المشاركة الأصلية كتبت بواسطة ninya (المشاركة 2891564)

انا مش معاكي انك تسجني حالك لكن على حسب انت من وين لو كنت في دولة محافظه وصعب تعيشي لوحدك وتشتغلي خليكي في بيتك لو لا اطلقي واشتغلي وعيشي حياتك احنا مش جايين لدنيا عشان نتعدب والرجالة يعيشو ويتمتعو اكيد هذا الشيء ما يرضي رب العباد ربنا عرفوه بالعقل المهم تسعدي حالك عشان تقدري تسعدي ابنك او بنتك
انا مش معاكي الصراحة لو فضلنا هيك مقموعين ومقهورين راضيين بالوضع بناتنا كمان حيعيشو نفس الحياة الله يسهل يارب ويارب اي ظالم ربنا ينتقم منو

المشاركة الأصلية كتبت بواسطة البيضاء (المشاركة 2891512)

أريد أن انسى زوجي... أريد أن لا أفكر فيه لأنو مجرد التفكير أنو لهذا الحد واصلة علاقتنا خيانة و زنا و حرام ومنكرات بكره حالي و بكرهو اكتر.
شو ذنب البيبي المسكين؟؟ أنو يكون له اب متل هذا..
أنا حابة انساه نهائيا، وشيلو من حياتي لأنو ما بيستأهل أرهق حالي بالتفكير فيه.
أنا لسى عروس جديدة وبتعرفو في جوانب ما فيها المرأ تتحمل أنو ما تأخذ حقها الشرعي فيها، هو إذا ما عم يدور على هالحق لأنو عم يعملو بالحرام وكافي حالو... بس أنا عوضتو بعلاقة ثانية علاقتي بالله حابة اتقرب من الله اكتر وإنسى هذا أالزوج المسيء
مش حابة اطلع من البيت مشان ابني أو بنتي لما يجو أن شاء الله ما يتمرمطو ببيوت العالم،واللي يقول يا حرام واللي يقول بيستاهلو واللي يشفق عليهن.. مو متخيلة ولادي بهذا الذل... حابة اتحمل مشان هذا السبب
يا ريت كل واحدة منكن تدعيلي بصلاتها من كل قلبها الله يثبتني ويساعدني اني اتحمل الجفا و الهجر وكل عمايل زوجي فيني، أدعولي بالثبات أنا هلق على سراط ومحتاجة دعواتكن، لا تبخلو عليي اعطوني أفكار أشغل بها حالي عن اني متزوجة وزوجي هاجرني.. وأدعولي خاصة أدعولي كتيير
الله يهنيكن و يصلح أموركن ياااا رب.