بنات انا بحاجتكم ساعدوني

[العفيفة]

السلام عليكم ورحمة الله وبركاته

اخواتي انا ما ابى اطول عليكم السالفه

انا عمري 21 سنه
صارلي سنه متزوجه
وزوجي عمره 40 سنه

القصه وما فيها
اني تركت دراستي واتزوجت وسافرت الامارات
ومن اول ما تزوجت وانا بمشاكل ( بسبب مرضي )
لكنه كان في قمه الحب ،الرومانسيه ،الاهتمام ،التقدير

لكن بعد 3 اشهر وبعد ما بلشت اتعالج

صارت مشكله كبيره بيني وبينه بسبب عياله ( عنده 5 عيال ) 3 بنات و2 ولاد )
اكبر وحده بعمري


لكن انا بس اللي ع ذمته

المشكله انو بعد المشكله هذي تغير جدا وكان رح يطلقني

لكني من شده حبه وتعلقي فيه ما قدرت ابعد عنه ،ترجيته افضل معاه

ورجعنا لكنه قالي انا مو مثل اول

لكني ما صدقت وقلت اللي اللي اعطاني اياه وخلاي احبه بجنون مستحيل يغيره

لكنه تغير بشكل كبيييييير


وبعدها ظليت احاول واحاول عشان يرجع يحبني من اول وجديد
لكن عياله ما يبوني اكون معاه



فصارت مشاكل كثيره لاجلهم
مع اني ما اريد الا مصلحتهم
واللي اشتريه لي اشتريلهم معاي



لكنن استمرينا لين حملت وانا الحين بالشهر الخامس

واستمر بعدم حبه

مستعد يقدم كل واجباته وما يقصر فيني ابدا

لكني مو محتاجه غير انه يحبني


لكن في يوم طلب مني ابعد عنه مده لانه تعبان

وبعدت وفضلت طول الوقت بغرفتي ما انزل الا اذا كان يبي غدا او اي شي بكون موجوده

وفضلت لمده اسبوعين ع الحال اللي يباه بكون موجوده

لكني ما اضغط عليه ولا افضل بجنبه ع طول


ومع ذلك امس يقولي انا إيإست منك

تخيلوووااااا

قلت له ليش طيب
انا شو مسويه لك
طلبت ابعد وبعدت

انا شو اسوي اكثر من هيك
ابعدت بخيري وبشري مثل ما طلبت عشان لا اضغطك او انك تكرهني بزياده

وبالاخير تقولي الكلمه

ليش

ما طاع يرد

قالي انا ما عندي كلام

قلت له حرام عليك تجرحني وانا مو مؤذيتك

وطلعت غرفتي وقعدت ابكي لين دخل الغرفه
ومع ذلك ما اهتم ولا اكني مجروحه او ابكي جنبه

مش مهتم فيني بشكل كامل

مدري شو السبب


لكني المره هذي خلااااص حاسه انو انا من داخل ما عدت احبه
احسه انو صار عادي بالنسبه لي

احس اني مو حاب اجلس معاه
او اكلمه او اتناقش معاااه


مدري شو اسوي بنات

ابي اعيش معاه لانو فيه ولد بينا
ومو حابه اكمل معاه
لانه ما يحبني ولا مهتم فيني

شو اسوي بناااااااااات

والله تعبت من الوضع اللي انا فيه
ساعدوني

[ميمي 17]

حبيبتي ليش انتي شو خاصك كبير في السن وعندو عيال ومتكبر ياالله حرام ذل الله من ذل نفسه

[سهام فرنسا]

حبيبتي انت صغيرة ماشاء الله و الدنيا قدامك ليش تزوجتي واحد أكبر منك ضعف عمرك و كمان متزوج و عندو 5 عيال ماشاء الله
انا ماعم حاسبك بس هذا الشي كان لازم تحطيه ببالك قبل الزواج لان الرجال مو مراهق هو خلاص بالغ و عدى سن اللعب و اللهو و حتى الرومنسية يمكن هو عم يشوفها تضييع وقت وانت بماانك صغيرة و محتاجة حنانا بتشوفيها شئ أساسي
لهيك انا اللي بدي أقولك ياه أنو إذا تغير عليك فهذا شيئ عادي لان الرجال كبير عليك و تفكيرة مومثل تفكيرك مطلقا و انا من رايي بما انك حامل أصبري ماتتهوري يمكن يتغير معك إن شاء الله لما يشوف إبنو
و الله يسخرلك زوجك و يوفقك إن شاء الله

[مرهفة الإحساس]

انا مع كلام اختي سهام فرنسا
صراحه حرام عليكي اللي سويتيه بنفسك من زواجك من واحد سنه كبيره وانتي لسا باول حياتك لا وكمان عنده عيال
اله ييسرلك الحال يارب

[الأمورة سوس]

كلام سهام فرنسا بصميم لاتزعل لكن هذا الحقيقة المره
تحمل و تغيري بالي يحبه يمكن يرجع يحبك زي قبل حاولي
و اذا يأست منه قدامك العمر حبيبتي سنك صغييير و الله يرزقك إلي يحبك

[العفيفة]

المشاركة الأصلية كتبت بواسطة ميمي 17

حبيبتي ليش انتي شو خاصك كبير في السن وعندو عيال ومتكبر ياالله حرام ذل الله من ذل نفسه

