شريت نفسها .. و الفرق في السعر !!

أم الحبايب · 11-16-2011, 02:22 AM

(((((ماشاء الله تبارك الله و لا قوة الا بالله )))))
((نبدا بها اول كل شيء))

السلام عليكم ورحمة الله و بركاته

أ خواتي الكروشات ...
انا رحت الخاسكية و شريت نفس نفس هالدبدوب الصغير اللي شايل بظهره كيس الشوكولاته في الصورة ... كتوزيعات بعد الولادة ( على خير يارب )
نفس اللون و المقاس ( اكبر من قبضة اليد )
و كل كل شي نسسسسخة نفسسسسسسسسه بالضببط (( ذوق ابو العيال الله يطول بعمره ))
..و يوم رجعت البيت قمت ادور في النت على توزيعات الدبدوب عشان اشوف افكار جديدة اضبط فيها توزيعات مولودي باذن الله ... و تفاجأت لما شفت نفس اللي انا شريته لكن !!!! ...
وحدة تبيع 35 حبه يعني ثلاث درازن فقط مع الاستاند والتغليف و الشوكولاته ب 500 ريال

أوك .... الله يبارك لها و يرزقها ..

طيب تدرون انا بكم شريته من الخاسكيه ؟؟؟
شريت الدرزن ب 22 ريال و كان ب 24
و شريت استاند ثلاث ادوار مرتب مرة ب 30

و باقي الشوكولاته ومو لازم تكون غااالية مررة ..

يعني >>>>
مو قصدي اخرب على احد و ربي ...لا بالعكس ... انا أحـيي و احترم كل وحدة تسوي لنفسها مشروع تترزق منه بالحلال .. الله يبارك لها ياارب العالمين ...
بس ودي مبدئيا نحاول نعتمد على انفسنا حتى لو بذلنا بعض الوقت و الجهد
و نوفــرماديا ... حتى لو تعبنا شوي ...
وادري إن كلن بظروفه ...و استطاعته ...و الحياة مشااغل ....
فـإذا ما قدرنا و لا سمحت الظروف ماارح يقصرون الاخوات التاجرات يكفون و يوفووون ...و عندهم كل ما نحتااجه ..
بس ودنا ينزلون الاسعار بحدود المعقول عشان ربي يفتح لهم ابواب الرزق اكثر و اكثر ...

لا حد يزعل مني بليز ..لان هذا رأيي الشخصي ..
و ماكتبت هالموضوع إلا انطلاقا من قول الرسول صلى الله عليه و سلم ( لايؤمن احدكم حتى يحب لاخيه ما يحب لنفسه )

.. و الله يعين و يسهل امورنا كلها يارب العالمين ..

[align=center]ادعوااا لي بالتيسير في المستشفى و العملية و بعدها لاني اتعب جدااا
و الحمد لله دائما و ابدا [/align]...

Leena.A · 11-16-2011, 03:07 AM

الله يقومك بالسلامة حبيبتي .. و ان شاء الله توزعيهم بالعافية و بسلامتك و سلامة البيبي

أتفق معاكي و بشدددددددة .. الغلاء سار مبالغ فيه من بعض التاجرات و البوتيكات الله يهديهم ..

كلها إن كان توزيعات مواليد .. أو مفارش سرر أو مفارش نفاس .. أو فساتين .. أو أو أو ...

سارت تنباع بأسعار مبالغ فيها !! كيف يطلبو البركة من الله ؟؟ البركة تجي بدون تبذير و هما يضطرونا نبذر لما تكون أسعارهم غالية .. و نصرف الفلوس و المبالغ الطائلة في غير أماكنها المناسبة (( صحيح أبغ اشتري و أوجب لكن بسعر مناسب و شغل نضيف و حلو و راقي و يجمل )) فــ كده البركة حتكون بعيدة عن اللي تشتري و عن اللي تبيع !!

أم الحبايب · 11-16-2011, 03:20 AM

الله يجبر قلبك لينا .... رديتي علي و جبرتي خاطري 24 مشاهدة و محد رد علي ...

الله يسعدك اختي ...و يهدي الجميييع ..
كلك ذوووق عزيزتي .... نورتي الحتة ...

دلوعه موت · 11-16-2011, 03:40 AM

زايده في سعرها مره

غلاامي · 11-16-2011, 08:27 AM

بالعكس
سويتي خير جزاك الله خير واساسا انا ناويه اسويها بنفسي ماشتري من احد تحيااتي

أم الحبايب · 11-16-2011, 02:23 PM

لينا : صح لسااانك ..كلامك سليم 100% ... تسلمين يا وخيتي ..
دلوعة : صدقتي زايدة مرة ،و المششكله اللي يشترون مايدرون عن السعر الاصلي ، نورتينا ياقلبي ..
غلا امي : برافو عليك خيتو ، و صدقيني اللي بتسوينه بيطلع احلا من اللي يبيعوونه .. الله يوفقك و يعينك ويسهل امرك ياعسل ...

سلافتي · 11-16-2011, 02:49 PM

حسبي الله ونعم الوكيل حرام عليهم .. انا ما أثق بالتاجرات صدق الناس مو سوى بس افضل اني اشوف الشي بنفسي واحكم على السعر من الشكل

ماروكوو · 11-16-2011, 08:02 PM

انا عندي رقم لثلاثه تاجرات وكلهم مع الاسف مبالغين بالاسعار طلبت 50 حبه بس من اشكال متفرقه من هدايا التوزيع وطلعت الحبه

الي 3 و5 7ومن غير الكاكاو ومع كذا قلت بشوف غيرها وطلعو العن والعن بالاسعار لكن انا الحين بعد الي قريته بمسسسسسسسسسسسسسسح كل ارقامهم من جوالي والله يوفقهم

أم الحبايب · 11-17-2011, 12:49 AM

عزيزتي ماروكو:
. خمسين حبه سهله مقدور عليها لو بتسوينها بنفسك يكون احسسن يا عسولة ... و تتسلين فيها ... بس يبغالك تروحين كم محل تشوفين و تاخذين افكار حسب الموجود و تركبين انتي احلا هدايا لمولودك ..و مولازم تكون شي غالي المهم تكون بسيطة و حلوة ..
انا بولدي الاول شريت اكياس قماش صغيرة فضي مزخرف اللي بربطة من فوق( معروفة طبعا تجي مقاسات و الوان قماش اورقنزا ) و حطيت بكل كيس حبة شوكولاته من محل عادي بس عليها صورة بيبي و معها مجسم صغير مرة من الجبس لنونو سماوي ( خذته بالجمله )..
و بس و حطيتها بسله سماوي .. و ما كلفتني كثير و طلعت حلوة ..
عموما الله يسهل امورك و يعينك و يكتب لك الخير يارب ..

نورتي موضووعي ... و الله يقومك بالسلامة يارب ...

ام شمووخ · 11-17-2011, 08:40 PM

صادقه مررره مبالغه في سعرها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صرخت بحسرتي [يكفي] !!	أ ح ــتواني وأح ــتويته	ملتقى عضوات حوامل	9	01-13-2011 02:51 PM
زيت لجميع مشاكل الشعر التطويل والتنعيم والتالف والمتقصف ومن اول استخدام بتلاحظي الفرق	اطيب قلب بدنيا	منتدى السوق التجاري	5	12-05-2010 01:40 AM
.. خلطه سرية للقضاء على الشيب ..	demoshka	الموضة و الجمال	13	10-22-2010 04:50 PM
صرخة موظفة	دلوعة الورد	ملتقى عضوات حوامل	4	08-21-2010 12:59 AM
صرخة زوج آآآآآآآآآآآآآه فاسمعي يازوجة	ام مالك	منتدى الحياة الأسرية والزوجية	11	06-22-2010 07:34 PM