دردشة حوامل أهل الرياض - دردشة بنات الرياض - تجمع حوامل الرياض

[eva]

المشاركة الأصلية كتبت بواسطة أنا مسافر

وكمان المروش الي علئ شكل
جلاسة للشهور الأولى للبيبي
غير حقات مذركير
...
والي تعرف محلات جلابيات فخمة
ليوم حفل استقبال المولود تدلني
ابي جلابيات فخمه ولا حصلت
...
كذلك مفرش للبيبي فخم يوم
استقبال المولود مدري وين القا
( القرعاوي والعيسائي ) هذا الي
توصلت لهم تعرفون محلات غيرهم
تكون المفارش فخمه ؟

انتظركم بنااااات الرياض 😘❤😍😍😍

حبيبتي الله يسهل عليك ولادتك يارب
في محل أسمه جلنار للمفارش
أختي مجهزه كانت منه جميل جميل والله
https://www.facebook.com/Jolnaar

[كنزالدنيا]

وش افضل مستشفى العسكري ولا مدينة الملك فهد

[eva]

المشاركة الأصلية كتبت بواسطة كنزالدنيا

وش افضل مستشفى العسكري ولا مدينة الملك فهد

بنسبة لي مستفى العسكري أحسن :)

[شروق الرياض]

المشاركة الأصلية كتبت بواسطة كنزالدنيا

وش افضل مستشفى العسكري ولا مدينة الملك فهد

العسكررري


ابعدي عن مدينة الملك فهد دماااار
دااايم اخطاااء طبيه عندهم

[ام عمار]

السلام عليكم
لو سمحتوا انا اول مرة اتابع في الحرس وان شاء الله اولد هناك
لكن عندي اسئلة
1/اذا رحت وقت الولادة وين يحطوني في غرفة وحدي والا معاي حد "قبل الولادة"
2/البيبي يخلونه في الحضانة طول اليوم والا ينام معايا
3/ايش اجهز في شنطتي وللبيبي احط ملابس كثير والا هم يعطوني لي وللبيبي ايش احتاج بالضبط وايش اللي ماله داعي
4/كم يوم اجلس لو ولدت طبيعي او قيصري
5/مين جربت ابرة الظهر تعور والا لا؟
وفيه الم وقت الولادة والا ماحسيتوا بشئ؟
وكيف كانت حالتكم بعد الولادة والبنج؟
6/فيه مرافق؟
7/كيف الجو بارد والا دافئ داخل المستشفى
ابغى اعرف كل شئ
الله يخليكم

[كنزالدنيا]

طيب العسكري كيف افتح ملف عندهم انا عندي كرت لان زوجي عسكري بس ما عمري استخدمته

[o فرح عمريo]

شاركونا في مسابقاتنا الرائعه

http://forum.hwaml.com/t233221.html#post2913035

http://forum.hwaml.com/t232452.html

[حياه زوجها]

انا مثلك ان شاءالله في العسكري بس ماابغى دكتور ابي دكتوره

من فيكم تعرف افضل دكتوره وقابله للتوليد

[شروق الرياض]

المشاركة الأصلية كتبت بواسطة كنزالدنيا

طيب العسكري كيف افتح ملف عندهم انا عندي كرت لان زوجي عسكري بس ما عمري استخدمته

دام عندك كرت فالمستشفى معناته عندك ملف مفتوح فيه
روحي وخذي موعد على طبيبه عامه فالعيادات الشامله اتوقع العيادات الشامله حقت العسكري اللي عند حي الوزارات هناك عياداتهم
خذي موعد على طبيبه عامه اول شي وقولي انك حامل وتبين تحويل على عيادة النساء والولاده طبعا بتطلب منك تحليل بول ودم
وبعدها بتعطيك نصايح وادويه وفيتامينات وبتعطيك التحويل
اذا خذيتي التحويل روحي للمواعيد وعطيهم التحويل وكرتك وقولي ابي موعد للنسا والولاده بس قبلها اسألي عن احسن دكتوره فالمستشفى لان متابعتك بتكون معها فالعيادات الشامله وقولي ابي موعد عند هالدكتوره فاليوم الفلاني
ووقت الولاده بتروحين المستشفى الكبير عشان تولدين هناك وانتي وحظك تولدك قابله او دكتوره مناوبه

ونصيحه الحقي على عمرك اذا ناويه تولدين عندهم لانو لازم يكون في ملفك من 5 الى 7 زيارات عندهم في قسم النساء والولاده واذا رحتي لهم على الشهر السابع او الثامن صدقيني مايولدونك عندهم
اتمنى اكون افدتك ياقمرررر

[شروق الرياض]

المشاركة الأصلية كتبت بواسطة حياه زوجها

انا مثلك ان شاءالله في العسكري بس ماابغى دكتور ابي دكتوره

من فيكم تعرف افضل دكتوره وقابله للتوليد

بوقت الولاده انتي وحظك اللي بتكون بوقت المناوووبه هي اللي بتولدك
او اذا الدكتورات كلهم مشغولات تولدك قابله
وفالمستشفيات الحكوميه بوقت الولاده مافيه عندهم نظام ابي الدكتوره الفلانيه تولدني والا نادوا لي هذيك الدكتوره ابيها
هالطلبات ماتصير الا فالمستشفيات الخاصه بس
اتمنى اكون افدتك ياقمر