تجمع المتابعات في مستشفى قوى الأمن

[حلولو]

انا عندي استفسار من الاخت مشاعر
كيف عرفت الدكتوره ان حوضك صغير
انا شايله هم هانقطه لان ولادتي بولدي كانت قيصري والسبب انه مادخل للحوض
وكيف اعرف ان حوضي ضيق
ياليت اي وحده عندها خبره تعلمني لاهنتم

[إنسانه]

أنا أراجع المستشفى الكبير لأن معي سكر وآخذ آنسولين العيادة إللي أنا عندها هي الدكتورة جيهان ولكن كل مرة ألاقي دكتورة غير سؤالي لأني في حملي السابق نفس الشي كان معي سكر وولدوني طلق صناعي في بداية التاسع لكن طولت في غرفة الولادة سؤالي هل إذا طلبت إبرة الظهر يعطوني إياها ومتى أطلبها وقت الولادة ولا قبل يكتبوها في ملفي ومن جربتها عندهم .

[مشــــــــاعر]

المشاركة الأصلية كتبت بواسطة حلولو

انا عندي استفسار من الاخت مشاعر
كيف عرفت الدكتوره ان حوضك صغير
انا شايله هم هانقطه لان ولادتي بولدي كانت قيصري والسبب انه مادخل للحوض
وكيف اعرف ان حوضي ضيق
ياليت اي وحده عندها خبره تعلمني لاهنتم

لأن في ولادتي الأولى وصلت التاسع ولانزل بالحوض..
وبعد ماتعديت التاسع..انفتح الرحم2سم فقط..ونزل مني مخاط دم,وبعدها نزلت مني موية الجنين..
وبدأوا يعطوني تحاميل فتح الرحم لكن بدون فايده..
وبعد 5أيام من المعاناه من الدم والمويه والتحاميل أضطروا يعملون لي قيصريه..

[مشــــــــاعر]

المشاركة الأصلية كتبت بواسطة إنسانه

أنا أراجع المستشفى الكبير لأن معي سكر وآخذ آنسولين العيادة إللي أنا عندها هي الدكتورة جيهان ولكن كل مرة ألاقي دكتورة غير سؤالي لأني في حملي السابق نفس الشي كان معي سكر وولدوني طلق صناعي في بداية التاسع لكن طولت في غرفة الولادة سؤالي هل إذا طلبت إبرة الظهر يعطوني إياها ومتى أطلبها وقت الولادة ولا قبل يكتبوها في ملفي ومن جربتها عندهم .

بصراحه ماأعرف عن مستشفيات الحكومه..
لكن البنات اللي يولدون في خاص يطلبونها قبل والبعض يطلبونها في وقت الولاده..
ويعطونهم على حسب طلبهم..
أنتي اذا جاء موعدك القادم اسأليهم..
وان شاء الله البنات يفيدونك..

[لمياء]

المشاركة الأصلية كتبت بواسطة ماء زير

مرحبا بنات ..اخباركم مع الحمل

لمياء..اخبارك زين لقيتك بتجمع قوى الامن انتي تتابعين فيه الى الان مافتحت ملف والله مالي

خلق على مواعيدهم

انتي كيف تحجزين موعد عندهم التلفون دائم مشغول او مافيه موعد

ليه انقطعتي عن طلتك لتجمع حوامل التوأم

هلا هلا هلا وغلا فيك حبيبيتي

وشلونك وكيف الكروشه؟

خلاص ثبت ان اللي ببطنك توأم؟؟؟

والله ياقلبي مابعد راجعت بقوى الامن

انا اراجع عند دكتوره بمستوصف خاص

وعالثامن راح ابدأ اراجع هناك بأذن الله

الحجز مااعتقد انو بالتلفون لازم تروحين تفتحين ملف

مااذكر ياقلبي كيف الاجراءات لاني كنت اراجع بحملي الاول فيه

[ام مرزوق]

والله انا اخر موعد لي عند الدكتورة ما اعطتني موعد وقالت احجزي عن طريق التلفون ونا في السادس وراح ادخل السابع مع العلم ان جميع موعيدي السابقة كانت بعد المراجعة مباشرة الا هالمرة مادري ويش صار لها والله يعيني على التلفون واذا مامسك معي راح اجلس لين تجيني
الولادة وروح طواري مع اني كل شي سليم والحمد لله

[حلولو]

طيب يابنات ماقلتولي كيف اعرف اذا الحوض عندي ضيق او لا

[مشــــــــاعر]

المشاركة الأصلية كتبت بواسطة حلولو

طيب يابنات ماقلتولي كيف اعرف اذا الحوض عندي ضيق او لا

اللي أعرفه مايبين ألا في وقت الولاده..
لانه في لحظة الولاده تتفكك عظام الحوض عشان خروج الجنين من الرحم..
وعلى حسب أنفتاحه هذيك اللحظه يعرفون أنه صغير أو لا..
أتمنى أكون أفدتك لو بشي قليل..
وبعدين لاتصيرين وسواسه وخوافه مثلي..
فوضي أمرك الى الله..

[حلولو]

تسلمين مشاعر ماقصرتي
اما الخوف والله مابليد حيله انا اكبر خوافه بس خليها علي الله
معليش حبيبتي ممكن اعرف انتي تراجعين عند مين في قوي الامن

[ناناالزعلانه]

السلام عليكم ورحمة الله وبركاته
عندي كم إستفسارات
1هل الولاده في غرفه مشتركه؟وكم وكرسي في الغرفه؟
2ويدخلون شنطة الولاده وشنطة البيبي معك ولالا؟؟
3بعدالولاده يدخلون الزوج يشوفك ولاينتظر وقت الزياره؟؟؟
4غرفةالتنويم كم كرسي فيها؟؟؟؟
5البيبي متى يكون عندك؟؟؟؟؟
6كم يوم تنويم في المشفى للولاده الطبيعيه؟؟؟؟؟؟
وأتمنى ماترودوني خايبه
وأناحامل في التاسع أراجع في المشفى الكبيرفي الرياض
عند الدكتور محمد خليل
وكل أحد عندي موعد