عندي بنوتين واليوم عرفت جنس البيبي باركولي

[نور حياة زوجي]

كيفكم حبيباااااتي بما أنه لي فترة طووووويلة ما شاركت بموضوع حبيت اشاركم اليوم اخباري..أنا الحمد لله ربي أكرمني ببنتين والله عمري في حياتي ما فكرت ابغى بنت او ولد كنت استغرب لمن يسألوني نفسك في بنت او ولد كنت أقول كلهم خير وبركة لأنه بجد.ما كان عندي اي ميول لبنت أو ولد جبت أول بنوتة وطررررررنا فرح بالذات أهل زوجي لانه ما عندهم بنات وجات بعد تأخير واجهاض مرتين وبعد سنة الحمد لله حملت وجبت بنوتة وجدا فرحت فيها لأنه حتكون اخت لبنتي وعمرهم قريب من بعض ولا للحظة فكرت في ولد لأنه قلت اللي فيه خير ربي حيكرمني فيه وهذه هبة.من الله كيف الإنسان يزعل من هبة الله ...بعدها قررنا نسوي مانع لحد ما يكبرو بناتي وربي أراد أحمل بعد سنة والحمد لله على نعمته وخلال ها الأشهر كنت ادعي كثير بالولد لأنه فكرت أوقف لأجل غير مسمى لأنه تعبت خاصة ولاداتي قيصري ..سبحان الله حبيباتي كنت كل ما ادعي ازداد رااااحة وسكون ويقين بأنه إذا كان ولد فهو خير وإذا كان بنت في خير وخير وخير لأنه هذه خيرة الله لي كنت اسمع تعليقات الناس يارب ولد يارب ولد وانا اقول كلهم خير وبركة والتزم الصمت والدعاء في الخفاء يا الله قد إيش كنت مرتااااحة مع ربي وأما موقف زوجي فالحمد لله جدا مبسوط بالبنات ومتعلق فيييييهم حتى لمن يطلع مكان ياخذ معاه الصغيرة ويحاول يرتبط فيهم يقول ابغى اكون صديقيهم وأسأله مو نفسك في ولد يقولي الإنسان إذا جاه أولاد يبغى بنت وإذا جاه بنات يبغى ولد او اذا جاني الولد اكيد حفرح وإذا جات البنت اكيد حفرح وحكون راضي المهم اليوم سويت سونار وانا تقريبا نهاية الأسبوع والواحد والعشرين والحمد لله يارب الدكتور قال بنوووتة ..والحمد لله وضعها تمام وبشرني بكل خير والله يا بنات أول ما طلعت من الغرفة لمحت سجادة في استراحة النساء فرشتها وسجدت شكر وحمد لله وقررنا نسميها(لين)

[دلع بنات]

ماشاءالله
الف مبروك حبيبتي ربي يقومك بسلامه وكلهم خير وبركه الولد والبنت اهم شي العافيه

[ام ياسمين*]

مشاء الله عليك عجبني تفكيرك
الف الف مبرووووووووك
وان شا لله تشوفيها في أعلى مراتب

[أم أديب]

ماشااءالله تبارك الله
انتي اكبر مثال للصبر والرضا والقناعه التامه ربي يسعدك
وصحيح الحمدلله البنت والولد كلهم نعمه
اهم شي العافيه وانه يكون سليم
اعرف وحده صاحبتي معها بنتين وحاامل
كانت تدعي يجيها ولد من شدة لهفتها فيه تدعي يكون ولد لو معاق لو مريض
اهم شي ولد
وكنت دايم اهاوشها عيب عليك م يجوز
الله مب عاجز يعطيك ولد سليم معافى ليه ماتدعين انه يعطيك ولد معافى!!
يعني كنها تستهتر مع الله وانه عطني الولد حتى لوكان مريض

وسبحان الله جاها ولد مريض الحين عمره 5 سنين مايمشي فيه ضمور واعاقات
وندمت مره تقول ليتها بنت وسليمه

اعتذر ع الاطاله لكن جت ع بالي القصه وحبيت اذكرها للعظه
والي من الله حياه الله
اهم شي يكون تام الخلقه لازياده ولا نقصان

[ياشمس عمري]

ياقلبي عليكي حبيت الموضوع وحبيت النهايه والقناعه..انا ولله الحمد عندي اولاد ونفسي جدا في بنت وادعي ربي اني اللي ببطني بنت بس مع كذا اللي يجي من الله خير وبركه..

[جنون الحب]

تبارك الله الله يحفظلك بنوتاتك ويقومك بالف سلامه

اللي يجي من الله خير وبركه البنت رحمه للأبوو قبل امها سبحان الله

بس الناس لازم تحسسك بنقص مدري ليش

ذكرتيني بوحده تقول كل مرة اروح افحص الدكتور او الدكتورة يوقفون لي الشاشه على عضو البيبي ويفرحون شوفي ولد حتجيبي ولد تقول لدرجة حسسيت ان بيشيل اسمهم ولدهم مو ولدي خخخخخ الى الان فيه ناس كذا !!
الحمدلله انا حملت بعد 4اجهاضات وولادات مبكرة ربي اكرمني هالحمل يارب لك الحمد ومن لما حملت كنت اقول اللي يجي من ربي خير وبركه هي نعمه كنت احس اني محرومه منها والحين يوم ربي اكرمني اتشرط واسخط؟
حتى زوجي كان احيان مع السوالف يتمنى تكون بنت وانا اقوله لو صار ولد وش بتسوي يقول نعمه الحمدلله بس هو يتمنى لأن يعشق البنوتات بس هم مايكره الأولاد بالأخير الحمدلله على هالنعمه اللي غيرنا الى الان يدفعون دم قلبهم علشان يحققونها اهم شي السلامه والصلاح واللي تجيب بنت بتجيب الولد والعكس ♡_♡

[شاعرة الصمت]

كل من البنات والاولاد نعمة

البنات حب وحنان وعطف والاولاد قوة وسند

ربنا يرزق كل شخص اكثر من ما يتمناه

[" ملاك "]

الله يحفظهم لك ويقر عينك بهم
وش حلات البنات
خالي جاب ثلاث بنات وبعدها ثلاث اولاد
جدتي جابت 3 بنات. بعدها خمس اولاد
الله يقومك بالسلامة ويرزق كل محروم

[عايشه يوسف]

مبروككك والله يقر عينك فيها
ويخلي خواتها حبيت قناعتك ورضاك انتي وزوجك
وفعلن كله خير من ربي ورزق والبنت احن من الولد على اهلها
وفي بعض الازواج الله يهديهم ويصلحهم يحط السبب بحرمته ويهددها بزواج او طلاق لو ماجابت ولد وهو الشي من رب العالمين ثم الجنس ذكر او انثئ من الرجال
والحمد لله علئ نعمه والله يحمد ويشكر ياكثر المستشفيات اللب مليانه مراجعات حق تاخير الحمل يتمنون لو طفل واحد بس
والله يرزقنا باالحمل السليم يارب ويرزق كل محرومه ومحروم

[انامل طفله]

انا تماااااماااااا مثل قصتك
عندي بنتين واللحين حامل
وحماتي بتموووووووت تبا ولد
عيالها الاولاد كلهممم جابوا بنات وما عندنا ولا ولد في البيت
المهم انا للان ما عرفت شو فيني
ومن بدايه حملي وانا اقول للكل احس فيني بنت
والكل يعصب علي بسم الله لا تفاولين اقولهم بنتي
ما تبونها انا ابيييها !
واللحين عاهدت نفسي لو طلعت بنت او ولد
ما راح اخبرهم خلهم يتحرقصون جذي
وانا تدرين لو اييب ١٠ بنات اللهم لك الحمد امووووووووت
ع البنات .. بنتي صف اول داااايما تدارييني وتساعدني
في كل شي ما عمري حسيت بالحب الحقيقي قد ما احسه
من بناتي حب نقي لو اعصب عليهن القاهن يلمني ويعتذرن ويصيحن
مع كلمات حب تطلع من قلبهن .. جد البنات نعمه ورحمه من الله
وهنيييييئا لك الرسول عليه الصلاه والسلام ذكر في حديث
ان لو احسنتي تربيه ٣ بنات تدخلين الجنه
اعذريني ما يحضرني الحديث بس تقدرين تحصلينه ف النت موجود
والله يتمم لج ع خير يا قلبي