|
رد: .·¤ تجمع الحوامل اللي ولادتهم في محرم¤·.
السلام عليكم
اخبااركم... مرررره داايخه وتعبانه مافطرت ولاشي جيت اشوفكم اول.... انابحملي الثاني كنت مسجله بالمنتدى ومجهزه اسماءاخذرايي البنات فيها ....اولاد وبنات وكنت بسمي البنت حنين اوالمها ....تخيلو من اللي رفض اخوانه واخواته وش دخلهم ....عندكم عيالكم مالكم خص .....لين كرهوه بالاسماء وبنتي جلست اسبوع ماتسمت وامه الله يسامحه موراضيه اسمي على امي قهرتني ....واخرشي هوسماها على كيفه انابسمي على ابوه هوالوحيد اللي يستاهل الله يرحمه |
رد: .·¤ تجمع الحوامل اللي ولادتهم في محرم¤·.
السلام عليكم
اخباركم بنات وحشتوووووووووني معليش توي اشحن الكونكت اخر اخباري النونو ماتحرررررررك ليش بنات في بكري تحركت هالوقت |
رد: .·¤ تجمع الحوامل اللي ولادتهم في محرم¤·.
روح حبيبتي انتي الغلطانه المفروض ماتعطين مجال احد يعرف اسماء عيالك قبل ماينكتب ويتسجل
واذا ولدتي وقالولك شسم الي جبتي قولي مابعد نتفق انا وزوجي مشكله بنات احس حيييا اهلكم واهل ازواجكم يتحكمون في اسماء عيالكم احنا الحمدالله ماعندنا هالشي وكل واحد يسمي على كيفه صحيح ساعات مايعحبني الاسم لو كان ولد اخوي ولا بنت اختي بس مانجبرهم يغيرونه زي ولد اخوي غصب امه عاجبها اسم مختار تخيلو.مب حلوووو بس الكل قال لها مب حلو بي محد اجبرها تغيرولا قال لها غيريه اصلا والحين عمره ثلاث شهور واشوي ومحد يشتهي اسمه مابعد نتعود عليه هههه بس ماردنا ابنتعود |
رد: .·¤ تجمع الحوامل اللي ولادتهم في محرم¤·.
اللهم الله يساعدك اغلبنا هتا لسى مابعد يتحرك او حركه خفيفه
شكل مواليد محرم كسوليين |
رد: .·¤ تجمع الحوامل اللي ولادتهم في محرم¤·.
مساء الخير ،، شلونكم كروشات !؟ شخباركم ؟ وشخبار بطونكم ؟ كبرت والا للحين ؟ انا عن نفسي كبرت شوي ،، يعني يبان اني حامل بس ما كأني بالخامس ،، يناسبي اكون بالثالث ههههههه ،،
اثري ،، تسلمين حياتي ،، ربي يبارك فيج ،، اسم (تميم) حلو ،، واحسه كشخه ،، اعز ،، ربي يعطيج الصحه والعافيه ،، حاولي ما تكثري نزلات وطلعات ،، خصوصا إذا فيه درج ،، ربي يحفظج ،، بالنسبه للاسماء ،، دام هو حاب يسمي ما راح يقتنع ،، خصوصا ان اخوه مسمي ،، ما يبي يكون احسن منه في شي ،، حاولي تقنعينه بالهداوه وتبينين له ان لما يكبر البيبي يبي له اسم حلو وجديد ،، مو العايله كلها نفس الاسامي ،، تمصخ السالفه بعدين ،، انا مضطره اسمي احمد ،، لان ابوي احمد وابو زوجي احمد (الله يرحمهم) ولو بسمي اسم غير الكل بيسأل ليش ما سميت احمد ! ونفس حالتج كل اهله واخوانه واخواتي واهلي مسميين احمد ،، لكن لو بنوته بنسميها شيخه ،، وهي الشي الوحيد اللي ما حد بيتدخل فيه ،، ورأيي من رأي مامة اولادي ،، وفكرتها حلوة ،، وفعلا احنا من حقنا نسمي اولادنا ،،! احنا نتعب وهم بالساهل ياخذون ألاسم ويختارونه ،! عيش الحياة ،، تسلمين حبيبتي ،، ربي يسمع منج ،، ولو عندي شك بس راح اتأكد باذن الله بعد اسبوعين ،، المها ،، بسم الله عليج ياقلبي ،، ماعليج الا العافيه ان شاء الله ،، ريحي شوي ،، وعليكم بالعافيه الشقه الجديده ،، يارب تسكنوها قبل تولدين ،، وبعد الولاده ينورها البيبي الحلو ،، بالنسبه للشقه وديكورها ،، دام انج بتسوين مودرن ،، وهذا اللي افضله ،، استخدمي درجات الوان الرصاصي ،، من الابيض إلى الرصاصي الفاتح إلى الاغمق شوي إلى الاغمق ،، وممكن تخلي الاثاث للمطبخ والصاله ( القعده ) بلون ابيض مدخل عليه رصاصي ومخدات ورديه فاتحه (baby pink) احسه بيطلع جنان ،، والمطبخ خلي كل اغراضك ستانليس ستيل افضل ،، يعني الفرن والثلاجه وكل شي ،، عشان يمشي مع طقم المطبخ ،، وحتى لو خليتي طقم المطبخ ابيض يطلع حلو وتدخلين عليه شوية رصاصي في الاطراف وفي الزوايا ،، لو ما حبيتي الرصاصي شوفي البنفسجي ،، يطلع حلو مع الابيض بعد ،، وعليكم بالعافيه مقدما ،، ام اسكندر ،، ربي يعطيج العافيه ،، انا اشبك بالجوال ،، الفكرة حلوة وايد ،، وفعلا احسها تضبط ،، يعني بما معناه (اخذيهم بمشراع وميداف) ههههههههههه جربيها اعز وخبرينا شيطلع معاج ،، دلع ،، ربي يبارك فيج حبيبتي ،، ويتربى في عزج الولد شيخ الرجال ،، فديته ،، شخبارج الحين مع حبوب الحديد ؟ ان شاء الله خفت اللوعه ؟ زوجة ناصر ،، بخير يالغاليه ،، انتي شلونج ؟ وشخبار البيبي معاج ؟ يصحيج بالليل من النوم والا ؟؟ عبير ،، ههههههههههههه عادي حبيبتي الحمل سوا فينا بلاوي والله ،، انا حتى زوجي ملاحظ علي ،، اقل شي يبكيني ،، حتى لو اتابع فلم !! ومن يومين زوجي دخل وكنت اغسل ملابس قام زعل علي وقال انا كل مره اغسلهم ليش قمتي وغسلتيهم ! قمت اصيح ،، ههههههههههه وهو يقول تصيحين عشاني خايف عليج وعلى البيبي !! هههههههههه ما كان عندي رد الصراحه ! ليش صحت مادري !! بس بعدها قلت له لأني عبالي بتستانس اني قمت وسويت شي بدل ما انت تتعب وتسويه ،، هههههههههههه بس والله بعدين قعدت اضحك على نفسي ،، وهو راح يقول حق امي ترا بنتج يننتني !! اطلع شوي وارجع هي تشتغل ! هههههه بس سالفة الاسامي ههههههه ما قد صارت لي اني اصيح عشان اقتراح اسامي ،، احس لو سويتها زوجي بينجلط مني هههههههههههههه يالله ،، روح الورد ،، وهم اشدخلهم !!! والله شي يقهررررر ،،!! >> عصبت ،، انتي تتعبين وهم يسمون بالساهل !! وبعدين الله يهديها ام زوجج ليش ماتسمين بأسم امج !! هذي امج ولو حابه تسمين بأسمها بكيفج ! مافي حد يتدخل !! انا اهل زوجي ما اعطيهم فرصه يتدخلون ،، وحتى لو تدخلوا زوجي يوقفهم عند حدهم ،، والحمدلله هم في حالهم ،، من يومين يسألوني شنو بتسمين وقلت لهم لو ولد احمد ولو بنت شيخه ،، وافكر اسمي الولد حمد ،، الا يقول لي اخوه لا ليش حمد وابوج وابوه احمد ! قلت له تغيير وانا لافه وجهي عنه هههههههه عشان يفهم ان مالهم دخل !! اللهم سترك ،، بخير ربي يسلمج ،، انتي شلونج وشخبار البيبي ؟ والله انا الحركه قليله كلش ،، حتى اوقات ما احس انها حركه ،، بس اقنع روحي واقول يمكن لأني بكر ،، |
رد: .·¤ تجمع الحوامل اللي ولادتهم في محرم¤·.
هويروح ياخذ رايهم
والله تعبت منه اقوله مالهم خص ماكوووفااايده هذاهم مايخذون رايك بااسامي عيالهم ....استغفرالله بس بالبنت الجايه بعاند وانابسميها.... |
رد: .·¤ تجمع الحوامل اللي ولادتهم في محرم¤·.
بالنسبة لموضوع الاسماء انا اشوف كل واحد يسمي على كيفو
انا ولدي الاول تسمى على اسم جدو من اول ما حملت قالو اذا ولد اسميه اسم الوالد ما رفضت احترام لابو زوجي بس قلت له ان شاء الله الثانيتين انا اسميهم بس الحين يقول اذا ولد انا اسميه واذا بنت انت سميها قلت طيب بشرط اسم الولد يكون عاجبني واما اسم البنت انا حختار اسم ولا راح اقول لاحد حتى زوجي حخليه براسي لما تجي البنت وبعدها على طول يكتبها ان شاء الله بدون ما استشير احد لأن الموضوع حساس من ناحيتي |
رد: .·¤ تجمع الحوامل اللي ولادتهم في محرم¤·.
يذا موضوع الاسامي الي ماخلصنا منه ههههه
|
رد: .·¤ تجمع الحوامل اللي ولادتهم في محرم¤·.
روح الورد ،، ربي يقومج بالسلامه يارب وتفرحين بها وتسمينها على مزاجج ،،
قولي له هالمره الاسم ما بقولك عليه بخليه مفاجأه ،، عشان يتحمس وينتظر هاليوم ،، عيش الحياة ،، زين تسوين ،، زوجي ما يهتم كثير لهالشغلات ،، يعني ما عمره فرض رأيه علي وهذا احسن شي فيه ،، يعني انا بنفسي اروح اسأله وش رايك بهالاسم وهو يقول حلو او مو حلو ،، بس ،، وهو معلم اهله ان مالهم دخل فينا لو شنو يصير ،، والحمدلله هم متفهمين هالشي وعارفين ان هذي حياتنا الخاصه ،، لكن بعض اخوانه الكبار يتدخلون وزوجي يوقفهم عند حدهم بالغشمره بس يفهمونها ان مو شغلكم ،، ههههه دلع ،، ههههههههه شكله كل بنات التجمع يعانون من الاسامي ،، والصراحه من حقهم ،، شي يقهر ! انا اللي اتعب وغيري يسمي ويتحكم بضناي على كيفه ،! ليش هو شطرنج !! |
رد: .·¤ تجمع الحوامل اللي ولادتهم في محرم¤·.
دلع ،، ليش ما تحطين شريط الحمل ؟ حلو كل يوم تشوفين نفسج متقدمه ،، ويبين لج مابقى شي وتخلصين ،، يعطيني حافز الصراحه ،،
|
| الساعة الآن 07:26 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .