|
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
حبيبتي عيون المها قبل كل شي ان شاء الله ان شاء الله يارب تكوني انتي واميراتك وبيبيهاتك بالف بالف خير وزوجك كمان احسن يزعل هههههههههه من حكي صبايا حبيبتي بخصوص صلاة مع أولادي دائما لزم نذكرهم حتى لو سمعوا آذان رغم هيك بنضل بنحكي معهم حتى يصلوا عندي والحمد الله زوجي اهم شي اهم شي صلاة قبل اي شي بالبيت يتركوا كل شي بايدهم على صلاة وهلاء دخلنا وقت اجازة الصيف راح يروح لتحفيظ القرآن زي كل سنة والشاطر فيهم بياخد جائزة من المسجد ومنا وطبعا مساجد بتقوم برحلات ترفيهية لاولاد عشان ما يكرهوا روحها على مسجد هيك بتم اجازتهم ومحافظتهم على صلاتهم بتعرفي لي يومين بنشتغل بالبركة والحمد الله أنجزنا انا وزوجي جزء كبير كتير منها وطلعت كتير كبيرة 4 متر طول وعرض 3.5 متر وعمقها متر ونص أولاد مبسوطين كتير بيشتغلوا معنا لانهم بدها تجهز بسرعة ههههههه وبيحكوا خلص مافي بحر ورح نضل من صبح لاخر الليل فيها ههههههه عندي مجد بنحكي عنه سمكة مي لانه مابيطلع منها وندى ما شاء الله عليها بتعرف تسبح بس فراس لس صغير بخاف ينزل لوحدها بكون معه هههههه يلاه عقبال عندك تعملي للبنات حلوين بركة والله بتحافظ على أولادنا من لعب برا البيت وكمان بيكون اجازة حلوه ورمضان خفيف عليهم |
رد: دردشة بنات فلسطين, دردشة حوامل فلسطين, تجمع بنات فلسطين
منورين صبايا جارة - بينك - ام عزمي - عسولة - حواء - غموض - وضيفتنا جديدة حيفا أهلا وسهلا فيكي عزيزتي
شو اخباركم صبايا كيفكم وكيف جو الصيف الله يكون بعونا الفترة هي غموض ياروحي كيفك وكيف وضع في تونس بسمع انه مش كتير الامور هناك اهلي دائما على الاتصال معي يلاه ياعمري هانت قريب بشوفك بس طبعا لزم أولاد بغزة بعدها بتشوفيني قدامك بتونس هههههههه راح تزهقي مني وراح اعرفك على اغلب فلسطينيات هناك بينك ياعمري كيفك وكيف رهف يارب تكونوا بالف خير طمنينا على اسراء شو اخبارها جارة وعسولة وباقي الصبايا انتو كلكم والله عسل ودائما بكون مبسوطه وانا بتابع اخباركم حلوه وكلامكم عسل وطبعا طبخاتكم ههههههه وحكيكم يانسسسسوان هههههههه الحمد الله في منتدى عسل بيجمع كل الناس الحلوين وطيبين على قلوبنا |
رد: دردشة بنات فلسطين, دردشة حوامل فلسطين, تجمع بنات فلسطين
مسـ\ــاكم فـ\ـل و ياسميـ\ـن ربي لا يحـرمنا هاللمه الحلـوه و اهم شي طبخاتكم هههههه اول شـ\ـي برحـ\ـب بضيفتنـ\ـا حيفــــــا هلا فيكي و بكل اهل القدس ,, انا من القدس بس حاليا مغتربه في امريكا ,, بتمنالك اقامه دائمه في تجمعنا ,, نهارك سعيد عســــولة العمر كله ان شاء الله ,,لسى صغيره و الحياه قدامك يا عمري هاااد الحمل التاني الك ..عساه خير,, بفضل الله انه نفسيتك مرتاحه ,,مرت اخوي مره هيك فئدت حمل و بعدين ربي اعطاها 3 بنات و 2 ولدين و مرت اخوي التاني كمان نفس الشي و هلآ ما شاء الله عندها احلى حمزه ’’..الخير في المستقبل ان شاء الله ام عــــزمي نهارك فل ,, هههههه انا اليوم عامله فاصوليا خضرا مع كتف و فخده,, يجعل كل ايامنا خضرا هههه جوزي بحبها هالاكله لا مفر,, عامله عشى مرتب لانو ما بيئدر يجي على الغدى بحكم شغله ,, جوزي متل جوز حيفا شو اطبخ ما بيحكي شي اي شي بياكل ,,, بس بالذات الفاصوليا بحبها ههههه صرت اغار منها hwaml03 ايه صحيح صحتين على المحشي ,, انا لسى هلآ الساعه عندي 11:16 الصبح هلآ بلشت اطبخhwaml8 صبايا برجعلكم |
رد: دردشة بنات فلسطين, دردشة حوامل فلسطين, تجمع بنات فلسطين
هلا بأغلى حبايب
نورتي يا عيون المها كيفك ياعسل وشو عامل على عشا يلاه احكيلي انا عشا بحتار فيها اكتر شي زوجي من نوع بيحب يتعشا ويسهر اكتر من وقت الغدا بروح من شغله تعبان بس بده ياكل اي شي وينام شوي لهيك بحب عشا يكون مميز |
رد: دردشة بنات فلسطين, دردشة حوامل فلسطين, تجمع بنات فلسطين
يسلمووو حبيباتي سهى وعيووووون اهلا فيكم وتشرفت فيكم
انا ملخووووومه ع فكرة هههههههه اللي صار معها هالموقف تقولي شو عملت هلا انا كنت ناوية اعمل ستيكات دجاج ولحمه طبعا نزلت اشتريت الاغراض يعني فواكه واغراض للحلو اللي بدي اعمله وستيك لحمه وستيك جاج وفطر وكريمه زوجي وصلني ورجع على شغله ومن ثم انا حطيت الاغراض وقعدت شوي ارتاح لانو شوووب وهيك بوردت وشربت كاسه عصير قمت احضر انقع الاشياءات بالليمون والخل وما الى ذلك واز مافي لا ستيك ولا ما يحزنون ، وينهم لطش دور خبص ما لقيتهم ، اتصلت بجوزي ، قلي بدور بسيارتو وبرجعلي وطبعا رجعلي وقالي معو بالسيارة وننوووو وي يقدر يرجع قبل المغرب هههههههههه فانا من فرحتي بهبلي دورت ع شي تاني عندي لقيت ، فخاد دجاج ، ولحمه مفرومه خشنه ، وكيس خضراوات مجمده ف على طول خطر ببالي الاوزي وعملت بجنبه ملوخيه ههههههه ويلي شو انه الوضع صعب لما يكون ملخومين انا وزوجي ههههههههه المهم لسا في ساعتين على الاذان جهزت الملوخيه ، وبدي اعمل الاوزي كمان شوي لانه لسا بدري عليه مساكم عسل يا صبايا :) |
رد: دردشة بنات فلسطين, دردشة حوامل فلسطين, تجمع بنات فلسطين
http://forum.hwaml.com/imgcache2/hwa...392909_585.gif لكل الصبــــ\ـــايااا ياللي راح يحتفلــ\ـــوا بعيـ\ــد زواجهـ\ـمhttp://forum.hwaml.com/imgcache2/hwa...392909_585.gif بتمنـــالكــــــم احلــــى و اجمــل اللحظات ربـــي يديـــم السعـــاده و المحبـــه http://forum.hwaml.com/imgcache2/hwa...392909_585.gif بينا و بين ازواجنـــــــا ******* ســــــــؤال لكل الصبــااااايااااااا طول فترة زواجك ’’ايش اكتر هديه اعجبتك قدمها الك زوجك او احلى مفاجأه عملها الك ما راح تنسيها مهما مرت الايام حتى نغير من روتين الدردشه اللي ما بتجاوب hwaml11 |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير كيف الحال شو الاخبار
عندما تقسوا علينا الدنيا يكون للدمع معنى اخر ....... ابشرك يا زماني دمعي عرف كل المعاني اعذوني بنات مابدي انكد جوكم بس انا كثير تعبانة ومضغوطة ومش عارفه من وين بدي اتلقاها مش قادرة اتحمل وما ضل للصبر مكان امانة تدعولي |
رد: دردشة بنات فلسطين, دردشة حوامل فلسطين, تجمع بنات فلسطين
حبيبتي حواء شو القصه ، خير ان شاء الله ؟؟
|
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
النور نورك يا احلى قمر الله يعزك ياااااارب متل ما كتبت في تعليقي الاول عامله ان شاء الله فاصوليا خضرا مع فخد و كتف ,, ايه متلك زوجي بحكم شغلو ما بيئدر يجي على الغدى لهيك دائما بعملو عشى مرتب ,, مع اني مقصره هالفتره مو متل اول بسبب الحمل ,,و التقل ما بئدر اوقف كتير بالمطبخ و الحمد لله جوزي بياكل اي طبخ يعني ما بتقيد بزوئو اي و انتي شو عامله اليوم ,,ناخد افكار منك الله يعطيه الف عافيه جوزك و يديمه الكم يارب و يفرحكم بجنى سالمه بين ايديكم |
رد: دردشة بنات فلسطين, دردشة حوامل فلسطين, تجمع بنات فلسطين
حــــواء مثاليــــه ربي لا يجعل الدمع الو مكان في حياتك بتمنى انو كل امورك تمام ان شاء الله طمنينا عنك حتى لا ينشغل بالنا |
| الساعة الآن 01:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .