري الخروع م أفكر أجربه أخاف هع
شمي حلتيته وكثري عسل طبيعي ع الريق وتنقعي بماي دافي

[عروستة]

والله وحده كاتبه جربت الخروع و ذبحها سبب لها اسهال حاد تعبت مررره

هي هينا في ذا القروب كتبتً


و انا ما انصحك فيه انا امس اكلت من مطعم من بره و جاني اسهال طول الليل ذبحني مارتحت في نومتي لين نظف بطني تنظيف تعبت تعبت الم في بطني لا يحتمل

استغفر الله ياربي

[سوسو المزيونه]

انا زوجة اخوي اخذت ملعقه صغيرة خروع و ماشاء الله تقول ولدت على طول من بعد ماشربته
انت امشي و شمي الحلتيته