【ツ】أحلى تجمع لأحلى حوامل التوائم 【ツ】 ‏الجزء الثالث

[ماء زير]

الله يسهل عليك فوفو وتقومين بالسلامة سوي الي قلت لك عليه تدخني بكسره عود وان شاء الله فينفع فيه

[الامل بالله]

السلام عليكن ورحمه الله وبركاته
ضاق صدري وجيت افضفض لكن ولاتبخلن علي اذا تعرفن
انا سويت ثلاث مرات سونار عند دكاتره مختلفين كلهم قالو لي جنس الاجنه واحد بنت والثاني ولد

اليوم سويت سونار المغرب عند دكتوره غير سويت عندها قبل شهربنهايه الرابع قالت لي كلهم عيال واليوم سويت عندها مره ثانيه قالت وحده بنت والثانيه احتمال كبير بنت الله العالم بحالي ياخوات
السكر فلل عندي وحسيت راسي صار ينبض
تكفون من مرت بنفس حالتي لانه عندي انا بنات
وابي دعوه صادقه ان يكون فيهم ولد يارب
ابي تجاربكم الله يوفقكم

[ام منصور]

المشاركة الأصلية كتبت بواسطة دانات

ماء زير سلامة السنفور الصغير طيب ما سألتي طبيبتك وش ممكنيسبب توسع الاحشاء وايش مشاكله اللي ممكن يسببها وكيف تتلافونها نتظرك السبت ان شاء الله تطمنينا
الياة طمنينا وينك

نون ياعيني صادقة احس كلنا على وشك ولادة يارب عقبالك ما تتم السنة الا وانتي تتحرين الولادة انتي ويارب فرج همي وام منصور وكل من تتمنى

ااااميييييين ربي يسمع منج

[ام منصور]

فوفو الله يسهل عليج ان شاء الله

[ماء زير]

الأمل زميله اختي عندها 4 بنات وحامل وكم مره سوت اشاعه قالو بنت وقبل ماتولد3 ايام قالو بنت بعد ماولدت طلع ولد
مالك الا الدعاء واستخيري الله هو اعلم
انازيك عندي 4 بنات وقالو لي ولد والثاني مو باين بس بعد سالفه زميله اختي ماضمن يمكن يكون بنت وبعد ماشريت برباتوزات ولادي تحسفت قلت يمكن مايكون صح مايعلم مافي الارحام الا الله سبحانه بس ماتدرين يمكن يكون العضو عنده صغير

[الياه]

الحمد لله حمداكثيراطيبامباركافيه







أبشــــــــركم
















ربيــــــت







حلم كل وحده في التاسع<<<<<<صدقوني مطولة وان شاءالله احساسي يخيب واربي على الأسبوع الياي ما اطول أكثر من جذي







الحمدلله ، الحمدلله، الحمدلله ، سرت عند دكتورة ثانية استشيرها في وزن الاجنة، مثل ما نصحتوني حبايبي

والحمدلله طمنتني وأوزانهم زينة وتغيرت عن قبل وكل أمورهم طيبة ، بس تعبوها ماعرفت الراس وين؟؟؟ مره تقولي الأثنين تحت ومره تقول واحد تحت والثاني فوق
ضعت وياها ؟؟؟ قلت لها لا يكون 3 توج تقولين كلهم تحت ضحكت علي
وقالت التوأم صعب تميزين أوضاعهم
سبحان الله في دقايق بعد ما كان تحت صار الثاني فوق
هذا وأنا في التاسع ويغيرون أوضاعهم بها السهولة ، كيف كلام دكتورتي في الحكومي!!!
أنه مستحيل يتغيرون من الثامن تثبت أماكنهم
والحمدلله استخرت والله يكتب لي الخير في ولادتي إذا كانت طبيعي أو قيصري
المهم سلامتهم الله يحفظهم ويحفظ اجنتكم من كل شر

بالخميس عندي موعد في الحكومي وصورة والله يستر ما يقولون لي شي ثاني بعد
لأني فقدت الثقة في كلام الدكاترة

صح كشفت علي وقالت طبيعي النفس عندي مفتوحه 2 سم لأنهم توينز
بس قالت لي خلال هالأيام أو اسبوع بالكثير بربي
والعلم عند الله

الله يسر أمر كل الحوامل ، خاصة فوفو الأمورة ويارب فرجك ، وماء المسك وكل حوامل التاسع والتجمع إن شاءالله


حبيت أبشركم وأطمنكم ،
لأنكم ملاذي اللي ارتاح فيه بوجودي بينكم لأنكم كلكم على قلب واحد

دمـــــتم لـــي

[الامل بالله]

المشاركة الأصلية كتبت بواسطة ماء زير

الأمل زميله اختي عندها 4 بنات وحامل وكم مره سوت اشاعه قالو بنت وقبل ماتولد3 ايام قالو بنت بعد ماولدت طلع ولد
مالك الا الدعاء واستخيري الله هو اعلم
انازيك عندي 4 بنات وقالو لي ولد والثاني مو باين بس بعد سالفه زميله اختي ماضمن يمكن يكون بنت وبعد ماشريت برباتوزات ولادي تحسفت قلت يمكن مايكون صح مايعلم مافي الارحام الا الله سبحانه بس ماتدرين يمكن يكون العضو عنده صغير

ماء الزير الله يفرحك ويفرحني بتوام ذكور معافين صالحين

الله كريم ومن رجاء الله ماخاب

[الياه]

الأمل بالله
والله ما عندي فكرة عن الموضوع
بس سمعت عن وايد حالات يأكدون فيها جنس الأجنة ويطلع
الجنس شي ثاني
سمعت عن تحليل دم ممكن تعرفين من خلاله نوع الجنين
وهو أكثر دقة من الصورة التلفزيونه
والله يكرمج بالذرية الصالحه المباركة اللي
تسر خاطرج أنت وماء الزير

ماء الزير
أن شاءالله تطمنين على التيونز
واطمنينا وياج، وأنشاءالله ما عليهم شر
أكثري من الاستغفار والصدقة
فالصدقة تدفع البلاء
والله يحفظ الجميع



دانات ، رضاك ربي ، هيونة ، يارب فرجك
فوفو الأمورة، أحلى توينز، ماء الزير،
ألوان الحياة، نون
وكـــيري وعذب " سعدت كثيرا بطلتكم الحلوة علينا"

أشكركم جميعا لردودكم الطيبة
وإن شاءالله الله يسر خاطركم بما يسركم
الله لا حرمني من طيب قلوبكم


نون 2006 وريتاج، رباه فرج همي ، أم منصور
الله يكتب لكم الذرية الصالحة عاجلا غير آجل

" رَبِّ لَا تَذَرْنِي فَرْداً وَأَنتَ خَيْرُ الْوَارِثِينَ "


سمحولي كان يومي طويل وشاق
بس الحلو أني أطمنت على التوينز
ولنا لقاء إن شاءالله

استودعكم الله الذي لا تضيع ودائعة

[سآره]

اخباركم كروشات

الياه وفوفو وماء المسك وكل حوامل التاسع الله يسهل عليكم ولادتكم

حوامل الثامن ..الله يخفف عنكم من جد الشهر الثامن قمة الثقل والتعب ويرجع الوحم مره ثانيه

اليوم رحت برتب بيتي احس من دخلته ضاق صدري ماادري ليش ماودي اسكن فيه

توني حللت طلعت





























































































حامل















































خخخخخخ







لا طلع فيني جرثومه في المعده وقولون عصبي ياربي مالي خلق علاجات

[ام منووو]

تسجيل حضور
الله يتمم علينا جميعا