حوامل التؤام الي اولدو طبيعي تعالو ؟

[الامل بالله]

السلام عليكم ورحمه الله وبركاته

حبيت اسال للاخوات الي ولدو طبيعي وفيهم تؤام كيف كانت الولاده

وهل خروج الطفل الثاني صعب موجع نفس الاول وكم كنت المده بين طلعتهم

ومن فيكن كان راس الاول تحت والثني فوق وكيف ولدوكي

تكفون ردو علي الله يوفقكم ويخلي لكم عيالكم

الخوف ذابحني

[شعاع الشمس الدافئ]

الله يفرحك بشوفتهم ويسهل ولادتك اللهم امين
عليك بالدعاء والاستغفار
ماعندي فكرة بس ماحبيت اخرج من غير ماارد

[ام سلطااان]

الله يسهل ويسرولادتك ويفرح قلبك

[الأميرة جوري]

[HTML][/HTML]

المشاركة الأصلية كتبت بواسطة الامل بالله

السلام عليكم ورحمه الله وبركاته

حبيت اسال للاخوات الي ولدو طبيعي وفيهم تؤام كيف كانت الولاده

وهل خروج الطفل الثاني صعب موجع نفس الاول وكم كنت المده بين طلعتهم

ومن فيكن كان راس الاول تحت والثني فوق وكيف ولدوكي

تكفون ردو علي الله يوفقكم ويخلي لكم عيالكم

الخوف ذابحني

هلا الامل بالله شحااالج حبيبتي؟
بخصوص الولادة لاتخافي انا كنت نفسج خايفة واحاتي الولادة وكله افكر كيف بتكون الولادة بسسس الحمدلله كانت الولادة سهلة ومافيها اي صعوبة الحمدلله نفس الولادة بواحد من حيث الطلق وبنسبة لخروج الثاني ماكان موجع بسسس يريد قوة لتدفعيه لبرى (نامي زين وتغذي زين علشان تكوني نشيطة وقت الولادة والنفسية أهم شي)
المدة بينهم كانت 15 دقيقة لين يطلع الثاني انا كانت الرؤوس تحت بسسس وحدة كانت شوي منحرفة ع جنب بسسس مع الولادة نزل راسها تحت بس ماكان فوق كان تحت بس شوي ياي ع جنب بس انتي توكلي ع ربج ولا تخافي قوي عزيمتج وان شاء الله الله بيسهل عليج وبتكون ساعه منسيه انا الصراحة ولادتي بولدي البكر كانت طبيعية وصعبة بعكس ولادتي بالتوأم سهلة ومن دون توسيع ولا خياطة أشكر ربي وأحمده اهم شي تكون الرؤوس تحت والله يسهل عليج ويقر عينج بشوفه عيالج سالمين معافين دشي طمنينا عنج بحوامل التوأم.

[عيووون المها]

الله يجزاك خير

ربي ييسرها ويسهلها علي ذاك اليوم وعلى كل الحوامل

[البريد الملكي]

شوفي حبيبتي انا صح ما جربت بس من خلال خبرتي المتواضعة
عادة في الولادة الطبيعية للتوأم اذا كانوا الرأسين لتحت ان شا الله سهالات يطلع الأول ويستمر الطلق معاج و راح تستمرين بالدفع يعني تحتاجين طاقة ولا الألم واحد بل يممن يكون اول طفل أكثر الم لأن لسى الرحم ما توسع وما تهيأ ويكون الوقت اطول لكن بمحرد خروجه الطفل الثاني ما يطول كثير لأن تقريبا الوضع مهيأ أكثر ففي بعض الحالات يطلع الثاني بعد دقائق معدودة والبعض الآخر ربع ساعة او نص ساعة على حسب بعد انتي كيف تدفعين وكيف استجابة الطفل الثاني
اما اذا كان الطفل الثاني معترض او راسه فوق ممكن يغير وضعه بمجرد خروج الطفل الأول وممكن الطبيب يساعد على تغيير وضع وممكن يتم سحبه من الأقدام
وربي يرزقك الولادة السهلة الميسرة ويقر عينك بشوفتهم سليمين ومعافين

[سوزان الرياض]

بنت عمي جايبه توام طبيعي
تقولهم بينهم نص ساعه وولادهم اخف من الواحد لان وزنهم اصغر
الله يهون عليك ويقومك بالسلامه ادعيلي احمل

[حياتي توأمي]

حبيبت قلبي
انا لما كنت حامل بتواءم ولدت قيصري لأن طفل راسه تحت والثاني كان راسه فوق
وقلتلهم ابغي أولد طبيعي قالتلي الدكتورة تولدي طبيعي اللي راسه فوق راح يختنق مانضمن انه يلف راسه على طول تحت وينزل وخوفتني تقول انتي انتظرتي الحمل وتأخرتي 4 سنين يعني عندك استعداد تفقدي واحد قلتلها لا طبعاً
فقالتلي لازم قيصري عشان سلامتهم
فطبعاً وافقت عالقيصري دون تردد وهذي تجربتي مع التواءم

[قمر 2013]

انا ولدت طبيعي كان الاول راسه تحت وثاني ع جنب

وقال دكتور اعطيك فرصه تولدي طبيعي

والحمد لله خرجت الاولى وبعد 8 دقايق خرجت الثانيه

اجاني طلق ودفعت وخرجت الاولى وبعدها ولاحسيت بشي

بعد 8 دقايق اجاني طلق ودفعت وخرجت ثانيه

الله يسهل ولادتك حاسه فيك ماراح ترتاحي من وسوسه وتفكير حتى تولدي *__*