|
رد: تجمع حوامل العراق واتمنى اكو احد موجود
عادي انقعه بالمويه شويه طبعا لازم يكون نظيف واطبخه مثل العيش(الرز)
كلش طيب ومافيه سعرات مثل العيش |
رد: تجمع حوامل العراق واتمنى اكو احد موجود
صباح الخير حبايب مشتاقتلكم وافرح من اشوفكم تسألون عليه اروحلكم فدوه
اني متابعه اخباركم من الموبايل بس مدادخل هوايه لان عمتي اجت من الحج ومخبوصين نورس ايمان مها ام سمر نجلاء وئام رحاب يسرى ايه وباقي الحلوات مشتاقه لسوالفكم |
رد: تجمع حوامل العراق واتمنى اكو احد موجود
مســـــــــــــــــــــــــــــــاءكم فل وياسمين
شلونكم حبايب قريت الصفحات يالله جيت ارد... اول شي حمدالله علسلامه مهاوي وظل بالي يمج حبي وليش تعاندين مثلي ومتروحين بسرعه للدكتوره جان المفروض من اول موكعتي تروحين حبي موزين عليج ويارب مبيج شي وتجين اطمنينه والله بالي يمج.. وشفتي هاي دكتورتي شتكولي ههههههههههههه والله ضحكت كلتلهة بكلبي خلف الله عليج جبيره..خخخخخخخخخ اي والله صار كلشي بالعراق تجاره حتى ارواح الناس مابقت لاذمه ولاضمير,, زيونه حبي بنتج الله يحفظهة حلوة يارب يخليهة الج حياتو ويفرحج بأخ الهة يارب.. قمر بغداد حبي اني انصحج تراجعين وتشوفين شنو السبب يجوز بسيط جدا لتصيرين مثلي اني مراجعت وبقيت انتظر وطلع سبب بسيط كلش من عالجته صرت حامل اتذكر ماما الله يرحمهة تكول موزين المره تنتظر الحمل سنوات طويله بلامراجعه لانه الرحم يتعود على الفراغ وصعب بعدين تصير حامل..فراجعي حبي وان شاء الله ماكو شي بس لتروحين على دكتوره شلون مجان اختاري دكتورة ثقه وكلامهة ثقه علمود متلعب بيج بالادويه بلا داعي.. امونه دلب تدللين حبي وفدوة بنونه طالعه تخبل بهاي الصوره كون يمي واعضعضهة اوف فداوي والله اني اموت على البنات يارب يخليهة الج ويرزقج اخ الهة بجاه الحبيب محمد.. ايوته حبحب حمدالله علسلامة بيبيتج يارب مبيهة غير العافيه وسوفي اقري عليه المعوذات اول مكلبج يلعب من انسانه او مثل مكالت رحوبه على مي وشربي اله..او اقري عليه نهايات سورة البقره هاي دعاء وشفاء وحرز رحووبه حبي تسلمين حياتو للكلمات الحلوة والله محتاجه لدعائكم لااكثر وفطومه عسل زي امها ههههههههههه على كولة المصريين نورس حبي لتروحين اذا تحسين نفسج حوعانه او حركة الطفل زينه هاي اعراض جيده واكلي فواكه هوايه واشربي عصير ليمون طبيعي انتي سويه اعصري ليمونه او اثنين وضيفي مي الهم وسكر واشربي لانه يغسل معدتج.. تدرين اني بين فترة وفترة اكل ثوم ممطبوخ وي الاكل او وي اللبن لانه يمنع تماما تسمم الحامل وعلاج مجربوجنت اقرا على النت عن تسمم الحامل وقريت عن الثوم وتكدرين تبحثين عنه بالكوكل صحيح هو ريحته وطعمه مينجرع بس جرعته لانه بيه فائده كلش جبيره حتى يزود وزن الطفل لانه يفتح شهية الام ويقتل الديدان الصغيره بالامعاء جربي تاكلين بالغده وبالعافيه كووووووووووووووووووكي حبحب والله اشتاقينالج الله يساعدج هسه صايرة ملحمه ابيتكم خطيه لولي هسه بس يفرفر براسه يكول هاي شكو ابيتنه كولهة ملتمه..هههههههههههههههه ومنتظرين جيتج حبي لااطولين يسوره ماكو..؟؟ مشتاقيلهة..وصعوبه ام لسان,, وغنى ودلوعة زوجهة وام سموره وباقي البنات يارب يكونون كلهم بخير بنات اعذروني والله مسطوره سطر البارحه زارني ابن عمي ابيتي وزوجته واطفاله اربعه كلبو البيت على راسي والله ماظل شي ابمكانه ولا طبو اله وكلبوه حتى تكرمون التواليت طبو الهة وفرغو ابطالة المنظفات والتعقيم ومابقه مجر مفتحوه وشافو شكو بيه يبوووووووووووووووووو والله من راحو اني 3 ساعات اعزل وراهم وانظف انكسر ظهري وفوك القهر لاالام ولاالاب يكوللهم اكعدو بابا عيب واني ساكته استحي احجي اكوللهة خليهم خطيه .. طبعا احنه ماعدنه بالبيت بس اني وزوجي وعمي وهم مشايفين هيج هوسه رادو يتخبلون.. كعدت اليوم الصبح احس هوسة البارحه عبالك بعدهة براسي.. يالله الحمد لله على كل حال ادعولي بنات والله اريد اجيب وارتاح لانه تعبت..وعندي امتحانات وشغل البيت.. |
رد: تجمع حوامل العراق واتمنى اكو احد موجود
هلووووووووووو
نجوله حبيبتي تسلميلي يالغاليه وشكرا على مدحك بنتي هع هع رغم اني اكول شكلها عادي بس دمها محبوب وكل من يشوفها يحبها والكل اخذ معاها صور في العمره سعوديين وسوريين وايرانيين صارت مشهوره ههههههههههه وان شاء الله تسهل ولادتج وراها تحملين ببنوته مثل القمرررررررر والله يساعدج على الخطار الوكحين انا زوجي (كبحي)اذا اجاناه خطار وعندهم صغار وكحيين يكله لو تصيح بابنك لو بعد اترجاك لاتجيبه وياك هههههههههه ودايما يسويها حتى لو ناس غرب لو اخواته وانا اموت من الفشله لاني استحي ومااصيح بس هو لا متعود على الهدوء وميحب الازعاج ايه بلعافيه على البرغل انا راح اسوي كبه برغل بعد شويه وتعالي بالف عافيه تعشي وياي كوكي الله يساعدج هوسه الحج متخلص وطبخ وشغل مضاعف الله يكون بعونج يسرى شلونج حبي وشلون رودينه رحوبه شلونج وشلون جهالج الحلوووووووووين مهاوي حمدلله على سلامتج وطمنينه بسرعه بالي يمج حبي ام سمر ودلوعه وصعب وغناوي وقمر بغداد وجوهره وعذراء ونورس شلونكم اخباركم ياحلوووووووووووات |
رد: تجمع حوامل العراق واتمنى اكو احد موجود
السلام عليكم شلونكم حبيباتي شاخباركم
ام أيهومي شلونج وشلون الحلوات كلهن بلا إستثناء بناااااااااااااااااااات أنا ماأحس بأعراض الحمل المتعارف عليها بس عندي دوووووخة خفيفة وألم الرأس والظهر وبطني حيييييييل مشدودة ومتقلصة وبعض الأشياء كرهتها بعد ماجنت احبها حيل مثل الشاي .... يعني ماعندي غثيان ودوخة وتقيؤ ولعبان نفس ....شنو السبب؟؟؟ الدكتورة قالتلي تجيني بداية الشهر الثالث يعني الشهر الواحد بالسنة الجديدة 2012 |
رد: تجمع حوامل العراق واتمنى اكو احد موجود
اهلين نوناتي عيني شي طبيعي انا بحملي بنتي كلشي محسيت
وبس دخلت الثالث صارت الدوخه ولعبان النفس والغثيان فلا تستعجلين كلشي بوكته هههههههههههههه صحيح عرفينه عليج شويه يعني السيره الذاتيه انا ايمان ام بنونه القمر هع هع عمري 26 سنه وعندي بنوته و3 اسقاطات وصارلي 5 سنين متزوجه واي سؤال انا حاضره |
رد: تجمع حوامل العراق واتمنى اكو احد موجود
حبيبتي إنتي تسلميلي انا نور 25 سنة متزوجة من 5 سنوات مثلج
و3 إسقاطات مثلج وهذا الرابع ويارب يثبت بدون علاج ولاأي أدوية يعني طبيبعي ويارب يرزقني ويرزقج ويرزق كل محروم بالذرية إللي يتمناها وربي يخليلج الأمورة ماشاء الله عليها ماقصرتي حياتي |
رد: تجمع حوامل العراق واتمنى اكو احد موجود
مساء الخير حبيباتي انشاء الله الكل بخير
|
رد: تجمع حوامل العراق واتمنى اكو احد موجود
الحمدلله عذراء إحنا بخير
أنتي شلونج |
رد: تجمع حوامل العراق واتمنى اكو احد موجود
كوكي
يسرى نورس غناوي ام ايهومي رحبوة ام سمر قمر بغداد جوهرة دلوعة صعب ايمان شلونجن مشتاقة لسولفجن |
| الساعة الآن 07:39 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .