قررت اتطلق.. رايكم في القرار لاهنتوا

[غلا روحي2011]

بسم الله الرحمن الرحيم

السلام عليكم ورحة الله وبركاته
اخواتي يمكن قريتوا قصتي اللي نزلتها قبل فتره بسيطه وهي ان زوجي يلجاء لبرامج التعارف والدردشات وماهي مره وحده الا مرات انا حاولت بشتى الطرق ارجعه مثل قبل لكن اصحاب السوء اقرب مني للاسف والان هو فالدوام له يومين وبكره بعد لان قايم مكان واحد من اصحابه
ليوم الفجر جاء الا حاط على جواله رمز ماهي عوايده طبعا قبل امس شفت برنامج اخفاء الصور والرساىل والفديوا برقم سري يعني نفتح هالرقم نشوف كل اللي مخفيها حتى جهات اتصال طبعا مسحت البرنامج ورجعه ومسحته واليوم اكتشفت الرمز على الجوال يعني الجوال ككل مع العلم انه عندي فالبيت عالواتس 24 ساعه واول مايطلع من البيت ماينفتح الواتس اش معنى هالكلام ماله الا معنى اللي هوه رجع حمل برامج الدردشه ويستانس مع بنات الحرام

الحين انا لي سنه ونص متزوجه وعندي بنوته وهو صدمني بعد شهرين من زواجي بهالحركات وكل مره يواعدني وانه مو هو ويصرف الحين خلاص تعبت ماعاد فيه ذرة ثقه والثقه اساس الحياه
فكرت اروح لامي واقوله خلاص طلالالالالالالاق انسان خاين ماقدر اعيش معاه واللي قاهرني ماعمره نام بالدوام وهالايام صاير مايجي ابد ولايفكر حتى

الحين ابي رايكم انا اذا تطلقت باسس نفسي بنفسي الرجال جاني منهم عقده والله لو تشوفون حالي كيف لكن حسبي الله لا اله الا هو عليه توكلت رب العرش العظيم

رايكم ؟؟

[om aseel]

حبيبه قلبي الله يهديكِ ويهدي لك زوجك يارب


فكرى فى بنتك قبل ماتفكرى فيه هو وبعدين مين هاينصحك بالطلاق

لاقدر الله


ادعيله بالهداية وخلى ثقتك بالله كبيرة انه هايهديه ويرجع لعقله ووبفكر فى بيته وزوجته وبنته ..|||~

[سمية سوما]

لا حبيبتي الا الطلاق ماعليش اصبري
وادعي الله عزوجل في آخر الليل واستغفري وما تلاقيه الا رجع اليكي احسن من قبل
كثري الدعاء والاستغفار فقط
والصبر مفتاح الفرج لا تتخذي قرار تندمي عليه بعدين
لانه هذا المشكل الو حل باذن الله والرجال كلهم هيك
الله يهدي سركم

[ملكتني بهمسك]

شوفي ممكن تروحين لامك كنوع من التهديد خليه فتره عشان يحس بغلطته واهم شي واجهيه قبل تطلعي من البيت وحاولي تادبيه لكن ابعدي عن الطلاق عشان بنتك وعشان نفسك والله هو بيتزوجك ويعيش وبياخذ بنته منك لو انتي الي تبغين الطلاق مو هو بيتخلين بنتك عن حرمت ابو ممكن تكون عليها احن منك لكن ممكن تبهذلها وتحرق قلبك عليها وانتي ايش بتستفيدي من الطلاق اليوم ابوك وامك عندك لكن بكره لا > بعيد الشر الله يطول باعمارهم < وبعدها بتعيشي ثقيله عن اخوانك وزوجاتهم حتى لو مابينو لك الله يديم علينا الصبر
والله يصلح الحال ويرده لك رد جميل ويسخره لك ويحنن قلبه عليك وعلى بنته ياما عانيت مع زوجي لكن مالي الا الصبر والدعاء الله يهديم

[هبوش المزيون]

لا لا لا إياكي اهلك ما تخبريهم متل ما تفضلو خواتي روحي غيري جو خلي يحس بقيمتك بس ما تخبريهم عم بحكيلك عن تجربة والله وفكري في بنتك والله يسخركم لبعض يارب

[Orchid109]

انا مادري صراحة انتي مسكتي عليه شي !
يعني مسكتيه يخونك بالجرم المشهود والا بس مجرد شكوك وظنون من راسك عشانه مقفل جواله عنك !

اتمنى اختي تتكلمي معاه وتصارحيه مو استجواب
واذا تبي تتطلقي ليش لا اختي اذا الشي هذا مريحك اطلقي منه
لكن فكري في تبعات هذا القرار فكري في حالك وفي حال بنتك

انا اشوف لو الرجال مايذلك ولايضربك وقايم بواجباته في البيت اصبري عليه ونصيحة بلاشي ياختي تفتشي وتسوي قلق لنفسك فكري انتي ان زوجك شاريك عشان كذا يحاول يحافظ على صورته نظيفة قدامك ,

وصدقيني حبيبتي لو فعلن على قولتك انه على بنات وكذا ماراح يعطيهم رقم جواله هذا اكيد فيه جوال ثاني وماراح يخليه بالبيت وغير كذا لو هو سافل راعي بنات حرام صدقيني اللي مايخاف الله فيك ماراح يخاف الله في البنات الثانين ولا راح تهميه وبيقولك ايه انا اطلع مع بنات وكذا عندك شي !

هدي اعصابك اختي واتمنى تفكري ميت الف مرة بقراراك هذا على اي اساس حكمتي انه خاين انتبهي
انا زوجي مغير جواله بيده ومغير حاطلي ارقام سريه على الواتساب والصور وهذا وانا مافتش لاني اكلم من جواله بس مافكرت انه يخون واللي يكذب واللي يخون مصيره يجي هذاك اليوم ويبان كذبه وخيانته

[manou]

حبيبتي صدقيني حياتك بعد الطلاق راح تكون اسوا بكثير من اللي انت عايشته الحين مع زوجك
الاهل مايدومون وما ينفعك احد

زوجك اكييييييد غلطان واصعب شي لما تكونين مع شخص مايخاف الله
انت كثري عليه العيال
اذا ماقدرتي انت تغيرينه اكيد عيالكم راح يكون سبب في تغييره لانو يفهم انو اولاده يكبرون مع الوقت ويفهمون ابوهم شو يسوي ويستحي على حاله مافي اب مايتمنى اولاده يكونو فخورين فيه

وزوجك راح يجي الوقت اللي يمل فيه الدردشة والحكي الفاضي

اصبري و اصبري
في بنات يتمنون ظل راجل ولو كان فيه كل العيوب المهم السترة من كلام الناس

[غلا روحي2011]

الله يكتبلي كل خير
انا فكرت اطنشه وماحسب له وجود ولما يعاتب بقول انت اغنوك عنا اللي معاك بالجوال
لاني حاولت كل الطرق الا التطنيش لان فعلا الحقران يقطع المصران وجربتها قبل شويات جاء عندي المطبخ وماعبرته واخذت بنتي للغرفه اخذ شماغه ورجع لدوام وبستمر كذا لحد مايعرف ان الله حق

[ثلوج الشتاء]

شوفي حبيبتي تبينه يتوب قولي له كل اللي تسويه دين عليك يجي يوم من الايام انا اسوي اللي تسويه وصدقيني بيتوب ويخاف بس ماانصحك بالمواجهه لانها تقلب اللعبه لصالحه طنشيه واهتمي بنفسك وحياتك حسبي الله على اللي طلع هالجوالات ماجاء منها الا شر وانصحك بعد اذا مصره تبين تريحين مخك وودك تواجهينه خوذي الجوال بعد ماتعطينه فترة امان ماتفتشينه بعدين خوذي الجوال قدام عيونه وافتحيه وخشي بعينه بس هالطريقه تعقد الموضوع اذا زوجك عصبي
الله يفرجها عليك يارب عليك بالدعاء

[حياتي مهمه]

لاغلط كلام ثلوج الشتاء
التهديدبالخيانه جرم مشهود
ويمكن يمسكها عليك ويهددك
------------------------
الرجال لاتزال شكوك وممكن دردشه
مع مسميات بنات ويحطون صور
وهم في الاصل شباب يترزقون
ويلعبون عل الخرفان من الرجال
فاهم شي بيتك وبنتك ونبيه عن الحرام
وعن المعاصي وارتكابها
ويهديه رب العالمين