المشاركة الأصلية كتبت بواسطة razan.alhadad (المشاركة 2491735)

المشاركة الأصلية كتبت بواسطة الخمائل (المشاركة 2491790)

السلام عليكم
يوم الاربعاء الماضي حسيت بطلق خفيف من 8ص وانتظرت ولا خف كل ماله يزيد
رحت لدكتورتي بالخاص وسويت سونار وقالت كل روسهم تحت واوزانهم كل واحد كيلوين وثلاثميه
وعطتني ابرة الرئه الجرعه الاولى ..وقالت تاخذين الجرعه الثانيه يوم السبت
اخذت الابره ورجعت للبيت وجات الساعه 5العصر ماقدرت اتحمل الطلق رحت لطوارئ المستشفى الحكومي
استقبلوني هناك وقالت الرحم مفتوح 1سم وعطتني مهدي للطلق ونوموني علشان يعطوني من البكره ابره الرئه الجرعه الثانيه
عطوني الابره الساعه 2بالليل ..وبطني كله مشبوك بجهاز التخطيط كل مازاد الطلق عطوني مهدي علشان يكتمل مفعول ابرة الرئه
والابره هذي سببت لي ارتفاع بالسكر مصوميني وعلى المغذي
ليلة السبت 12بالليل صار الطلق حار ودفع ووقت متقارب جدا
ونزل معي سدادة عنق الرحم ..صبرت ولا ناديت الممرضه ..
ومن جات الساعه 5الفجر يوم السبت ناديتها وهي الممرضه نادت الدكتتوره المناوبه وعملت فحص داخلي قالت 8سم وسحبوني بسريري لكشك الولاده
طبعا هالغرفة كانت مخصصه لي ومحجوزه من جيتهم الاربعاء باسرة حضانه البيبي الحضانه المركزه
عدلوني ع سرير الولاده وسوت سونار لقت راس البيبي الاول تحت ..والثاني مقعدي
بدا الدفع معي وصرت ادفع بقوه وطلع الاول ..وكان بكيس ومشيمه
وبعد تقريبا 23دقيقه بدا الدفع للبيبي الثاني ولانه مقعدي الممرضات صارو يحركون بطني ويضغطون عليه من نحت واللي تضغط من فوق
وتحول راسه تحت ونزل وكان اكبر من اخوه 150
اخذوهم للحضانه المركزه ع طول وحطو اكسجين عليهم
وانا عملو خياط تمشيه حال الله يسامحهم وحمموني وطلعوني غرفة التنويم الساعه7ص
وجلست معهم الى يوم العيد11الظهر وكتبو لي خروج
وعيالي للحين بالحضانه وطلبو مني ارسل لهم حليب من صدري ع قد مقدر
وللحين معي طلوق علشان يرجع الرحم
صرفو لي كالسيوم وحديد
هذا كل اللي صار معي
طبعا تعرفون كنت بالاسبوع32 وقالت انك داخله الثامن بيومين
والحين انتظر عيالي وهم بصحه وسلامه

المشاركة الأصلية كتبت بواسطة ( غلآ ) (المشاركة 2492919)

رضاك ربي
كيفك وكيف العروساااااااااااات
طمنيني عنك ماشاءالله عليييك وافيييه لتجمع
وين البناااااااااات ( عزتي بايماني واسماءف وام رفا وام عائشه ورجواي ........الخ )

ومبرووووووووك لكل البنات الجدد اللي ولدوا والله يسهل حمااااال الباقيييين ويقومهم بالسلامه
رضاك ربي حبيبتي مافكرتي تحملين مره ثانيه وتفرحينااا ؟؟