|
رد: تجمع سيدات وبنات المغرب..
salam haboubati kifsbahto ntouma wa wlidatkoum wa lakrichat labas 3likoum asouma ahbiba lah isam3ak khbar lkhir chouchou lah ichafik ahbiba wai3afik dounya kifsbahti nti oamira laila khadija kawtar siham douha fati flor ntmana tkouno labas 3likoum
|
رد: تجمع سيدات وبنات المغرب..
haboubati 3afakoum bghit nsawalkoum 3la hsab tal9ih ana gali docteur hata twaldi 3ad ghada dirih ana sma3at chhal man wahda kadiro filahmoliya
|
رد: تجمع سيدات وبنات المغرب..
واحد السلام عليكم ،اش خباركم يا بنات وخبار الكتاكيت الغزالين المشاغبين ديالنا وخبار البيبيهات فالكريشة انشاء الله تكونو بخير
انا الحمد الله لباس عليا اسول فيكم الخير ومروتي والمشاغبة فالكريشة حتى هي فينما تضربني الفيقة ملي نكون ناعسة تفيق حتى هي تبدا جيمناستيك ديالها الحمد الله والبارح داز مزيان سبحان القدرة الالهية حسيت بالجوع شوية وخا ماتعشيت ومتسحرتشولكن النهار الحمد اللله داز مزيان دندن مبروك العربية فالجهاز ،اش خبارك برا الراس شوية والضهر اشنو كالوليك ملي دوزتي عليه ، وكيدايرة امورتي لباس عليها كنتصورها بحال شي قطيطة فنيكيشة وهي كتبوسك ربي اخليها ليك ويرزقك شي حمالة بوليد لي اخاويها ويونسها ، مروتي صافي راها خدات الديبلوم مبقاتش تغسل الماعن حيت مبغيتش نضصرها كل نهار تولي جارا لي الكرسي وترجع لي الكوزينة بيسين هههه اسوم حبيبة الحمد الله لي المورال مزيان دابا، الله اسمعك خبار الخير ،وانشاء الله ربي غدي ارزقك شي ولييد حلييييلو ممنوش شوشو بصحة التحويصة المبكرة ،اش خباركم اختي نتي والكتاكيت ديالك لي الداخل ولي خارج الكريشة ، كوليلي ختاريتي سميت ايمن زوييينة الله اجيبو على خير ويرزقك انشاء الله ويانا فكاكة ساهلة ماهلة سهام كيديرة وكيداير المشاغب الله احفضو ليك لي مفيقك بكري وكيدرتو مع سيدنا رمضان ، ديما كنبغي نجاوبك على ود الجلبة لي درت حتا راجلي نفس التفسير ديالك لي عطاني ولكن انا ملي قلبت فالنيت لقيت هادوك المعلومات لي كلت ليكم وحتى فاش سولت ساج فام داك نهار فاش درتها بقات كتشرح لي بداك الفوكابيليغ ديالهم مفهمت والو توكلت على الله ودرتها حتى راجلي مكانش معايا ديك ساعة ضحى كيف دايرة وسي نجيمو وقيييييلة راه باغي الوناسة الله اجيب لي فيه الخير اختي زوزو اش خبارك وخبار النونو وكيف داز نهار الاول فرمضان ياك مجاك قاصح لولي لباس عليك اختي وخبار جنى وخوها ، كوليلي مبقيتيش مشيتي المغرب ياك لباس كوتر دلوعة التجمع كيف عاملة وخبار شهودة كتكبر شوية واش كترضعيها بعدا سهام غبرات الله اسمعنا عليها خبار الخير والله اعاونها على المسولية دوليتاتها ودارها فاتي لباس عليك اختي وكيدايرة الكريشة فهاد رمضان ، معرفتش واش جاوبوك البنات على ود المشاش لي عندك ولكن عادة مخصكيش تحتاكي بيهم ونتي حاملة ، والله اشافيك من الافرازات لي عندك . البنات الغيبات انشاء الله اكونو كلهم بخير ووليداتهم حتى هما.حنان وسناء وبشرى ونوال غبرات بمرة ... |
رد: تجمع سيدات وبنات المغرب..
السلاﻻﻻﻻﻻم حبيباتي هنا جيت توووووووحشتم كيف دوزتو النهار اﻻول فرمضان ماشاءالله عليكم والله يقويكم
اسماء الله يسمعك خبار الخير وان شاءالله راه مغيكون غير الخير ضحى ياضحى هي نقولو مبروك يااااااربي تكوني حاملة وتجيبي شي امورة تخاوي نجيمو ياربي امين شيماء ميكون عندك باس اختي الرجل راه عادي انا زيديني عليك راني فحال شي مهرسة خثني غير العكاز الله يشافيك ويتمم ليك ولينا على خير انوسة خرجاتليه الكوشة غير من الحليب اللي شرب حاولي من تفيقو للسحور مديروش الصداع باش ميفيقش ليك البنوتات ﻻخرين كلكم سﻻمي لكن ولبيبيهات ديالكم انا عجبني اﻻقتراح ديال اسماء نتشاركو مع بعضنا طبلة الفطور ﻻكلشي موافق نبداو باذن الله انا البارح وكيف عارفين منقدرش نصوم على حساب الكﻻوي اللي ناشفين ليا لبارح وخا شربت غير تقريبا نص لتر مكليتش غير نص لتر دالما واجيو تشوووفو ختكم بايتة كنتقطع بالوجع على الصباح فاق راجلي مشا جابلي الدوا حززنت بزاف غير محاولة وقع لي هدشي ياربي اغفر لي كون غير الحمل نصوم المشكلة هوما الكﻻوي ايوا ماشاء الله قدر الله وما شاء فعل ربي يسمح ليا المهم وجدت الحريرة طلعاتلي ميااام فنة وشنيك بالكريم باتسيير ليسيكار جبدتهم قليتهم والمسمن كملتلو الطياب وعصير واتاي بالنعناع تمر وشباكية وسلو هادشي اللي عطا الله والحمد لله على نعمه |
رد: تجمع سيدات وبنات المغرب..
ديديجة خلي الحادكة ديالنا تعاونك الله يخليها لك أختي مزياااان مرة مرة توريها باش تكب عارفة بان خصها تساعدك ﻻن ياختي فهاد الوقت تنشوف البنات متيساعدوش ماواتهم غير اﻻم اللي تطير مسكينة بوحديتها الله يصلح لينا ذريتنا جميع يارب ويفرحنا بيهم اللهم آمين
|
رد: تجمع سيدات وبنات المغرب..
ماشاء الله تبارك الرحمن عليكم يابنات سورة فالنهار انا قريت جزئين واليوم نبدا فالثالت إن شاء الله ربي يجعلنا من العتقاء من النار ونبقاو هكدا ان شاء الله فرمضان ةبعده
ايوا قبيلة غفلت على جنى مشيت بسرعة ورجعت خليت القرآن فين كنت جالسة ركعت لقيتها قطعاتلي الصفحة اﻻخيرة من الفهرس ربي يغفر لي مكنتش ناوياها تمشي ليه |
رد: تجمع سيدات وبنات المغرب..
دندنتي مبروك العربية فالطاب واخييييرااا ووووي هكدا تهنيتي من العرنسية
|
رد: تجمع سيدات وبنات المغرب..
عندي واحد المكينة خصني ننشرها نوض ونرجع ليكم
اه فاتي كيف قاتلك خديجة خصك تبعدي من القطوط انا هوما سبابي فست شهور عاد جاني ﻻطوكسو المهم داكشي أمر الله قتلوني غير بالخلعة الحمج لله بنتي جات بخير وعلى خيير مفيها والو الحمد لله انا مبغيتكش دوزي من تجربتي ﻻن فعﻻ اﻻطباء تيخلعونا على والو الله يتمم علينا وعليكم بالخير ويرزق كل منتظرة |
رد: تجمع سيدات وبنات المغرب..
اقتباس:
chkran khtito dyali ana daba ditha mskina lelmarsa hiya w wlidatha bnti hiya lwla khaft bzaaf wakha fsaraha b9a fiya lhhal bzaaf |
رد: تجمع سيدات وبنات المغرب..
lbnat kif sbahto okiif 3amlin m3a syam kanchof had nhar kolchi hadar ama lbarah kolchi hrab hh ana barah tabla dyali kan fiha reghifat m3amrin blkhodra okefta o reghayif m3aslin blawz ochebakiya osfof o tmar olhrira obessbosa olhlib ol3asiir kliit bzaaf omn ba3d ma9darrtch nod fl3xa 3mlt rir jdad filiti otema b9aw m3a frota lma howa limachrabtooch hhh
|
| الساعة الآن 11:06 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Friendly URLs by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .