>> تجمع الي موعد ولادتهم محرم 1435 <<

[فيوف]

مساء الخير
ابشركم بنات ولدت بالسلامة ولادة مبكرة طبعا في اول يوم بالتاسع ، موعد ولادتي كان المفروض 15 محرم وولدت 20 ذو الحجة

طبعا ماكان فيني اي شي ورايحة مراجعتي السبت وكل شي تمام

الاربعاء الصباح كنت جالسة اشيل يديني فجأه مادريت الا نافورة تحتي انكبت معاي الموية واجلس ادور ببيتي مادري وش السالفه بكرية وخففففت وزوجي بالدوام كانت الساعه 9 ونص دقيت عليه وجا ورحنا دله الساعه 10 ونص للطوارئ

كشفت علي الدكتورة لقت الرحم فاتح 1 سم ، حولوني للتنويم قالوا مافي طلعة لازم تولدين لان الموية قليلة جدا
طبعا انا مازالت الموية تنزل معاي ولابسه كوتكس ، حطوا علي جهاز التخطيط اللي كرهته من كثر ماركبوه علي

عطوني طلق صناعي تحميلة الظهر وكشفت بعدها بساعتين ومازاد الا نص سم
من بكرة الصبح كملت 24 ساعة عندهم و عطوني تحميلة ثانية وهو 1 ونص طبعا انا مامعي طلق ولا شي للان حتى بعد التحميلة الثانيه

لما جا العصر كشفت علي الدكتورة ال 3 بالطوارئ وسوت لي تحريض مع تحميلة ثالثة
وجلست لحد المغرب وبدت معاي الطلوق وقلت قرب الفرج ياااااارب لاني مليييييييت من جلسة المستشفى الحمدلله على العافية كنت ابي اولد وافتك ، اشوف الناس تدخل تولد ماشاء الله وتروح وانا مقدر ارجع البيت لان الموية راحت كلها وصاروا يعطوني مضاد بالوريد كل 12 ساعة

صارت الساعة 9 بالليل وبدت معي الطلوق تقوا وقربت كل ربع ساعة طلقة

كشفت قالت بس 2 ونص سم ماراح اطلعك لغرفة الولاده الا 3 سم هذا نظامنا طبعا انا كل هالوقت بغرفه التنويم

مابي اطول عليكم المهم انه من 9 لحد الساعه 2 وانا طلوق وكل مالها تقرب لحد ماصار بين كل طلقة والثانية نص دقيقه

لما صارت 2 خلاص معد اتحمل. قلت نادوا الدكتورة خلاص احس شي بيطلع تكفووووون

جت كشفت قالت ماشاء الله 8 بسرعة بسرعه ولادة

وسحبوني بالسرير لفوق لغرفة الولادة دفعت يمكن 5 دفعات بعدها وسعت لي الدكتورة والساعه 3 دفعت اقوا شي وحطوا ولدي على صدري وعطاني ذيك العطسة بوجهي فديته

انا جاني نزيف من الطلق الصناعي وعطوني مباشرة وقت الخياطة ابر توقفه والحمدلله عدت وولدي دخل العناية 5 ايام لان الرئة صغيرة والتنفس عنده كان سريع لانه مولود بالاسبوع 36 وكانوا معلميني قبل انه بيدخل العناية كون انه ماوصل 37 اسبوع
ولدت الجمعة الفجر وهو طلع الثلاثاء والحمدللللللله يارب للحين انا بصدمة نفسية من اللي صار ماكنت حاسبة حساب

ولادة مبكرة واغراضي ماكنت مكملتها كنت توني مخلصه اغراض البيبي بس تخيلو !!! حاطة ببالي اني بعوشر من كثر ماسمع ان البكرية تطول ..

بنات فيه اشياء ودي اقولها لكم ..
انا انسانة تعقدت من تهويل الناس للولادة والي قبلها
ماقول ان الولادة سهله بس حطي ببالك ربي مايكلف نفس الا وسعها ماراح يجيك شي ماتقدرين عليه صحيح بصعوبة بس بتقدرين ان شاء الله وبتحسين بعد ماتولدين ان اللي صار حلم
ثاني شي ترى الطلق الطبيعي نعمممممممة انا بهذلني الصناعي امي تقولي لو طبيعي ماراح يكون كذا

الكشف النسائي يابنات سخييييييف ومافيه الم ابد ابد وكل الكلام اللي ينقال عنه تهويل فقط .. انا كشفوا علي 6 مرات 4 دكتورات ولا وحده حسيت بالم لاني كنت ارخي نفسي

وقت الطلقة كثروا من الذكر ماتتخيلون شلون كنت انشغل بالذكر واخذ نفس عمييييييق كان يخفف علي
وابتعدوا عن الصراااخ نصيحة لانه بيضبع طاقتك بالدفع الدفع يبي طاقه

الخياطة والتوسيع مااااراااح تحسين فيها نهاااااائيا

انا اللي تعبني تنظيفها للرحم بعد ماولدت لان السبب النزيف ماخلاها تعرف تخيط وكانت تبي توقفه عشان تكمل خياطة وهالشي مايصير للكل يمكن انا خذت طلق صناعي كثير والرحم تقول مانقبض بعد ماولدت

طبعا ولادتي كانت بدلة القابلات في الولادة اتعب وانا اقول انهم كانوا جدا رحومات وطيبات وحنونات
والدكتورة من الطوارئ كانت حبوووبة

وبس ابيكم تدعون لي ربي يفك ضيقتي من ولدت وانا ضايقه واصيح من اتفه شي وافكار براسي اعوذ بالله من ابليس كله افكر بوضعي بعد الاربعين مع زوجي
احتاج دعم نفسي و معنوي :(

[فيوف]

بنت النور
معلييييش خنتك وولدت قبل

بنات خلوا عنكم التحلطم واشبعوا نوووووووم نصيييييحة ترى نوم الليل بااااااح بتودعونه مع البيبي

الله يهون عليكم جميعا ويجعل ولادتكم اسهل مني ويسخر لكم اللي يولدونكم اميييين يارب

استودعتكم الله الذي لاتضيع ودائعه

[ام راية]

فيوف


الف الف مبروووك ولحمد الله على سلامه مبروك مجاك ياربي يتربه بعزكم ان شاء الله

عقبال لنه بلولاده سهله ان شاء الله جميعا

[كاجول]

ماشاء الله تبارك الله فيوف
ألف ألف مبروووووك يتربى بعزكم ان شاء الله
هلت البشائر عقبالنا ان شاء الله

[كاجول]

الله يفك ضيقتك حبيبتي ترى عادي في النفاس بس خلي القران شغال دايم ولا تجلسي لوحدك وان شاء الله ترجعي لزوجك بعد الأربعين أحلى عروس

[S I M P L E]

الحمد لله على تمام النعمه و إكتمال المنه
ولدت يوم الثلاثاء و جبت بنوته
الله يهون ع الواصلات و يرزقهم الولاده السهله و الميسره

[دلوعه عبدالله]

ماشاء الله تبارك الله ..

فيوف الف الحمد لله على سلامتك وسلامه المولود يتربى بعزكم ان شاء الله وتزفينه معرس

والله يفك ضيقتك ويهدي بالك ان شاء الله

وكلامك يريح النفس مع اني مجربه الولاده مرتين قبل بس تفائلت ههههههههه

[دلوعه عبدالله]

سمبببل الف الف مبروووووك يا قلبي

الحمد لله ع السلامه وتتربى العروسه بعزكم ان شاء الله

الله يخليها ويحفظها وتشوفينها عرووووس :)

[الاصيلة بنت الرياض]

الف الف الف الف مبرررووووووووووووووكك
لفيوف وسيمبل ماشاءالله سبقتوووني:) هههه ماشاءالله ربي يحفظظظكم ويحفظ البي بي ♥♥♥♥

فيوف لاتشيلين هم هونيها وتهووووون وشغلي القرآن وان شاءالله ترجعين لزوجگ افضل وافضل *-^ ،،ومشككورهه ع الكلام الحلو و و و

لاتنسوووووووني من دعواتگم "

[الاصيلة بنت الرياض]

بنااااااات حدي متضايقههه وشايلهه هم
زي ماتششوفون توقيعي جاء وقت الولادة ومافيه اي بوادر او حاجه •﹏• نفسيتي تععبآاانه من كثر التفككككييررر ،،يارب يارب يارب ساعدني
والرحم مافتح ولا سم :"( عندگممم حل او شئ ولعلمكم المشي مشششيت والتمر اكككلللت ،،