|
رد: تجمع حوامل العراق واتمنى اكو احد موجود
اي بنات اسولفلكم الي صار ويايه البارحه من حسن حظي زوجي كان جالس على الفيسبوك
كالعاده يدردش ويكتب مقالات وبعدين اجا اتصال من اصدقائه ذكره عندها ىموعد ويا الدكتور ابو الاسنان المهم راح للدكتور واني دافتح النت كتبلي الصفحه هل تريدين الاسترجاع الصفحات السابقه من حسن حظي انه تارك الموقع الفيسبوك مفتوح المهم دخلت على الموقع الي مسوي بغير اسم ولكيته عنده صديقات ودردشه فارغه وياهن وبعدها اجى ردت مااكله بس اني مااعرف مااضم شي بعدين اني حامل وبالشهر الخطر تغاضيت على الموضوع وهو من البارحه لليوم يداري بيه ويلبي كل طلباتي حتى لو اكله اريد نجوم من السما يجيبها حتى لاتعارك وياها اريدكم تنصحوني شنو الي اسوي وياها مع العلم هو فتحلي الفيسبوك شوفني كل الرسائل وعدني انه مايدخل بعد وانه ماعنده شي وياهن مجرد صديقات بالنت اريدكم تنصحوني الله لايحر مني منكم تعرفون اهلي بعيدين عليه مااكدر احجيلهم حتى لايضلون بقلق عليه حاسبتكم اهلي |
رد: تجمع حوامل العراق واتمنى اكو احد موجود
سلامتج ام زها حبي يارب متشوفين شر,,
امونه حبي والله انتي ناسيتني همزين اتذكرتيني,, ايهومي يسلم عليج وزعلان يكول خالتو امونه متسأل عليه.. هو زين نسبيا لو يسلم من المغص والغازات وانوب التهاب السره والله دخت اخاف عليه ولوتشوفون زوجي راح يتخبل من الكارتات النهار كله اخابر اختي ايهم كذا وشسوي لايهم هههههههههه اختي تكول جيبي اربي واخلصي منه كتلهة يمه وشلون افاركه حبيبي اروح فدوة لريحته هسه انزللكم صورته بس زوجي يوافق تدرون بعده جديد ومعتز بيه ههههههههههههه والله امونه الزوج لمن يشارك زوجته فرحه يتجدد زواجهم ويصير اكو تغيير ويكسر الروتين والزوجه تفرح لمن زوجها يتذكرها لانه المرأة تبقى رومانسيه حساسه وتحب المفاجآت من زوجها الله يكون بعونج حبي وحاولي انتي تعلميه على هالشغلات انتي حضري للمناسبه وعلميه راح هو يتعلم سنه وره سنه ويحسبلهة للمناسبه حساب صدكيني اقحميه بكل مناسبه وجددي بحياتكم بدلي واتمكيجي وفاجئي انتي وشوفي شلون راح يلين قابل زوجج حجر مو المرأه حتى الحجر تذوبه ولتكوليلي لا لانه عدنه كيد انذكر بالقرآن فكل هذا الكيد منكدر على رجال بيه..؟؟ اني زوجي هو واهله يحبون المناسبات وهم عائله ارستقراطيه مثقفه جدا يحبون التواصل الاجتماعي وكلشي عدهم مهم ويتواصلون بالعائله ووي الغير وزوجي يموت على المفاجآت الله يحفظه الي يارب,,وبس يبعد عني كيد خواته وغيرتهن اعيش براحه على الرغم من انه هن بعيدات عنه بس الغيره من حبه الي كاتلتهن كتل.. الله يبعدكم عن غيرة النسوان يارب |
رد: تجمع حوامل العراق واتمنى اكو احد موجود
هلو عذوره شلونج حبي وشخبارج تره النت يمي زفتيشن ولابتوبي احتركت شاحنته وداادخل من لابتوب زوجي خخخخخخخخخخخ مها حتى بهاي اني وياج متشابهين سبحان الله
عذوره يارب اتجيبين وتكومين بالسلامه يارب وتفرحينه بيج بجاه الحبيب محمد |
رد: تجمع حوامل العراق واتمنى اكو احد موجود
هلو ام ايهومي شلونج عيني ايهومي شلونه مشتاقين
|
رد: تجمع حوامل العراق واتمنى اكو احد موجود
ام بساسه كللي شسوي ويا رجلي احظرله الطاوه ؟؟؟؟؟؟؟؟؟؟؟؟
|
رد: تجمع حوامل العراق واتمنى اكو احد موجود
ام بساسه كللي شسوي ويا رجلي احضرله الطاوه ؟؟؟؟؟؟؟؟؟
|
رد: تجمع حوامل العراق واتمنى اكو احد موجود
صدووك صار عندي زهايمر من الحمل كمت اتكتب الكلام مرتين الله يساعدني
|
رد: تجمع حوامل العراق واتمنى اكو احد موجود
عيني ام زها لاتخلين الشك يفسد علاقتج بزوجك وهاي شغلة الفيس بوك اني اعتبرهة عاديه جدا اني زوجي على الفيس بوك اصلا مضايفني لصفحته واني هم مضايفته وثلاثة ارباع اصدقاءه بنات واعرف اسماءهم ومرات يدزولي سلام وهو وياهم على الفيس بوك ضحك وشقه
ماانكر انه اني اغار احيانا بس صدكيني ثقتي اكبر من غيرتي واصلا ماعندي اي شك |
رد: تجمع حوامل العراق واتمنى اكو احد موجود
ام ايهومي تسلمين على الرد الجميل صح اني ثقتي بزوجي اكبر من غيرتي بس احيانا
مانكدر نتمالك غيرتنا او تصرفاتنا اكيد اني انتظر طفل منه اكيد العشره ماتهون بعدين اني احبه ومااراح اخلي غيرتي تخرب بيتي |
رد: تجمع حوامل العراق واتمنى اكو احد موجود
عزيزتي نور عندج العافية وسلامتج من كل مكروه بالنسبة للمناسبات والاحتفاء بيها اتفق وية أم أيهم الزوجة لازم ما تيأس وتحاول والمثل يكول ابنج على ماتربيه وزوجج على ماتعوديه عودوا أزواجكم على الاهتمام بهذي الأمور لأنه هي اللي تخلق لحظات الفرحة الحقيقية لقاء الجسدين يصير بسهولة ودائما بس لقاء الأرواح يحتاج وضع ووقت مناسب وظروف مهيئة طبعا. بالنسبة للفيس بوك عن نفسي حتى لو الثقة موجودة ما أحب العلاقات تتعمق لحد المزاح "الثخين" والحديث المطول يعني كل شيء بحدوده أفضل .. انت لتخلين هذا الامر يصير عقدة بحياتج أم زها أكعدي وتفاهمي وياه وكليله بصراحة انه هالنوع من العلاقات مايرضيج وهو لازم يدور رضاج مثلما انت تسعين لرضاه. ربي يوفق الجميع ويديم المحبة |
| الساعة الآن 01:01 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .