|
رد: سيدات ليبيا الحبيبات ..تفضلووو
اني عندي عزومة تمانية رجالة ماشاء الله درت رز بالبصلة وطاجين وامبطن وعجنت بيتزا ملفوفة وبس
الرز طاب والطاجين حتي هوا وتوا نقلي في المبطن ومازال البيتزا الملفوفة اخر حاجة منخليها وقاعدة الساعة اتنين مازاااااال الوقت لكن اني نحب نبدأ بكري ونطيب كل شي ونحطه في صواني السلفر ونسلفره لقبل العشي بنص ساعة نسخن فقط هكي اريح واسهل من الجري الحق وحتي واحد يطيب بكري ويذوق باش يضمن الحاجة تجي باهية ويسعف روحه لو انحرق شي او فسد لسمح الله المهم والله بديت من التسعة واني واقفة نحس في ضهري والدورة قاعدة ماجتش غايبة ليها ثلاثة ايام ونحس في مغص خفيييييف ووجع ضهر مرة مرة نجي نمتد ونرتاح قلت بالك في حاجة عالاقل نحافظ علي روحي مع إني الشهر هذا ماخليت مادرت رياضة عنيفة وتنقيز وحولت ضروس العقل درت بنج وخديت عرم ادوية يستر الله عموما نحس فيها حتجي من التعب اليوم ماانظنيش حمل لانه اديرلي فيها العملة هادي قداش مرة هههعههه ان شاء الله خير |
رد: سيدات ليبيا الحبيبات ..تفضلووو
هلا بيك هدهودة ,, كيف حالك ..
لا ياجنودة نقصدك أنت بس الباين أني غلطت اسفة ,,, والرز نقصدلك اللحم ,, لحم خروف على كبره يحطوا فيه فوق الرز زي يللي مثلا نحطوا فيه فوق الكسكسي.. |
رد: سيدات ليبيا الحبيبات ..تفضلووو
دهودة ربي يعاونك ,,, ياريتني جنبك راهو جيت عاونت عزيزتي ,,
وعلاش ,, مشش قلتلك ماتكثريش على العموم ربي يعاونك .. وعلاش الرياضة العنيفة ربي يهديك... ياستي إن شاء الله تطلعي حامل يااااااااارب.. أنا مازال يومين على موعدها وإن شاء الله ماتجيش.. |
رد: سيدات ليبيا الحبيبات ..تفضلووو
توا نت في أي إسبوع جنودة ,,
جو أحلى حاجة لما تبدي تابعي في تطورات طفلك إسبوع بإسبوع ,, أنا زمان هكي ندير بكتاب أو بالقوقل ,, تشوفي كل إسبوع لما تخشيه شن يصير فيه مع جنينك .. ربي يثبت جنينك يارب ,, وييسر حملك ويسهل ولادتك.. |
رد: سيدات ليبيا الحبيبات ..تفضلووو
السلام عليكم
ورحمة الله وبركاته يا هلالالالالالالالالالالالالالالا |
رد: سيدات ليبيا الحبيبات ..تفضلووو
منو موجـــــــــــــــــــــــــــــــــــــــــــــــ ود ؟؟؟
|
رد: سيدات ليبيا الحبيبات ..تفضلووو
والله مش عارفة ياسوسو
نعرفه رز متاع اللحم الكبير بس مانعرفش اسمه ماشاء الله هدية حتي نحب نجهز حاجتي بكري لاسباب اللي قلتيها بس انا مرات لما يكون معاي حد نتلخبط بس نكون بروحي اموري تمشي تمام خصوصا مطبخي كان صغير ولايسع لهلبة ولما مرة عزمنا اهل زوجي واهلي صراحة كنت ماشية كويس ولما جت حماتي حوست لان الكوجينة صغيرة هيا ماشاء الله ناشطة بس انا هكي حسيت او لان تكثر الآراء عموما ردي بالك من روحك وان شاء الله تكوني حامل وين جيجي اشتقني لحكياتها سوسو كيف كنتي اتبعي بالاسبوع حطيلي موقع كنتي تشوفي فيه هههههه صار عندي فضول من الاسماء اللي كتبتيها وعلي اي اساس قلتي انهم خالاتي قصدي انتي حتي اسمي ماتعرفيشي عادي ولايهمك يصير الخطا خصوصا انك ماتعرفيش عليا هلبة معلومات |
رد: سيدات ليبيا الحبيبات ..تفضلووو
هلا باثري ش اخبارك
|
رد: سيدات ليبيا الحبيبات ..تفضلووو
مساء الخير .
وين هدهد شن صار فيك وعزومتك ودورتك ههه من بكري نفكر فيك. |
رد: سيدات ليبيا الحبيبات ..تفضلووو
ويييينكم خيره ماخش حد ,, اليوم ,, لابأس ..
جنودة خيرك خفتي ولا شنو حتى لو طلعتي انت شن المشكلة ,,,,, جتى أنا استاحشت جيجي إن شاء الله غيابها خير.. ياجنودة ,, انت بس إكتبي في القوقل مثلا ألإسبوع ألأول من الحمل وتلقي هلبة مواقع وتشوفي أكثر من موضوع ,, أو أدخلي على البيبي سنتر واهو هدهد قالت حتى مسجلة فيه جووو,. وصدقيني جو مش عادي مثلا هألإسبوع نلقى إن البيبي تتشكل أصابعه وهكذا ,,, |
رد: سيدات ليبيا الحبيبات ..تفضلووو
هلا بأثورة الغالية والحلوة وين هالغيبة تعالي هدرزي استاحشناك ..
|
رد: سيدات ليبيا الحبيبات ..تفضلووو
السلام عليكم
كيف حالكم كلكم حبايب قلبي مشتاقتلكم وخياتي هلللبااااااااات يارب االكل بخير وصحه خاشه من التلفون وربي مايحرمني منكم ومن كل من سأل عليا وفقدني ماتفقدوا غالي |
رد: سيدات ليبيا الحبيبات ..تفضلووو
سوسو
اثورة وجنوده هددددهد ام فروسي اوشي فيفي خوله ام معااااذ سالي ام نوزة شمووووووسه ام الوردات والكل ياااااارب تكونوا بالف خير اثورة اسمي شكله سقط سهوا مش سائله عليا في واحد من ردودك ///وحده تقيس غلاها ههههه عيوني من التلفون صعب التعامل معاه حتي الفايبر سيبته حفاظا علي عنوني معبيه دوة كالعاده بس مشكله الفضوة |
رد: سيدات ليبيا الحبيبات ..تفضلووو
ماشاااااااااااء الله جيجي صار معبيه هي تعالي فرغي ,, هيا ههههه نستنى فيك ...
والله حتى أنا بنحكلكم موقف ,,, شن جوك أنت وحال البنوتات ,, وخيره كمبويترك وينه.. هذا لفيفي هام وخطير.. ممنوع تسمية أولادك بهذه ألأسماء.. |
رد: سيدات ليبيا الحبيبات ..تفضلووو
|
رد: سيدات ليبيا الحبيبات ..تفضلووو
السلام عليكم ورحمة الله وبركاته ،،،،،،،،،،،،،،،،،،،،،،،،
كيف حالكم كلكم ونفرة نفرة ^^ والله يا جيجي وما تحلفي فيّ ،،،، علي قولة عجازيزنا الله يحفظهم اليوم وأني نكنس بالمكنسة الكهربااااااااااااااااائية خطرت علي بالي وقعدت نقول زعما نشدت عليها !!!!!!!!!!!!!!!!!!!!!!!!!!!!!!!!! والله شورني إلا قل خيري !!!!!!!!!!!!!! وما كتبتش سامحيني جيجي الغالية وانحس في روحي منقصة أشخاص مهمة وهذا باش كتبت اللي ماكتبتش اسمه معناه نبيه يتميز خخخخخخخخخخخخخخ وساد أنك معاي حتى وأني نضممممممممممممممممممممممم قوافل الاعتذار أسوقها إليكـــــــــــــــــــــــــ |
رد: سيدات ليبيا الحبيبات ..تفضلووو
هدووووووووووووووو
طمنينا ،،،،،،،،،،،،،،،،،،،،، شن صار فيك ؟؟؟ |
رد: سيدات ليبيا الحبيبات ..تفضلووو
بالنسبة لأخباري
*** عرس بنت أختي قرييييييييييييييييب 25 / 5 إن شاء الله تعالى *** كنت غاطسة في دورة " أم حذيفة " حفظها الله وكانت مش عادية ~~~ لمدة خمسة أيام أخذنا فيها شرح رسالة معنى لا إله إلا الله وشرح رسالة الدماء الطبيعية للنساء وكان الحضور طيب يتراوح العدد مابين 250 إلى 300 تقريبا ـــ المتوسط ـــ في جميع أيام الدورة واستفدنا كثيرا صغاري كل يوم ندبرلهم وين انحطهم ،،، لأن اللي يجيبوا في الصغار ما يرتاحوش معاهم سلامتهم قلت هو الواحد يدبر وين يحطهم علي خاطر حفلة ولا خدمة ما ندبرش علي خاطر طلــــــــــــــــــــب علـــــــــــــــــــــــــم |
رد: سيدات ليبيا الحبيبات ..تفضلووو
***
أول أمــــــــــــــــــــــــس جتني المرا اللي نتعامل معاها ديما قصتلي شعيراتي ودارتلي شمعة وأني درت الحلوى ولبست وتمكيجت و......................... قعدت في الحوش جي في خاطري نغير شكلـــــــــــــــــــــــــــي ~~~ |
رد: سيدات ليبيا الحبيبات ..تفضلووو
سوسو انا وبنوتاتي بخير
بس بنوتاتي مرضي شوي حلق وكحه بس اليوم الحمد لله الاب توب معادش عندي فضوه بكل صح النهار طويل بس هالايام طلعات والجو حلو كل مرا انمنكت حاجه او نقعمزوا العشيه كلها برا ونسهروا للواحد مع راجلي ونمكيج ونتغندر ووو علي قولت اثوره هههه اختي القريبه ليا هلللبه ولي تشريلي في حاجات المفاجاه زي ارواب ولوشن وهدايا لان مانطلعش الا مع راجلي بس فنعطي تاخدلي وتكون المفاجات رووعه >>>طلعت عالموضوع المهم اتقولي صح ليك كل يوم والتاني اتجربي نوع من الحوايج وتسريحه شعر ومكياج مختلف وووووو اتقولي منرقد الصغار وناخد دوش بنرقد انحس معادش عندي طاقه حتي نبتسم هههههههه اني انحب انجددهلبه ونغير الروتين تعرفوا في النهار انبدل ممكن 7 مرات واكثر هههههههههههه مجنونه |
رد: سيدات ليبيا الحبيبات ..تفضلووو
اقتباس:
بارك الله فيك عالكلمات الحلو والشعور الاحلي والله انتي في البال ديما مش غير وقت الضمان غاليتي مسموحه ميجيش بيناتنا عارفاتك صاحبة واجب ونشاده والف الف الف الف مبرووووووووك علي بنوته اختك ربي يهنيها ويتمملها علي خير ويجمع بينهم عالخير اكيد التفكير واخد حصته في شن بنلبس والموديل ووووو بنسالك جربتي القفاطين الكويتيه اخديت السبت واحد روووووووووووووووعه في لقطه حتي مغربي اسم المحل جميرة<<بضم الجيم في منه فروع واحد ف15 الطير وواحد في بو سته مستورات وفضفاضات والالسعار ولا احلي وتقدري اتشكلي في الموديلات والالوان وانتي ورايك |
رد: سيدات ليبيا الحبيبات ..تفضلووو
اثوره قداش سفهتيني في دوره ام حذيفه
قلت عليها لزوجي بس مشكلة الصغار بتقولولي عندك هلبه خوات وحوش بوك بس ماشاء الله كلهم عندهم هلللبه صغار وانخاف علي صغاري زياده ربما عالللزوم مع ان عارفه خواتي يحطوهم في عيونهم بس ان هكي الشئ لي مانرتاحلاش وبنخمم لو مشيت للدوره فنستخير ربي وربي كتبلي مانمشيش ياااااااارب مرة تانيه |
رد: سيدات ليبيا الحبيبات ..تفضلووو
بنات عندي مفاجاه
ادعولي ربي يتممها علي كل خير وحنقول عليها في وقتها ومحتاجه دعواتكم |
رد: سيدات ليبيا الحبيبات ..تفضلووو
بنحاول انرقد الاموره تبي ساعه واكثر سلامتها
وبندوش نصلي القيام لان الليل معادش فيه هدهد يارب تمت عزومتك علي خير والحمد لله حال وخيتك تمام دوم يارب جنوده ربي يتمم حملك علي خير يااااااااااااااااااااااااااااااااااااااااااااااااا ااااااااااااااااااااااااااااااارب اوشي بالنجاح للحبايب فيفي ربي يتمم علي خير ام فروسه الرجووووع القريب ربي يسخرلكم اموركم ويتمم رجعتكم بالف خير وتنوري ليبيا وبنغازي الحبيبه ربي يحفظها ويفرج عليها في القريب العاجل ام معاذ وام ورد احلي وخيات اخباركم وسنافركم خوله الف مبروك لمات الحلو ان شاء من حملة كتاب الله ام نوزه مغطسه وشموسه زعما في اي شهر نتمني من كل قلبي تخش وطمنا عليها وباقي البنات سامحوني لو نسيت حد |
رد: سيدات ليبيا الحبيبات ..تفضلووو
تصبحوا علي الف خير
استودعكم بالله الذي لاتضيع ودائعه |
رد: سيدات ليبيا الحبيبات ..تفضلووو
اقتباس:
اه الرز يوم الحفله بالذات يندااار مثلا الزفه عند هل الراجل ويمو الصاله الخاص بالحنه عند هل البنت وتوا الاغلب يديروا مشترك حنة وزفه يعني يوم الصاله رز بالخلطه وفي ناس شعيريه بالخلطه بس الغالبيه العظمي رز بس يوم الحنه الصغيره عند البنت خصيصا ف بنغازي عادة كسكسو بالبصله مع عصبان نفس مادرنا نحن ومعاهن موالح وسلطات وامسييير\ والرز بالخلطه يندار ع لحم كبار ياسوسو او شاورما لحم دارجة واجد ف افراح بنغازي بعد ترفعي صندوق السيلفر من ع الرز تلقيه مغطي بشاورما اللحم فوق المكسرات وكبده |
رد: سيدات ليبيا الحبيبات ..تفضلووو
لاباس ع الامورات جيجي
وربي يسرلك امورك ويرزقك مثل ماتمني واكثر وان شاء الله تفرحينا عن قريب بمفاجئتك الساااره |
رد: سيدات ليبيا الحبيبات ..تفضلووو
صحة ع اللوك الجديد اثوره
ما احلاها هكي التغيره فتره فتره ومبارك ع بنت خوك ان شاء الله بالهنا والرفا والبنين شريتي ولا مازال للمناااسبه؟ |
رد: سيدات ليبيا الحبيبات ..تفضلووو
جنوده ان شاء الله حالك افضل مع الوحم توا؟
والدراسه ماشيه تمام |
رد: سيدات ليبيا الحبيبات ..تفضلووو
السلام عليكم ورحمة الله وبركاته ..
كيف حالكم ,, أنا خلااااص تعبااااااااانة من بكري على كمبيوتري ,,, وتوا فتحت الصفحة قلت خلي نسلم ,, تصبحوا على خير سلاااااااااااااااااام.. نعتبر سهرت اليوم... بالسلامة.. |
رد: سيدات ليبيا الحبيبات ..تفضلووو
السلام عليكم ورحمة الله وبركاته
كيف حالكم |
رد: سيدات ليبيا الحبيبات ..تفضلووو
اقتباس:
اقتباس:
اقتباس:
اقتباس:
اقتباس:
كلامي خاش بين السطور ومش واضح ياريت ادققوا كويس بين السطور ماقدرتش نكبر الخط او نديره بلون ثاني لاني نكتب من التليفون وماقدرتش ندير تضليل |
رد: سيدات ليبيا الحبيبات ..تفضلووو
تعرفوا معاش عرفت مرات يجيني مغص قوي والم في ضهري كأنها بتنزل توا الدورة ومرات مافيش ولا عرض ليها كأني كيف مكملة منها
معادش عرفت الحق وشن بيصبرني راجلي قالي استني للسبت طالعين طالعين ناخدوا اختبار الحمل لانه في نص الاسبوع مايفضاش من الصبح نين اضلم الدنيا وهوا في المعمل مش حيطلع للسوق علي خاطر الاختبار بسسس فكرت نطلع بروحي غضوة أو نقول لجارتي السورية ونطلعوا جميع للسوق وناخده لأني مستحيل نقدر نصبر للسبت |
رد: سيدات ليبيا الحبيبات ..تفضلووو
اثري الف مبروك علي بنية أختك ربي يكملها علي خير
جيجي لاباس عالبنوتات الحلوات مايشوفوا شر ان شاء الله وربي يتمملك موضوعك علي خير وتجي تفاجئينا وتبشرينا بس تعرفي نحس في روحي عرفت شن هيامفاجئتك ههههه تقدري تقولي استنتجت او حسيت نحس في دورتك متإخرة وشاكة في روحك حامل صح ؟ ههههههه طبعا استنتجت هكي لأنه موعد دورتك نفس موعدي انتي وام فراس وطبعا مشي مخي بعيييد طول لأني نفس الوضع توا و بالسيف نبيك تكوني شاكة وحامل حتي انتي وتسايريني ههههههه أو المفاجأة إنكم حصلتوا بعثة دورة لراجلك لانك قلتي مرة انه حصلتوا في دبي لكن كنتي حامل وصعب تسافري فماصارش منها وقلتي احتمال يديرولنا بعثة ثانية ان شاء الله تطلع المفاجأة وحدة من هدوما وماانحصلش حشمة ههههههه لكن اني احساسي يصدف <<<<<شاقية بالمفاجأة ونقصقص بطريقة غير مباشرة هههههههه فروسة وينك خيرك بديتي تغطسي ومعاش تباني هلبة في شني مشسغولة بديتي توتي؟ ربي يعاونكم ويوصلكم لأهلكم سالمين يارب |
رد: سيدات ليبيا الحبيبات ..تفضلووو
جنودة شن جو الحمل معاك ان شاء الله خف الوحم شوية
تعرفي اللي تحكي عليه صارلي بالزبط امتاع الترجيع في القطار حشاك وقدام الناس والله كل طلعة ضروري مامنرجع وكرهت السيارة لدرجة لتوا قاعدة عندي الحالة لما نركب في الحافلة والا القطار نحس في روحي منرجع بس القطار قاعد اهون عالاقل يوقف كل شوية وتقدري تنزلي في اي لحظة ويجي فيسع لما تبيه مرة ثانية مايعطلش عليك المهم اني متبعة طريقة إني ناخد معاي في اكياس باش كان اضطريت منترجع في الحافلة والا القطار مانقعدش في موقف محرج وطبعا مشت فيا عادة في الحمل شنطتي ماتفضاش من الاكياس ههههه لدرجة لما منطلوا نوتي فيهم اول شي في الشنطة ومرة نسيت ماخديتش معاي وجتنتي حالة في الباص معاش قدرت نستحمل امشي حشاك رجعت في شنطتي كنت في عالم ثاني ومايهمنيش شن كان في شنطتي لكن بعدين الصدمة طلع فيها جواز السفر وتليفوني ومشوا فيها طبعا الله عليك ايام الله لا تعيدهم وان شاء الله يكونوا احمالي الثانية أخف يارب ولقيتك شاكية من دكنورتك انها ماتعطي في شي والله حتي اني نفس الشي زمان نمشيلهانبكي بدموعي ونقوللهامنموت معاش متحملة تقولي ماعندي مانديرلك مايعطوش في ادوية للحوامل وتقولي بالعكس الوحم مؤشر كويس انه الحمل ماشي تمام وهرمون البروجستين نسبته قوية في الجسم وتقولي حاولي تغيبري في اكلك بالك تتقبلي الماكلة وحاولي اديري اكلاتكم التقليدية عالاقل تتفكريها ويهونوا عليك هههههههه شن دخل الشي في بعضه علي اساس تبيني نتهون نفسيا لما ندير حاجات يفكروني بليبيا وبأهلي وتقولي ديما اتصلي بأهلك باش تحسي بوجود عائلتك حواليك ويخففوا عليك وبالنسبة للألترا ساوند ماتعبيش عليه في كل مشية لالالالالالا مرتين في الحمل كله فقط مرة في الشهر الثالث يطمنوا عالجنين ومرة في الخامس بيشوفوا جنس الجنين والباقي لكان اطيري مايخلوك تعرفي زمان علي ماخاطري نديره قررت منكدب عليهم منقوللهم بطني توجع فيا ومنعيط لكن راجلي ماوافقش هههههه وطبعا الجهاز مش في نفس المستشفي لالا لما يبوك اديريه يعطوك ورقة ويقولولك اتصلي بيهم وخودي موعد وتتصلي ويعطوك موعد في مكان خاص بالجهاز غير المستشفي تمشي ويديرولك ومايعطوكش النتيجة يبعتوها لدكتورنك وهيا تخبرك بالنتيجة حاااااالة هههههه لكن ميزتهم والله انهم يهتموا بالنفسية هلبة في الحمل تصوري اديرلي دكتورتي في استبيان كل شهر فيه اسئلة زي مثلا شن مشاعرك هالفترة سعيدة والا حزينة وشن شعورك اتجاه طفلك وهل تحسي انه حياتك حتتغير للأفضل او العكس وشن تحبي تحكي علي تحسي بيه توا وامتى اخر مرة بكيتي فيها ههههه وهلبة اسئلة مش متفكرتها المهم ياجنودة هذا نظامهم ادوية ممنوع قر الامكان وكل شي عندهم طبيعي وعادي ويصير لكن بالمقابل يهتموا هلبة بالنفسية وهذا أهم شي وربي يسهل عليك ان شاء الله |
رد: سيدات ليبيا الحبيبات ..تفضلووو
صباحووووووووو
|
رد: سيدات ليبيا الحبيبات ..تفضلووو
هدهوده طلعتي انتي امس بعد خسيت نقول ف حد نسيت
نسأل عليه هههه معليش الزهايمر كل مره جاي ع وحده وربي يعطيك الصحه ع عزوووومه بالنسبه لدورتك انحس فيكي كل شهر هكي تأخر يمكن انتي تحسبيلها غلط وهي نظامها هكي تعبك ماتجيك بدت وحتي نفسك نفكر ف لمات وطلعات خصيصا اني من اول ماتزوجت حامل مع ذلك الحمدلله ع كل حال نعمه من ربي بالنسبه ليا يفوت فرح خواتي بس هههه وبعدها عادي مع ان بنوتي توا سنه وشهرين زغنونه لكن كل مانحق بيبي\ مولود انحن هههههه ربي مايحرمهم لحد ان شاء الله احلى شعور بجد بالنسبه لتوتاي لامازال شحن وشحنا بس تبي الحق بديت انمل من لاب توب ووقتي عادة مع العيال حاسه بكساد رهيب وقوووي ومرايفه ع هلي وليبيا بصفه عامه بالنسبه لنظام الترا ساوند نفس هنا يديرو مرتين ف الثالت والسابع ولا ادويه ولا شي فيتامينات واوميقا 3 بس بس هنا عندهم حاجة حلوة للحامل تسمي الميد وايف بعد تحملي تجيك كل شهر ف حوووشك وتوعيك وتنصحك عن حمل والشهر هذا وتطوراته والبكريه تعلمها كل شئ من اي تو زد ع قولهم تحميم البيبي ورضاعته والتعامل معه وف التاسع اول ماتخشي يدزولك فريق رضاعه طبيعيه للتوعيه بهااا هك دارو لجارتي طبعا لي ماعندهش انجليزيه يدزو معاها مترجمه ع لغتك انتي |
رد: سيدات ليبيا الحبيبات ..تفضلووو
اوشي غزالة جبلنااا ان شاء الله الحلوين
ماشين تمام في المذاكره والامتحانات ربي يوفقهم ان شاء الله |
رد: سيدات ليبيا الحبيبات ..تفضلووو
فيفي وخوله وينكن معش طليتن علينااااا
شموسه زعمه جابت ولا شن؟؟؟ لي يحكي معاها ع الفيس يسلملي عليهااا |
رد: سيدات ليبيا الحبيبات ..تفضلووو
السﻻم عليكم كيف حالكم كلكم
|
| الساعة الآن 02:04 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .