|
رد: دردشة بنات العراق* دردشة حوامل العراق * تجمع بنات العراق
هلوو فروحه
شلووونك النونو شلوووونه وين هالغيبة وحشتينااااا |
رد: دردشة بنات العراق* دردشة حوامل العراق * تجمع بنات العراق
هلو بنات شلونكم كلكم بدون ذكر اسماء اليوم الصبح يعني بالضبط قبل ساعتين ونص طك عندي مي الراس ونزل الماي وياه شويه. دم نزل بقوة ولسه دينزل بس عالخفيف ولسه معندي اي الام شنو رايكم اروح للمستشفى لو انتظر الالام ردو عليه حبابين
|
رد: دردشة بنات العراق* دردشة حوامل العراق * تجمع بنات العراق
السلام عليكم اخواتي
انا مشتركه جديده اليوم دخلت وياكم واني حامل بالشهر الخامس و هذا اول طفل الحمد لله بعد انتظار سنه ... ام حمودي يشرفني اكون اول وحده ارد عليج اكولج اصبري شويه اذا ماعندج الم بس اتمشي و اكل تمر هواي واقري سورة مريم بس اذا ماي هواي نزل عليج روحي ع المستشفى اخاف يخلص الماي ويتعب الطفل بالولادة ... الله يكومج بالسلامة ان شاء الله |
رد: دردشة بنات العراق* دردشة حوامل العراق * تجمع بنات العراق
يسلمو حبي ام فهودي نورتي التجمع ربي يتمم عليج بخير وسلامه
اي والله اول ما طك عبالك بوري مي وهسه هم دينزل شوي شوي تكرمون وبحثت بكوكل وشفت انه من الافضل اروح للمستشفى يشوفون نبض الطفل وكميه المي الباقي واذا عندي توسع او طلق حروح والله كريم ادعولي يكون كل شي تمام بالنسبه للبيبي وربي يسهل عليه واكون قويه وما اخاف لان خايفه من التوسع |
رد: دردشة بنات العراق* دردشة حوامل العراق * تجمع بنات العراق
حبيبتي ان شاء الله تكومين بالسلامة
اي الافضل تروحين المستشفى حتى تطمئنين اكثر و ان شاء الله ولادة طبيعيه سهله بجاه النبي ظل بالي عليج تدرين اني من هسه شايله هم الولاده والمستشفى .. يا مستشفى راح تروحين ؟؟؟ |
رد: دردشة بنات العراق* دردشة حوامل العراق * تجمع بنات العراق
ام حموودي افضل روحي المستشفى ضروري
دام نزلت هالاشياءات اني بصراحه ما بعرف عنها بس افضل تحت اشراف الدكتور وربي يسهل ولادتك ويفرحك الله بشوفت حمودي سالم طمنينا عنك ولو محتكوني بحالن الله يعينك هلا ام فهد منورة وربي يتمم لك ع خير |
رد: دردشة بنات العراق* دردشة حوامل العراق * تجمع بنات العراق
تسلمين حبيبتي شمعة امل نورج هذا ... الله يطمنه على ام حمودي وتكوم بالسلامة ان شاء الله .. |
رد: دردشة بنات العراق* دردشة حوامل العراق * تجمع بنات العراق
هلو بنات
شلونكم مشتاقتلكم كلش بس ماعندي وقت افوت للمنتى ملتهية وقتي كلة وية ليوثي ومن ينام اكوم اسويلي شغلة بالبيت مااعرف اخباركم بس هسة قريت خبر ام حمودي عدها ولادة ياربي يسهل عليها وتجي تطمنا وتفرحنا بسلامتها وسلامة حمودي بنات مرت اخوية هسة هم بالمستشفى عدها ولادة هسة بدة عدها توسع اصبع وديصير عدها طلق قوي ادعولها ربي يسهل عليها وعلى الجميع |
رد: دردشة بنات العراق* دردشة حوامل العراق * تجمع بنات العراق
صباح الخير يابنات شلونكم مكدرت اعوفكم نفسيتي تعبانه ومشاكل اني وزوجي واول شي فكرت بي ادخل للمنتدى واحجيلكم انتو مثل اخواتي ادعولي
واشكركم قريت ارائكم على القرار الي اتخذته المهم اني جدا اعتذر من هيج قرار بس مثل ماكلتلكم نفسيتي تعبت ومريضة ومااكدر اعوف المنتدى لان هو المكان الي ارتاح بي والكه اخوات مثلكم يواسوني ويخففون عني وينصحوني رجعتلكم ........ وبس الله يدري بحالتي هسة اكتب ودمعتي بعيني والله بالدوام وكدام الموظفين بجيت تعبت سلامي الكم وحدة وحدة واعذروني مااكتب اسماء لان ماأكدر |
رد: دردشة بنات العراق* دردشة حوامل العراق * تجمع بنات العراق
صباح الخير
يا هلالالا روقيـــــــــة حبيبتي نورتي ياقلبي فرحتيني برجوعك ياقلبي في ادعيه ع الكوكل لحصول الحمل كنت اقراها دوم ولو هيه طويله بس مالنا غير الله ولتخلي اطلاقا نفسيتك تاثر ع علاقتك بزوجك انتي ماعندك شي يمنع حملك هي مسئلة وقت وراحه نفسيه ابدا لاتحسسي انو هالموضوع شاغلك ومتعبك تره الرجال تفكيره مانو متلنا وخلي بالك لساتك عروس والرحم اول الزواج يحتاج وقت ليستوعب الوضع الجديد يعني مو كل رحم يستقبل ويحمل انا بمصطفى عديت ال6 شهور وبالثاني سنه و4 شهور ومصار حمل ربي يرزقك بالحمل عاجلا ياقلبي وترتاحي ام حمودي شصار معك ربي يطمنا عنك ام ليث شخبارك وليث شلونه الله يسهل ولادتك زوجه اخوك سلالام للبنات وحده وحده |
| الساعة الآن 06:35 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .