مغص في الشهر الثالث مثل مغص الدورة هل طبيعي

[نوني الحلوة]

مغص في الشهر الثالث مثل مغص الدورة هل طبيعي
مغص في الشهر الثالث مثل مغص الدورة هل طبيعي


السلام عليكم
انا حامل في الشهر الثالث ومن امس بالليل معي مغص يروح ويرجع
كأنه مغص دوره هل هذا الشيء طبيعي ولا اروح الدكتوره

الله يوفق اللي تطمني ويسعدها

[noora88]

وعليكم السلام
اذا مغص خفيف ومب مستمر يعني مثلا تحسين فيه بشكل خفيف يعني بدون الم ( مثل شعور انه الدوره قربت )
ف هالشي طبيعي

لكن اذا الم غير محتمل ومستمر احسن تروحين المستشفى

[جونة]

لما يجيكيً الالم ريحي تماما وقولي لا اله الا انت سبحانك اني كنت من الظالمين الين ما يروح
واذا كان قوي روحي اكشفي

[نوني الحلوة]

المشاركة الأصلية كتبت بواسطة حياتي توأمي

وعليكم السلام


نوني اشتقنالج
و ماشاء الله مبروووك الحمل والله فرحتلج

الله يثبت حملج حبيبتي ، بخصوص المغص انا مثلج أول مادخلت الثالث كان فيه مغص يروح ويرجع بس كان محتمل يعني مثل مغص الدورة

فانتي اذا مغص خفيف و ماينزل دم هذا المهم يعني أمورج طيبة ، بس اذا لاسمح الله زاد عليج المغص لازم تكشفين عند الدكتورة

والأفضل تقولي للدكتورة تعطيج مثبتات دوفاستون اذا ماكنتي تاخذينه

بالتوفيق

هلا بك حبيبتي تشتاق لك العافيه

الله يبارك فيك
الحمدلله أموري تمام بس مازال المغص معي ع خفيف ورحت الدكتوره قالت كل شيء بخير ؛؛؛ بس اذا زاد الالم لازم اعطيك ابر مثبته ؛؛ الله يعين وانا استخدم دفاستون وتحاميل لاني طبيعة حملي مايثبت الشهور الاولى الا بفضل الله ثم الاسبرين والمثبتات ؛ لانه سبق لي الاجهاض

ماشاء الله اتذكر قبل كم سنه كنتي حامل معي ع مااظن

الله يتمم علينا يارب وع كل الحوامل .