حياتي العمر مو مهم
هو انسان يخاف الله ومتدين وجدا زين معاي

لكنه بعد المشكله اللي صارت ما عاد مثل اول
كان يحاول لكنه قالي انا ما اقدر ارجع مثل اول

لكني فضلت معاه لاجل اني احبه بجنون وقلت رح يتغير معاي

هو يعاملني بكل طيبه وبكل احترام

لكني احتاج حبه واهتمامه




وصدقيني لا هو متكبرولا شي

عساه ينحفظ ويرده لي

[العفيفة]

المشاركة الأصلية كتبت بواسطة سهام فرنسا

حبيبتي انت صغيرة ماشاء الله و الدنيا قدامك ليش تزوجتي واحد أكبر منك ضعف عمرك و كمان متزوج و عندو 5 عيال ماشاء الله
انا ماعم حاسبك بس هذا الشي كان لازم تحطيه ببالك قبل الزواج لان الرجال مو مراهق هو خلاص بالغ و عدى سن اللعب و اللهو و حتى الرومنسية يمكن هو عم يشوفها تضييع وقت وانت بماانك صغيرة و محتاجة حنانا بتشوفيها شئ أساسي
لهيك انا اللي بدي أقولك ياه أنو إذا تغير عليك فهذا شيئ عادي لان الرجال كبير عليك و تفكيرة مومثل تفكيرك مطلقا و انا من رايي بما انك حامل أصبري ماتتهوري يمكن يتغير معك إن شاء الله لما يشوف إبنو
و الله يسخرلك زوجك و يوفقك إن شاء الله

حياتي سهام

كلامج فيه منه صحيح
هو انسان جدا واعي ومتفهم وراقي التفكير واهم شي انه انسان يخاف الله

وصدقيني لولا انه من نصيبي والله اراد اللي الخير معاه ما تزوجته


هو اللي غيره يقول بسبب كنت مععاه جدا متعلقه
يعني كنت مقيديته

وغير جي هو تعبان لحد اللان بسبب مرضي
وقول اخاف يصيرلج شي



لكن انا صغيره وجد مو قادره افهمه

المشكله يمكن اني انا اضغط عليه ومقيديته

لكنه

امس حاولت اني احل الموضوع واخبره اذا احنا ما نقدر نكمل مع بعض خلاص كل واحد بطريق

لكنه كان يرفض وقال ما رح اطلقج
واتعوذي من الله

واقوله انت ما تحبني ولا عدت تهتم فيني ف خلاص مافي داعي نفضل مع بعض

ما رد علي

وفضلت اتكلم معاه لين الساعه5 الصبح

اخر شي طلعنا انام الغرفه

فما شفت نفسي غير حضنيته بشده
وهو نفس الشي ويقول يا بنت الحلال انا احبج واقدرج واهتم فيج

وعمره ما صار بيناه مشكله
كل المشاكل ما تخصنا

فانتي انسي الكل واهتمي بريلج بس

انت طيبه وزينه وتحبيني

شيلي الافكار من راسج وما يهمج حدا غير زوجج


قلته انا مستعده لكن اباك ترجع تحبني وتهتم فيني


قالي والله احبج بس انتي كبري مخج

وانحلت الامور

ومن امس وهو يقولي احبج
ويسالني عن نفسيتي واحوالي

اتمني انه يرجع يحبني




لكني بحاجه انكم تعطوني طرق اني اقدر اسعده ع طول

[العفيفة]

المشاركة الأصلية كتبت بواسطة مرهفة الإحساس

انا مع كلام اختي سهام فرنسا
صراحه حرام عليكي اللي سويتيه بنفسك من زواجك من واحد سنه كبيره وانتي لسا باول حياتك لا وكمان عنده عيال
اله ييسرلك الحال يارب

صدقوني العمر مو كل شي

ممكن اني اتزوج انسان صغير وما يكون زين

هو صحيح انه كبير
لكن اهم شي انه يعرف الله ويخاف الله فيني
واهم شي انه يعلمني ويعرفني ع اشياء ما كنت اعرفها وكلها بالدين ولاخرتي

انا اللي عندي هو

ابي طرق اني اسعده

[العفيفة]

المشاركة الأصلية كتبت بواسطة الأمورة سوس

كلام سهام فرنسا بصميم لاتزعل لكن هذا الحقيقة المره
تحمل و تغيري بالي يحبه يمكن يرجع يحبك زي قبل حاولي
و اذا يأست منه قدامك العمر حبيبتي سنك صغييير و الله يرزقك إلي يحبك

فديتج حياتي

تسلمون ع مواساتكم


وان شاء الله الله يجمعنا انا وياه بالدنيا والاخره
ويسعدنا يا رب

ويا رب يهدني ويكبر عقلي

[أسيرة زوجي]

حبيبتي المرض مو عيب
كيف يصير ما يحبك مجرد انك تمرضي

اكثري الاستغفار بنية استقرار الوضع بينك و بين زوجك
و ادعي في صلاتك

مافيه شيء احسن من الدعاء

و اكيد لما تولدي و يشوف ابنه راح يرجع مثل اول

الله ييسرلك امرك و يسخر لك زوجك يا رب