منتديات حوامل النسائية - الحمد لله ولدت بعد طول انتظار

الحين بقولكم قصة ولادتي وفعلا كنت اكثر ولاده متعبه الحمد لله على كل حال
رحت المستشفى وانا مخلصه شهري وزايده عليه ولاعندي بوادر ولاده غير نزول جزء من السداده في اليوم السابق
والسبب اعتقد انه والله اعلم اني شربت زيت الخروع وانا للامانه ماناسبني وكان طلقي جدا حامي ومتعب عكس ولادتي السابقه
المهم حصل لي شي غريب بعد مافحصتني الدكتوره كان الرحم فاتح ٣ سم وبدون طلق
المهم طلعوني تنويم وهذا الكلام الفجر الساعه ١٠ جاتني دكتوره وقالت لي بيعطوني طلق صناعي تحاميل وهو مخفف عشان عندي عمليه سابقه
فخفت جدا وبعد ماصليت الظهر وصليت وكعتين استخاره بدا معاي الطلق من ربنا ولله الحمد والشكر وانا كان يجيني طلق متباعد ولا هو منتظم بعد الاستخاره انتظم الحمد لله
الشي الغريب الي صار ان الطلق عندي مايبين في جهاز الطلق ابدا بتجيني طلقه وعلى قد قوتها ماتطلع في الجهاز
فكانت الممرضه تجي وتكشف وتقولي ماعندك طلق
لين صار بعد العصر خلاص اشتد الالم وبدأت اخاف والوم نفسي وافتكرن السبب من الخروع هو الي سبب لي ذا المغص
المهم ناديت الدكتوره وكانت رافضه تجي عساس وضعي مستقر وماجد جديد وانا خلاص بموت من الالم
وبدا الصوت يعلى والالم يشتد فاضطرت تطلع قسم التنويم عشان تشوف وكشفت علي وكان الرحم فاتح ٧سم
وبدات تختصم على الممرضات كيف تقولون مافي طلق وهي كذا حالتها
المهم على بال ماينزلوني للكشك تحت اشتد الالم وماصرت اقدر اخذ نفس وانا في المصعد انفتحت المويه
واول مادخلت الكشك الحمد لله ولدت
فالحمد لله من قبل ومن بعد