|
رد: حبيباتى سيدات ليبيا تفضلو لأعرف ما حالكم
امول ربي يعطيك صحيحتك وعافيتك انتي والنونو
وربي يرزقك ماتتمني ياااااااارب تاثرت هلبه انك راس بنيه انتي وسوسو وجنوده سبحان الله الصدف مانتصورش حياتي من غير حبيباتي خواتي ربي يحفظهم كووووووولهم سوسو مختفيه اليوم ام ناريز نتمني اتخش واطمنا عليها وربي يعاونكم كلكم حبيباتي سلام بنصلي الوتر وبنوض راجلي |
رد: حبيباتى سيدات ليبيا تفضلو لأعرف ما حالكم
معقول ماخش حد البارح بعدى ماسلمت
نحنا توا تسحرنا لابأس أمول لابأس أمولة انت ليش تردى فيهم النهارات وبالنسبة لوضعك الله أعلم بس أعتقد يجوز لك ألإفطار |
رد: حبيباتى سيدات ليبيا تفضلو لأعرف ما حالكم
ماشاااااااااء الله جيجي مانا أمتى بتتسحرو
شنج من الصدمة ماسلمتش |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالكم اليوم
نستني الظهر بنصلي وانجهز رنوده بوها بيرفعها هي وولاد عمها للبحر شويه مع ان قلبي بيتقطع ماعمرها طلعت من غيري قتله امشي ارفع صغار خوك وخليها قالي لا ربي يحفظها ويخليها وبجهز فطوري بكري لاني بنمشي لحوش بوي بنفطر غادي بنجهز سفره راجلي ونسلفرها وتو اتجي تفطر معاه ياامه يايرفع سفرته عندهم |
رد: حبيباتى سيدات ليبيا تفضلو لأعرف ما حالكم
السلام عليكم
راسى مقلوب هذا وين شفت ردودكم قريب صفحتين رايحات عليا |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
ولو جنودة من عيوني
طريقة الكيكة الحارة... حسب طاجينك ديري المقدار لو كان مثلآ متوسط نص ربطة كسبر واقل منها بشوي معدنوس وشبت بصل اخضر.... تقطيعهن تقطيع صغير بكل كلهن... مع طماطمة وقرن فلفل اخضر... بعضها تضيفي كوب الي كوب ونصف دقيق ونصف ملعة بيكينج باودر...واشوي حليب و3 دحيات واشوي زيت ونصف ملعقة طماطم معجون... وملح وبهارات ... وتخلطي المقدار يقعد اخفيف معاك كيف الكيكة... بعدها تجي اتحطي نصف المقدار في الطاجين .... واتحطي فوقه جبنة شرائح اتغطي بها كل الطاجين بعدها تدهني هالجبنة كلها بهريسة عربية وهذا سر نكهتها الحارة اليمييي يمي.. وبعدها شرائح زيتون ... وقللي كمية ملحك بها لان الزيتون حيملحها برضه... خلاص توا حطي بقية المقدار وحطي في الكوشة لعند اتطيب وقصيها هي وباردة اهم شئ... تقدري اتضيفلها مثلآ شرائح بطاطا وباذنجال مقليات بس هكي ح تقعد دسمة ... مممكن بعد رمضان لان برمضان بتقدم مع اطباق اخري... وهذي صورتها ... بالصحن مقصصتها مربعات هذي من فطور امس مرونة امبوخة وبيتزا موزاريلا وامبطن حارة وسلطى روسية وامسير http://forum.hwaml.com/imgcache2/hwa...326771_490.jpg http://<a href=http://www.0zz0.com t...326771_490.jpg[/IMG] http://<a href=http://www.0zz0.com t...326328_614.jpg[/IMG] http://forum.hwaml.com/imgcache2/hwa...326328_614.jpg |
رد: حبيباتى سيدات ليبيا تفضلو لأعرف ما حالكم
اقتباس:
يعطيك الصحة امولة ماشاء الله... نحن شربة العدس انحبوها نا وزوجي عادة اندير فيها مع الدجاج المحمر وديما بعد اندير حوت... بالنسبة ليا اذا قالاتلك الدكتوررة افطري فاكيد ننصحك تسمعي كلامها وحتعاوديه بعد رمضان خصيصا ان عندك التهابات ومحتاجة شرب ماء انا جارتي حامل وماصامتش بكل عادي.... مع ان صحتها تمام الحمدلله بس الحق طول النهار تعبها اول يوم وتعطش واجد .... بالنسبة للبيبي الدكتورة قالتلك بنوتة او مسكر رجليه ... لان انا في بكري فروووسي ماعرفتش الجنس الا بالشهر الثامن نصه.... وكان من الخامس لوقتها يقولولي مسكر رجليه ... ويقولو عادة اللي هكي تبقي بنوتة ... بس في بنتي الولي ... عرفت من نص الخامس انها بنوتة وكانت واضحة الحق واكدلي الدكتور... |
رد: حبيباتى سيدات ليبيا تفضلو لأعرف ما حالكم
محتارة شن اندير فطور انراجي جارتي وخلاص..
ومنها نبدا اندير طاجين بطاطا بالجبنة قبل بندير قوارب البطاطا بالدجاج بس راسي بكل تبيلها جوو.. |
| الساعة الآن 05:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .