دردشة حوامل أهل الدمام - دردشة بنات الدمام - تجمع حوامل مدينة الدمام

[صمتي حكمة]

هلا وغلا بالبنات
اسفة ياحبيباتي للاقطاعي تعرفون العيال والدراسة وابو العيال هو بالحاله زحمة هههههه
شخباركم وعلومكم فديت قلبوبكم انا
فديت خلودي والتفاحة وعذاب العين والجوري والامل حياكم الله وبياكم والله يسهل عليكم يارب
حبيبتي الى تسال عن مستشفى الميناء انا اول مرة اسمع عنة وما عندي فكرة ؟
وانا ولالاداتي عند المواساة الدمام بس الحين بولد عند بروكير الخبر د رنا جمال يمدحونهااا والمستشفى جديد وحلو ومريح....
وبالنسبة للجلابيات الاستقبال عند الغريب اذكر في طرف سوق الدمام حلو مرة
ومع السلامه طولت عليكم @_@

[فديت خلودي]

وين فيه حبيبتي محل الغريب باي جهه بسوق وش المحلات اللي جمبه يعطيك العافيه

[نظرتي كلها امل]

مشكوره اختي ع الرد
غريبه في الدمام اهووو
الا تعرفي لاتبخل علي وترد علي

[نظرتي كلها امل]

يمكن بألآسم هدا احد يعرفه قوى الامن

[احساس هالك]

مساء الخير كروشات

كيفكم؟
اليوم نزلت السوق روحت للهرم شريت كم قميص نعومي وله فتحه من الصدر وشريت ملابس داخليه وروحت للسعر المنافس وشريت قمصان عجبتني اخذت كم واحد
بس انا روحت للسعر المنافس بس عشان اعجبتني قبل اسبوعين بجامه المشكله ماتجي على كروشتي بس قولت بروح اليوم وباخذها وبخليها لين اولد والصدمه مالقيتها وسألت عنها قال خلصت انقهرت لاتضحكون علي انا عشقي البجايم اللي كلها صور مثل علا وميكي وسنوبي اموت عليهم

المهم نرجع لموضوعنا السعر المنافس فيه اشياء حلوه للبيبي واسعاره بعد حلوه كونت بشتري بس زوجي يحب النظام قالي خلصتي اغراضك دحين ؟قولت لابس اللي بيعجبني بشتريه (مسويه دلوعه حدني بشتري اللي يعجبني ) قاله ايه اللي يعجبك من اغراضك مو اغراض البيبي واذا خلصتي من الالف الى الياء نبدا بأغراضه عشان ماتحوسين (قلتلكم مسوي نظامي )بس ماقدرت اقاوم وشريت طقمين اللي تجي كامله صيفيه والوانها حلوه خوفت اخليها وتطير مثل البجامه وتقعد بخاطري

بقولكم القائمه اللي مسويتها لي طبعا شريت من قبل قمصان وبجايم وجلابيه ناعمه بنوتيه وملابس داخليه
نجي للقائمه:

-الصيدليه:

كوتكس+غسول+وفوط للصدر+كلوتات استخدام واحد+كريم مرطب+شامبو+بلسم +كريمات+مناديل معقمه
--------------------------

اغراضي :

2-شبشب +مشد من سنتر بوينت+شرابات +قمصان+جلابيات +بجايم
--------------------------

-اغراض النفاس مااعرفها زين مامي بتسويها لي الله لايحرمني

--------------------------

اغراض البيبي:

3طقم ملابس كامل (بربتوز -صدريه-شرابات يد-شرابات رجلين -قبع-واللبس الخارجي )وبعضها يجي معها لفات قطنيه
-2طقم بربتوز اللي يجي 6 حبات في الواحد-مناشف-3صدريات-3مفرش قطن (مهاد)-3مفارش -مهاد للتقديم

اغراض البيبي من الصيدليه:

3رضاعات احجام-حفائض-شامبو-زيت-بودره-لوشن
-كريم للحفاظات-مقياس حراره-مناديل رطبه-اعواد اذان-فرشة تنظيف الرضاعة-مصاصه-اسفنجة -حليب
-------------------------------

-شنطة المستشفى:

قميص-بجامه-ملابس داخليه-شبشب--شامبو-بلسم -منشفه-مناديل-مشط-معجون اسنان -فرشاة اسنان-مرطب شفايف
-اوراق المستشفى -كرت العائله -شاحن جوال-بنادول-

شنطة البيبي :لبس كامل لوقت الطلعه-لفة -مهاد

اغراض البيبي ناقصه مو؟لانو ماشاء الله تولدين من هنا ترجعين بيتك اليوم الثاني تلقينه مليان اكياس من عمانه وزوجاتهم وعماته نظامهم انو يجيبون اغراض البيبي من ملابس نيو بورن وحوض الاستحمام والهزازه والسرير والمفرش وعربة اطفال حتى من الميانه يقولون لاخوهم انو الغرض الفلاني علي
انا طبعا توني بكريه بس شفت الوضع مع حمواتي هو صح يريحونك من الفره والمصاريف بس ماحبيت لانو احيانا يجيبون اشياء ماتعجبك او حاطه ببالك شي ثاني مثل السرير والمفرش وغيرها بس حطيت ببالي انو بخلي الاشياء فتره واذا حبيت اغير لاحقه ع التغيير
المهم حبايبي انا من الفضاوه نزلت قائمتي الغير مبالغ فيها واذا في شي مهم ونسيته قولولي وأكون شاكره لكم

[فديت خلودي]

الله يهنيك حبيبتي ويسعدك

[لبيه يا انا]

السلام عليكم كيفكم انا بعد عضوه جديده في المنتدي وتوني مسجله اليوم انا من الدمام وحامل بشهر ثامن في نص ثامن

[التفاحه الحلووه]

حبيتي نسيتي تاخذي ربطه للمهاد

[احساس هالك]

ثانكس فديت خلودي
هلا فيك يالبى انا منوره وانا مثلك بالثامن
مشكوره التفاحه الحلووووه جد ماجاببالي الله يعطيك العافيه

[التفاحه الحلووه]

سلام ياحلوين كيفكم اش اخباركم
كيفك فديت خلودي اش مسوبه
فروحه كيفك اش اخبارك
اليوم موعدك ياحلوه طمنيني عنك