تجمع الحوامل الاتي سيلدن في ذو الحجة

[نسمة الورد]

مرومه وبوح المشاعر
الله يبارك فيك

[بوح المشاعر]

حامل الله يأجــــــــرنا

الله يسعد روحك ويحفظ لك غاليك
لا انا عندي طفل عمره سنتين وكم شهر 00يعني ممداني انسى الولاده وتفاصيلها لا عااد الكشف الداخلي (ولاده بحد ذاته)
واذا على ابو الشبااااب هههههههههههاي (تعقد برنامجه مزحوم وصرت من ضمن البرنامج)
وربي يعطيك العافيه ويرزقك مبتغاك على كلامك لي
يأخيتي انا ماعندي غير هالتجمع أحس أني بكريه ماعندي احد أخذ واعطي معه عن شبح الولاده(أمي تعبانه ويالله بحالها00وأختي اللي متزوجه لها 6 سنوات باقي مأخلفت )
الله يرزقها ويرزق كل محرومه ويفرح قلبهم بطفل يضموووووووونه
0000000000000

[بوح المشاعر]

تراتيل

انتي ولدتي بطلق صنااااعي
حطوه لك بالمغذي او تحاميل
هل الرحم مقفل وقتها

ياليت تفيدينا يالبي

[نسمة الورد]

يارب يهون ع كل حامل الولاده تعب بس لما
نشوف البيبي ننسى كل التعب

[اموورة وكتكوتة]

ماشاء الله يا بنات خلص شهر ذو الحجة ونحن لسة ما ولدنا ما انتبهتو ا

كل سنة وانتو طيبين باقي يومين وندخل بالسنة الجديدة ان شاء الله

مرررااا تعبت مرراا مالي قادرة ربي يسهلي الولادة ويسهلكم جميعا حبيباتي

[تراتيل]

لا يابعدهم انا رحت يوم نزلت على قولتهم السداده اللي بالرحم نزل معي مثل الافرازات معها دم وانتي بكرامه

اتذكر نزلت الصبح على الساعه 6

رحت المستشفى وكان الرحم مفتوح بس 2 سم وقالت تبين تتنومين ولا تطلعين على مسؤوليتك

فنوموني وطول الوقت يسوون تخطيط لانه ماعاد تحرك ..

يوم جا الفجر يوم السبت كشفوا علي لقوه مفتوح بس 4 سم

وقالت روحي افطري وتعالي لغرفة الولاده ان مافتح اكثر طلق صناعي

الموهيم من الساعه اربع الفجر وانا امشي بالاسياب والله اني امشي وبطني مرررره يعورني

لدرجة اني انحني واتمسك بالجدار ومع ذلك كملت مشي

على الساعه سبع ونص فطرت وما انسى وحده كانت جنبي الله يجزاها خير ويخليها لعيالها

عطتني تمر قالت كليه ترا التمر زين يسهل الولاده عاد انا دبوووج بكريه وماعندي احد

وخايفه وخانقتني العبره .. وعلى قولتهم كلش جايب جهده

افطرت ودرعمت لغرفة الولاده اول شي سوو تخطيط خبطوا بطني يبونه يتحرك ماتحرك

بس الحمدلله فيه نبض من الساعه 8 ونص الصباح ناطليني على السرير والطلوق عقبها تجي وتروح

والله العظيم اني ماحسيت بالم في بطني لكن فالظهر الله وكيلكم احسه بينقسم نصين

لدرجة من قوة الطلق ارفع جسمي من السرير .. واقولوهم ولدوني يقولون للحين مافتح الا 6سم

وعلى هالحال الى الساعه 11 الا ربع عقبها حسيت شي بيطلع مني

طبعا هم سافهيني خلوني على السرير وصكوا الستاره وراحوا

يوم جا الجد صرت انادي تعالوا ترا فيه بيطلع

خخخخخ ..طبعا وبما انه مستشفى لازم يحسرون فالمريض

يوم جت 11 وربع ولدت ...

وترا اللي اخر ولادتي انه الجنين طار فوووق صار ناشب في جنبي

يعني طول الثامن والتاسع لحد اخر اسبوع كان تحت نازل فالحوض

يوم جا اخر اسبوع من التاسع طااار سبحان الله

علشان كيذا انتبهوا تعلمون احد لين سالكم هو تحت ولا فوق قولوا ماندري

الموهيم وترا الحاله النفسيه لها دووور انا ماتعبني الا الدكتوره اللي كشفت علي وكانت بتولدني

يوم شافت وليدي طاير فوووق قالت اسفه ما اقدر اولدها ولادتها بتتعسر

ومن عقبها وانا ضايق صدري حسبي الله ونعم الوكيل

بس كل شي خيره ولدني دكتور استشاري ممتاز وربي هون عي وجبت احسن واطلق ولد بالدنيا هع

بس يابنات عليكم بالدعا والله اني وانا امشي كنت اقرا الورد حق تسهيل الولاده

احفظيه بالجوال في ورقه اي شي اهم حاجه اقرووووه

وان شاء الله ماتحتاجون طلق ولا عمليه

والله العظيم اني ادعي لكم من قلب واعتبركم خوات لي مع اني ماعرفكم بس حبيتكم

الله يهون عليكم يارب ويسهل ولادتكم ويفرح نظرتكم

[بوح المشاعر]

الله يسعدك تراتيل
ويحفظ لك ولدك وأبوها
ويسخرهم لك ويجعلهم من عياده الله الصالحين
وعقبااااااال ماتفرحي بأخواه او أخته نونو جديد هههههههههههههههههههههه

[بوح المشاعر]

أن شاء الله أن مأجورين
وربي راح يعطينا لى قد صبرنا ونياتنا
صحيح الولاده صعبه حتى لو كانت سهله تعب تسع شهور مو بسيط
بس من تشوفي عندك أطفااااااااال
تنسي كل شي
وهذا دور الام مستحيل ترتاااااااح لمين تشوفهم يكبرونا
يعني من هم الى هم
الله يعينا على تربيتهم ونسعد بصلأحهم
يارررررررررب

[بوح المشاعر]

هلا بك أموووووووره
باقي يومين صحيح
بس ان شاء الله تتيسر امورنا حتى لو دخلنا محرم اهم شي صحتنا وصحة النونو
كل تأخيـــــــــــــره فيها خيره

0000000000000000000000
وأن شاء الله يكون هذا العاام عام صلاح وخير للامه الاسلاميه
اللهم أرزق كل محرومه
وأشفي كل مريض
ويسر كل ضيقه
وأجعل هذا العام عام صحه وعافيه ورزق وبركه
اللهم أمــــــــــــــــــين

[تراتيل]

تدرين بوووح استانست ان اول طفل صار ولد علشان زوجي

بس انا عن نفسي كنت اتمنى بنيه

وبيني وبينك سبحان الله اذا شفتي المولود بحضنك تنبسطين وتنسين التعب

واذا مر كم يوم على الولاده تقولين ان شاء الله بجيب له اخت

هع هع هع

الله يهون عليكم يارب

والله اني اذا شفت وليدي احمد ربي اقول الحمدلله انه كامل لا معاق ولا ناقص يد ولا رجل

يارب لك الحمد والشكر على تمام النعمه والعافيه