رد: سيدات ليبيا الحبيبات ..تفضلووو
 

مليت من المباني من كل جيهة

خاطري في هواء نظيف مش عارفة انحس بي هواء ليبيا انظف

اقل شي في الزاوية جو الجوايز والتربة النظيفة وين مايخطر علي بالك اتقعمزي

اما هنايا حتي في البارك الحدائق العامة في المعشب

بس نخاف يكون عاملها في كلب حاشاكم

هههههههههه

رد: سيدات ليبيا الحبيبات ..تفضلووو
 

ام فروسي كل حاجاتك حلوة ونويزكة

بس كل اللي حكيتي عليه قعد في خاطري

لو تعرفي بيجامات حلوات علي الامازون وواخدة منهم قوليلي عليهم

نبي ناخد هنايا مش حلوات نهائي حتي متاعات فيكتوريا سيكرت ماعجبوني

وانا اللي عندي حسيتهم بدوا يضغطوا علي بطني

رد: سيدات ليبيا الحبيبات ..تفضلووو
 

يـــــــــــــاهلا بسالي

وين هالغيبات

ان شاء الله مش تكون طلة وبتطلعي

الله يبارك فيه ان شاء الله واخدة احتياطي

وناكل بس الترجيع مش مخلي حاجة في بطني لدرجة حتي الأمياه نرجعها

ان شاء الله ياسوسو تحصلي في قرار المعيدين

بالنسبة للشروط ياسالي كذب عليك

في من لايستوفي الشروط وياخدوا عادي

رد: سيدات ليبيا الحبيبات ..تفضلووو
 

الله يابرك فيك ام معاذ

ماشاء الله سالي ربي يحفظهملك

سبحان الله كم الايام تمضي بسرعة من عمر الواحد

رد: سيدات ليبيا الحبيبات ..تفضلووو
 

هلا جيجي

شن اخبارك واخبار اميراتك واخر المقالب معاهم

طبق ولا اروع ام فراس

صحتين علي قلوبكم

رد: سيدات ليبيا الحبيبات ..تفضلووو
 

وينك هدهودة ,,,,,,,,,,,,,,

رد: سيدات ليبيا الحبيبات ..تفضلووو
 

حتي roman originals
دورتها مافيش ياريت صورتها

رد: سيدات ليبيا الحبيبات ..تفضلووو
 

صباحووووووووو

رد: سيدات ليبيا الحبيبات ..تفضلووو
 

يامرحبا بجيجي
والله يبارك فيك ولايويريك باس عزيزتي..

رد: سيدات ليبيا الحبيبات ..تفضلووو
 

جنوده معقوله خاطرك ف لبان مرررررررر ..؟هههه

المر المر واعر ياخيه

بس لبان العادي اهو كنت نمضغ فيه ديما ف فراس
خصيصا عمتي (ام زوجــي قالتلي يخفف م وحم)

ماكانش وحمي قوي الحق ترجيعه ف صبح

بس كانت مشكلتي ف حملي سواء او لولي

انهم كانو ثاني وثالت شهر اللي يقوا فيهم دواخ
ف رمضااااااااااان بس




بالنسبه للبيجامات ناخد فيهم من محل مشهور هنا بريطاني
بملابس البيت والنوم
مريحات جدا وقطنيات ميه ف ميه

وكل موسم ينزلوله هذوما لي مره صورتهم عشان سوسو

بس للاسف زهايمر مانزلتهم زي صور متراكمه وجا زوجي
القا نقال معبي مسحهم خخخخ قالي مش معقبه شئ وماتصوري فيه

قت اكيد مصورتهن اخواتها ودزتهن لهم خلاص






بس يا جنوده هم هناااا يهتموا بالحامل وبملابسها بشكل لايوصف

عندكم ماذر كير ولالا عليك حاجات فيه روعه للحامــــل..........

لين قت ياريتتي حملت هنا وصبرتي يا الاء ماجيتيش بدري خخخخ

الحمدلله ع كل حال

رد: سيدات ليبيا الحبيبات ..تفضلووو
 

رومان مالقيتيش..؟؟ ف امازون
معناها مش متوفر ف اي بي اميركا


http://forum.hwaml.com/imgcache2/hwa...328255_178.jpg

بس توا نحطلك رابط الموقع ببريطانيا لو عجبك شئ يمكن يوصلوا لامريكا..؟

والصور كيف ماتقولي مانعين النسخ متاعهم عشان التصميمات حصريه لهم

نفس جو الدبنهامز واغلب مواقع هنا


هذا خديته يهبل وخامته حلوة تمشي مع حممونا ب ليبيا

هههه هذا مقياسي للشراء ديما الخامه

http://forum.hwaml.com/imgcache2/hwa...328254_235.jpg

بالاضافه ان طويل وفيه كاب كم يقولوله\

http://forum.hwaml.com/imgcache2/hwa...328254_727.jpg\
هذا خديته لاختي وخديت منه ع دمي لاختي صغيره عجبهااا



وللاسف هذينا من قوقل من موقعهم مانعين النسخ مافيش فائدع ع محاولات

رد: سيدات ليبيا الحبيبات ..تفضلووو
 

هذا موقعهم اقل شئ مايقعدش ف خاطرك بم انك حامل
تفرجي حتي تفريج بس

http://www.romanoriginals.co.uk/page/home
بالنسبه للخامات ع ضمانتي حاجه رووووعه..

وحتي الانجليزيات عشان دبش غالي عندهم

يعتبر هذا رخيص عندهم وديما يشكروووووا فيها

توا منزلين دبش الصيف يعتبر بسيط اكثر من موسم ربيع
والشتا قبله ممكن تلقي منهم شوي حاجات ف جهة السيل

رد: سيدات ليبيا الحبيبات ..تفضلووو
 

السلام عليكم ورحمة الله

رد: سيدات ليبيا الحبيبات ..تفضلووو
 

كيف حالكن ياحلوت ..

حبيت انسلم .. اشويات ونرجع

رد: سيدات ليبيا الحبيبات ..تفضلووو
 

اهلا بيك يا ام فراس كيف حالك وحال عويلتك
جوهرة حتى انا من طرابلس مواليد 91 وعندي ماشاءالله تبارك الله اربعة صغار>>>تخمس على روحها
وقريبً نطق اربعة سنين زواج
وينً يقين يابنات من شافها او سمع عنها اخباااار

رد: سيدات ليبيا الحبيبات ..تفضلووو
 

رد: سيدات ليبيا الحبيبات ..تفضلووو
 

رد: سيدات ليبيا الحبيبات ..تفضلووو
 

السلام عليكم ورحمة الله وبركاته
كيف حالكم كلكم سامحوني مانقدرش نعلق عالردود خاشة مستعجلة نبي نفضفضلكم ونبي مساعدة والله نبكي بدموعي ونكتب
اختي العروسة قاعدة علي ماهيا عليه مافيش جديد وقبل شوية خبرتني اختي الثانية قالت جابوبها شيخ يقرأ عليها وقاللها شاربة سحر حسبي الله ونعم الوكيل في هالناس اللي ماتخاف ربي قالت والله يقرأ عليا واني نرعش ونبكي بأعلي صوتي ونحس في روحي في دوامة وكأنه حلم وقالت رجعت حشاكم وقالوا حماواتها شفنا يوم الدخلة في الليل مراة مقعمزة علي جنب وابصر شني تقطع في شبشب اسود قطع قطع صغار استغربوها بس كانوا وقتها مشغولين وماعطوهاش اهمية ماخطرش علي بالهم بكل
والمشكلة قالت كارهة حوشي وراجلي ولما نمشي لحوش شيابيني نحبه عادي وجوي مليح ونضحك ولما تروح نفسيتها تتعب وتبكي
ولاحظتها حتي قبل العرس بفترة بسيطة مش علي طبيعتها تقولي كرهت خطيبي وندمت إني وافقت عالعرس ومعاش خاطري نرد عليه نسمع في صوته زي الشيطان اعود بالله منا ونحسابها من الخوف بس ولانها حاساته بعدها علي اهلها قعدت نضحك عليها ونقووللها طبيعي مشاعرك توا ملخبطة توتر وتعب وجري وتجهيزات وتخميم في الزواج في حد ذاته
اتاري القصة اكبر من هكي
عموما طمنها للشيخ قاللها طالما رجعتي كويس ووصاهم يفتحوا سورة البقرة ديما وان شاء الله خير يارب اشفيها شفاءا لا يغادر سقما
والله مشغولة وخايفة عليها مووووت نخمم فيها مسكينة منين جاها هالشي اللي لا عالبال ولا الخاطر وبوي وامي مساكين مايرقدوش من التخميم وطبعا امي ملخبروهاش مايبوش يرعشوا العريس خبر بوي بس وربي يستر والله قلبي معاها ادعولها بالله عليك وجعتني اعريس ماتهنت بايامها حتي الاسبوع ماحنت ولا شي وماهيش جاية لاهلي حاليا لين تمشي امورهم علي خير
يااااااااارب مالينا غيرك يارب من اراد بي او بأهلي سوءا فاجعل كيده في نحره واجعل تدبيره تدميرا عليه

رد: سيدات ليبيا الحبيبات ..تفضلووو
 

رد: سيدات ليبيا الحبيبات ..تفضلووو
 

السلام عليكم صباح الخير
بارك الله فيك جيجي الغالية علي الدعاء والنصائح ربي يسمع منك يارب ويحفظك انتي وعويلتك من كل شر
والله من لما سمعت واني في عالم ثاني سرحانة ونتخايل فيها قدام عيوني ماراحتش من بالي وجوي تعكرررررررر وشادة علي لساني حسبي الله ونعم الوكيل وبس حتي راجلي خاطري منخبره لساني ارتبط ماجتنيش الجرأة ماعرفتش كيف نبدأ وشن نقول مش مصددددددقة ربي يفرج عليها ياااارب
عندي كأني سمعت هالقصة علي حد بعيد ماكأنه هالشيييييي صار لاختي

رد: سيدات ليبيا الحبيبات ..تفضلووو
 

السلام عليكم
لاحول ولاقوة الا بالله العلي العظيم
ناس معادش تخاف ربي
ربي يشفي اوخيتك هدية
وتقوي ايمانها بربي
ديرولها رقية
وان شاء الله تتحسن
ماتعطيش للناس الضعيفة هذه مبتغاهم بانها تبعد عن زوجها
كلميها ووعيها وقوليلها ماتسمعش وسوسة الشيطان وتستغفر ربي
وان شاء الله هيا زوجها يتغلبوا علط المحنة هذه

رد: سيدات ليبيا الحبيبات ..تفضلووو
 

كيف الحال ام فروسي
تعرفي اللي نسالها علي امازون واباي تقولي رد بالك تاخدي
منهم الصورة فيها اختلاف
وفي من مجربه وجاته حاجة عكس الصورة قصدي القماش مش كويس
مش عارفة ممةن انتم بريطانيا احسن ولا كيف مافهمت

جيجي شن اخبار السنفورات
وكيف حال الوالد ان شاء الله احسن

رد: سيدات ليبيا الحبيبات ..تفضلووو
 

رد: سيدات ليبيا الحبيبات ..تفضلووو
 

رد: سيدات ليبيا الحبيبات ..تفضلووو
 

رد: سيدات ليبيا الحبيبات ..تفضلووو
 

لاحول ولا قوه الا بالله
هدووو والله ماني عارفه شن نقول
الحق ربي يهدي هو في ناس مازلت تسحر ف هالزمن؟؟
شن غرضهم بسسس ربي يهديهم ويصلح حالهم
وانتمني تطمنينا ع اختك ان شاء الله افضل حالها توااا

رد: سيدات ليبيا الحبيبات ..تفضلووو
 

جنوده يمكن ياخدو ف الحاجات الرخاص او الصينيات يجن م صين رخاص بكل ومش خامه يعني

ام لي يفهم ف ماركات وانواع الاقمشه مستحيل يكون في غش او ياخد حاجه تجيه العكس


هم عندهم مصداقيه السيلر وكل حاجه اصلا عندك الحق ترديها....لو ماعجباتك



انا وديتك بماركة رومان اوريجنالز وعن ثقه ماركه انجليزيه خامه صح....

وفستان الخمسينات والاخر لي فيه طرف دانتيل اسود ومن تحت شيفووون

هذوما لي خديتهم من نت


اما الباقي كلهم من محلاااااات خديتهم خصيصا الدبنهاااااااامز

و لندن فاشون ومونسون لندن ...ومااارك اند سبنسر ..




وع فكره يمكن في اختلاف او اكيد

مابين المواقع البيع هنا وعندكم..

خصيصا انك مالقيتي الحاجات لي قتلك عليهم


ولو عندكم محلات معروفه تقدري تسوقي من مواقعهم

مثلا نحن الدبنهامز ك مثل بس

لو عجبني شئ فيه ومالقيتش رقمــي

نجي نشوفه ع موقعهم ..ونلقله ونطلبه ويجي بعد يوم طوول.

رد: سيدات ليبيا الحبيبات ..تفضلووو
 

الدبنهامز منزله تطبيقهم من ابل ستور

ويبعثولي ف ايميلات ومسجات

ع حاجات معينه نتبع فيهم



وعندهم خدمه استايل ادفايس


يساعدوك ف اي حاجه تناسب جسمك وبشرتك وشعرك وحتي عيونك حتي ههه



خدمه استايل هذه اشتركت فيهااا

مجرد تعبي بيانات الطول والوزن وجسمك متناسق او مربع الخصر او عريضه

ولون شعر وعيون بعدها يعطوك ماركات تختاري مفضله عندك

ويعطوك صور ملابس تختاري لي ما تحبيهااا وهك


اخرتهااا يحطولك الالوان لي تناسبك 100 ف 100



وخلاص بعدها بعد تخشي موقع



وتتصفحي يقعد يطلع جنب كل حاجه تناسبك

فابيلوس فور يو او ستايل ادفايس

وينسولق الجاجات لي يتماشن معاها

رد: سيدات ليبيا الحبيبات ..تفضلووو
 

اوشي شخبار الحلوين ومذاكرتهم
اكيد طوارئ عندك عاد لاطلوع لا خشوش

خطرتي عليا زمان ماما ايمان الامتحااانات

ياروحي تقعد ف هي وباتي غل شن تبوا يدلعوا فينا ههه

خصيصا خويا الوسطي مايحبش قرايه

رد: سيدات ليبيا الحبيبات ..تفضلووو
 

جيجي شخبارك واخبار اسرتك الكريمه\
ان شاء الله الوالد حاله أحســـن توا ..؟.؟

رد: سيدات ليبيا الحبيبات ..تفضلووو
 

اثري يا اثري اين أنتي يا أثري هههه


حلمت امس انك خاشه تبشري فينا بحمــل ..؟؟

ان شاء الله خــير

رد: سيدات ليبيا الحبيبات ..تفضلووو
 

السلام عليكم

كيف الحال بنات

انا يوم الخميس تعبت في المعهد , شربت عصير في الفصل بديت نحس بدوخة طلعت رجعت

وخشمي في دم وقلبي ينبض بسرعة

مشيت لمستشفي الجامعة قالت مانقدرش نديرلك شي لازم تمشي لدكتورتك

اتصلت بالدكتورة طبعا ردوا عليا الاستقبال قالت توا نسال الدكتورة لو تقولك تعالي او امشي للمستشفي

استنيت شوية اتصلوا بيا قالو تعالي

شن هذا والله مرات من النظام لين مزودينها

ماتمشيش للايميرجنشي الا بما بتموتي

والدكاترة كلهم بالمواعيد

مهم مشيت القتني ناقصة 4 كيلوا

وانا عندي امساك

صراحة عقدتني الدكتورة قلتلها عندي امساك قالتي طبيعي لو تبي نعطيك ملين

شن هوا حسب راي انا انتي الدكتورة وتفهمي

مهم قالتلي تبي نبعثلك للمستشفي يعطوك تغذية قلتلها اكيد نبي نعوض شوية

واعطتني عطلة اسبوع من القراية مشكله المعهد هدا قوانينه صعبة مايعترفوش باذن غياب

مشيت للمستشفي ودارولي تغذية

وزيادة درولي تحاليل دم الممرضة جت قالتي كل تحاليلك كويسة ماعدا عندك انخفاض في هرمون الغدة الدرقية

جت دكتورتي سالتلها عليه قالتي عادي يصير هيك اثناء الحمل

لما روحت قريت عليه في النت القيت انه ياثر علي ذكاء الطفل

بالله شن بندير مش مفروض تعطيني علاج يعني هرمون يعوض النقص هدا

وموعدي الجاي 6\5

بنتصل غدوة ونسال علي باقي التحاليل

بس هما من قبل لما نتصل نسال علي نتائج التحاليل مايعبروش فيا

قلت لراجلي هدا موضوع خطير مرات نقول اني تعبانه هلبة ونبي نشوف الدكتورة هيا كذبة بس هدا موضوع خوفني


مني عندها فكرة بنات

قالولي عصير الجوافة والزنجبيل ينقص من الوحم مني منكم مجرباته

رد: سيدات ليبيا الحبيبات ..تفضلووو
 

وبنبعث ايميلات لكل اللي يقروا فيا نشرح وضعي واني عندي راحة اسبوع

والله ماعاد نقدر نتحمل فوق من طاقتي داخل الفصل نبدا قريب يغمي عليا ومتحملة

صحتي اهم

بس المشكلة لو داروني غياب راح يكون اقل من 80 في المية وهكي الاي تويني متاعي بيتاثر

رد: سيدات ليبيا الحبيبات ..تفضلووو
 

والمشكلة شني دارتلي تحاليل شاملة اول الحمل

وقالت كلها تمام

انا خايفة انه قصة انخفاض هرمون الغدة طالعلها من قبل

وماعبراته

كله عندها طبيعي يصير اثناء الحمل
يرات في
باهي طبيعي لكن يحتاج لعلاج فيه جنين في الوسط يتاثر باي تغيرات في جسمي لو جت عليا انا

نتحمل في روحي وخلاص

رد: سيدات ليبيا الحبيبات ..تفضلووو
 

السلام عليكم ورحمة الله وبركاته

رد: سيدات ليبيا الحبيبات ..تفضلووو
 

كيف الحال والاحوال .. ان شاء الله اموركن كللللللللللللكن طيبة وباهية

رد: سيدات ليبيا الحبيبات ..تفضلووو
 

لاحول ولا قوة الا بالله العلي العظيم ..

ربي يشفيها شفاء لا يغادر سقما .. عندي ملاحظة هدية بحكم تجربتي الخاصة

1- لايعني انها رجعت معناها تخلصت من السحر فالسحر قد يكون ماكول او مشروب او تخطي

او مشموم او مسموع وكل واحد طريقة خروجه تختلف والاهم من الترجيع هو اخراج خادم السحر

من الجسد وذلك بالرقية الشرعية الخاصة بالسسحر سماعا وشربا ودهنا

2- الله الله الله في صلاة الفجر والاذكار الصباحية والمسائية والنوم

وسورة البقرة لو قدرت تقراها عقب كل صلاة فجر وسترى العجب العجاب

3- الصدقة وما ادراك مالصدقة

4- الاستغفار والحسبنة وقول لا اله الا الله وحده لا شريك له له الملك وله الحمد وهو على كل

شي قدير

5- قيام الليل ولو بركعتين

6- الدعاء والتضرع لله والبكاء بين يديه

وربي يشفيها ويتدنصرها على اعدائها ويقوي عزيمتها




اخباري تمام ياحلوة ..

وانت شن اخبارك توة والعيال وبوهم .. والتعب في الامتحانات مانحكيك

ان شاء ربي يرد تعبا ويكافينا بنجاحهم


هلا حبوبة ..

ربي يعنيك وان شاء ماهناكش سو .. والدكتورة احكيلها بكل شي اتحسي بيه حتى مخاوفك

وربي يتمملك علي خير ويرزقك ربي بطفل سليم ومعافى وبكامل صحته


بالنسبة للزنجبيل والعسل هذوم عن تجربة يخففو الوحم والترجيع

كنت بنكتبها لك من قبل بس المباوعة السريعة دايرتها في

وقبل ماننسى المضغ بالماستكة او اللوبان راهو يسببو في سماكة جدار الرحم

وبالتالي مايكونش فيه لية وربما تتعسر الولادة .. بعيد السو عليك

ان شاء الله نسمع عنك الاخبار الطيبة

ولا ضر من الرقية

رد: سيدات ليبيا الحبيبات ..تفضلووو
 

جيجي شخبارك ياقمر انت وقوراتك

رد: سيدات ليبيا الحبيبات ..تفضلووو
 

سوسو ..

اخبارك ياحلو انت العيال

رد: سيدات ليبيا الحبيبات ..تفضلووو
 

سوسو ..

اخبارك ياحلو انت العيال


اثورة وينك ياعسل ان شاء الله غيابك خير