السلام عليكم و رحمة الله و بركاته ,,
قبل كل شي اتمنى من رب العالمين يثبت لكم حملكم و يرزقكم اللي ودكم فيه و عساه يكون من الذرية الصالحة يارب
اكيد اي مره حاامل تنطر موعد السونار اللي يتم فيه تحديد جنس البيبي
و قلبها يظل يــرقع حزتها ,, ما ودي اطول عليكم
هذاك اليوم عيزت احوس بالنت ادور طريقة تبين لي نوع الجنين في الاشهر الاولى
و لقيت تجربة انصدم ان الكل مطبقها في الموقع نفسه و يأكدون نتيجتها بنسبة 80% ولازم يكون صايرلج 40 يوم من الحمل يعني اقل من ال 40 يوم ما يبين
التجربة: اول ما تقعدين من النوم تحطين قفشتين ملح في قلاص شفاف و تبولين << كرم الله النعمه
استغربت والله وايد شلون جذي
و يقولون خلي البول و انتي بكرامه من 10-20 دقيقه اذا ترسب فقاعات معناه ان الجنين ولد
و اذا كان تقريبا صافي ما صار شي معناه بنت و الله اعلم بس لازم يكون البول الصبح اول ما تقعدين
بصراحة خااايفه اجرب لأن بخاطري بنت بنت خالتي جربتها اليوم و اهيا بال 4 تقول نفس السونار ما ترسب الشي و السونار قايلين لها بنت
ياليت اللي يجربون يقولون النتيجة ,, و بعد ياليت اللي بال 4 و 5 و 6 و شايفين بالسونار جنس البيبي يأكدون لنا التجربة
و عسى الله يرزقكم اللي تتمنونه و ادعوووولي ان ربي يرزقني بنوته حلوه
منقول للامااانه
ادعوني بالحمل هذا الشهر بالولد ياااارب
ولا تنسوووون التقييييم